ᱪᱮᱛᱟᱱᱨᱮ ᱡᱷᱚᱛᱚ ᱯᱟᱹᱨᱥᱤ ᱧᱮᱞ ᱢᱮ? ᱟᱞᱮ ᱜᱞᱳᱵᱟᱞ ᱵᱷᱳᱭᱮᱥᱮᱥ ᱨᱮᱱᱟᱜ ᱠᱷᱚᱵᱚᱨ ᱞᱮ ᱛᱚᱨᱡᱚᱢᱟ ᱮᱫᱟ ᱡᱮᱢᱚᱱ ᱥᱟᱱᱟᱢ ᱦᱚᱲ ᱴᱷᱮᱫ ᱡᱮᱜᱮᱛ ᱨᱮᱱᱟᱜ ᱱᱟᱜᱟᱨᱤᱭᱟᱹ ᱢᱤᱰᱤᱭᱟ ᱥᱮᱴᱮᱨ ᱫᱟᱲᱮ ᱭᱟᱜᱼᱟ

ᱠᱟᱢᱮᱨᱩᱱ ᱱᱤᱠᱚᱰᱟ ᱵᱷᱩᱴᱵᱚᱞ ᱫᱚᱞ ᱟᱠᱚᱣᱟᱜ ᱯᱩᱭᱞᱩ ᱡᱮᱜᱮᱛᱟᱹᱨᱤ ᱠᱷᱮᱞᱚᱱᱰ ᱫᱟᱣ ᱯᱩᱪᱩᱡ ᱦᱚᱨ ᱨᱮ!

ᱠᱟᱢᱮᱨᱩᱱ ᱱᱤᱠᱚᱰᱟ ᱯᱷᱩᱴᱵᱚᱞ ᱫᱚᱲ ᱟᱸᱜᱳᱞᱟ ᱨᱮ ᱥᱟᱯᱲᱟᱣ ᱠᱟᱱ ᱟᱡᱟᱜ ᱯᱩᱭᱞᱩ ᱡᱮᱜᱮᱛᱟᱹᱨᱤ ᱦᱮᱯᱨᱟᱣ ᱨᱮ ᱫᱟᱣ ᱧᱟᱢ ᱞᱟᱹᱜᱤᱫ ᱟᱸᱥ ᱮ ᱫᱳᱦᱚ ᱟᱠᱟᱫᱼᱟ ᱾ ᱯᱷᱳᱴᱳᱭ ᱨᱟᱠᱟᱵ ᱟᱠᱟᱫᱼᱟ ᱡᱤᱭᱳᱵᱷᱟᱱᱱᱤ ᱣᱟᱱᱱᱮ, Kick442.com,ᱞᱟᱹᱭ ᱠᱟᱛᱮᱫ ᱵᱮᱵᱷᱟᱨ ᱟᱠᱟᱱᱟ ᱾

ᱠᱟᱢᱮᱨᱩᱱ ᱨᱮᱱᱟᱜ ᱡᱟᱹᱛᱤᱭᱟᱹᱨᱤ ᱱᱤᱠᱚᱰᱟ ᱯᱷᱩᱴᱵᱚᱞ ᱫᱚᱞ ᱠᱟᱹᱣᱰᱤ ᱥᱚᱦᱚᱫ ᱢᱟᱦᱨᱚᱜ ᱠᱷᱟᱹᱛᱤᱨ ᱟᱡᱟᱜ ᱯᱩᱭᱞᱩ ᱡᱮᱜᱮᱛᱟᱹᱨᱤ ᱦᱮᱯᱨᱟᱣ ᱮ ᱯᱩᱪᱩᱡ ᱞᱟᱹᱜᱤᱫ ᱾

ᱡᱟᱹᱛᱤᱭᱟᱹᱨᱤ ᱱᱤᱠᱚᱰᱟ ᱯᱦᱩᱴᱵᱚᱞ ᱫᱚᱞ ᱟᱨ ᱡᱮᱜᱮᱛ ᱱᱤᱠᱚᱰᱟ ᱯᱷᱩᱴᱵᱚᱞ ᱯᱷᱮᱰᱮᱨᱮᱥᱚᱱᱟᱜ  ᱜᱚᱲᱚ ᱥᱚᱦᱚᱫ ᱱᱩᱠᱩᱣᱟᱜ ᱛᱟᱭᱚᱢ ᱨᱮ ᱢᱮᱱᱟᱜᱼᱟ ᱾ ᱱᱤᱠᱚᱰᱟ ᱠᱚᱣᱟᱜ ᱯᱷᱩᱴᱵᱚᱞ ᱠᱷᱮᱞᱚᱸᱰ ᱨᱮ ᱢᱤᱫ ᱯᱟᱦᱴᱟ ᱨᱮ ᱮᱭᱟᱭ ᱦᱚᱲ ᱟᱛᱮᱫ ᱠᱚ ᱠᱷᱮᱞᱼᱟ ᱾ ᱢᱤᱫ ᱜᱩᱞᱤ ᱟᱨ ᱛᱩᱨᱩᱭ ᱦᱚᱲ ᱜᱚᱴᱟ ᱯᱩᱲᱭᱟᱹ ᱨᱮᱠᱚ ᱠᱷᱮᱞᱼᱟ ᱾

ᱢᱚᱬᱮ ᱟᱱᱟᱝ  ᱠᱚᱯ ᱚᱯᱷ ᱟᱯᱷᱨᱤᱠᱟᱱ ᱱᱮᱥᱚᱱᱥ ᱯᱷᱚᱨ ᱟᱢᱯᱩᱴᱤ ᱯᱷᱩᱴᱵᱚᱞ ᱦᱮᱯᱨᱟᱣ ᱨᱮ ᱱᱮᱣᱛᱟᱭᱤᱡ ᱟᱸᱜᱳᱞᱟ ᱥᱟᱶ ᱜᱷᱟᱱᱟ, ᱠᱮᱱᱤᱭᱟ,ᱞᱤᱵᱮᱨᱤᱭᱟ,ᱱᱟᱭᱡᱮᱨᱤᱭᱟ,ᱨᱣᱟᱱᱰᱟ, ᱥᱤᱭᱮᱨᱟᱞᱤᱭᱚᱱ, ᱴᱟᱱᱡᱟᱱᱤᱭᱟ, ᱴᱳᱜᱚ ᱟᱨ ᱠᱟᱢᱮᱨᱩᱱ ᱥᱮᱞᱮᱫ ᱨᱮᱠᱚ ᱛᱟᱦᱮᱱᱟ ᱾ ᱤᱠᱷᱟᱹᱱ ᱠᱟᱢᱮᱨᱩᱱ ᱟ ᱵᱚᱛᱚᱨ ᱢᱮᱱᱟᱜᱼᱟ ᱱᱚᱣᱟ ᱦᱮᱯᱨᱟᱣ ᱯᱟᱞᱮᱱ ᱵᱟᱭ ᱥᱮᱞᱮᱫ ᱫᱟᱲᱮᱭᱟᱜᱼᱟ ᱾

“ᱩᱰᱟᱺ ᱜᱟᱹᱰᱤ ᱛᱮ ᱪᱟᱞᱟᱜ ᱞᱟᱹᱜᱤᱫ ᱟᱞᱮᱭᱟᱜ ᱪᱮᱫ ᱜᱮ ᱠᱟᱣᱰᱤ ᱵᱟᱹᱱᱩ ᱟᱱᱤᱡ ᱟᱨ ᱟᱞᱮ ᱟᱞᱮᱭᱟᱜ ᱫᱤᱥᱚᱢ ᱞᱟᱹᱜᱤᱫ ᱵᱟᱞᱮ ᱠᱷᱮᱞ ᱫᱟᱲᱮ ᱦᱟᱜᱼᱟ ,” ᱯᱳᱱ ᱰᱤᱭᱩᱰᱳᱱ, ᱠᱟᱢᱮᱨᱩᱱ ᱫᱚᱲ ᱨᱤᱱᱤᱡ ᱢᱤᱰ ᱯᱷᱤᱞᱰᱚᱨ ᱟᱨ ᱠᱟᱹᱢᱤᱭᱟᱹ ᱒᱓ ᱥᱮᱯᱴᱮᱢᱵᱚᱨ ᱥᱤᱸᱜᱮ ᱢᱟᱦᱟ ᱦᱤᱞᱚᱜ ᱚᱱᱰᱮᱱ ᱠᱩ ᱢᱤᱰᱤᱭᱟ ᱴᱷᱮᱫ ᱮ ᱞᱟᱹᱭ ᱞᱮᱫᱼᱟ ᱾

ᱠᱟᱢᱮᱨᱩᱱ ᱱᱚᱠᱚᱰᱟ ᱫᱚᱲ ᱫᱤᱱᱠᱟᱞᱚᱢ ᱢᱟᱨᱪ ᱨᱮᱜᱮ ᱵᱮᱨᱮᱫ ᱞᱮᱱᱟ, ᱡᱮᱜᱮᱛ ᱱᱤᱠᱚᱰᱟ ᱯᱷᱩᱴᱵᱚᱞ ᱯᱷᱮᱰᱮᱨᱮᱥᱚᱱ ᱨᱮᱱᱟᱜ ᱢᱚᱦᱚᱨ ᱧᱟᱢ ᱞᱟᱹᱜᱤᱫ ᱡᱮᱜᱮᱛᱟᱹᱨᱤ ᱦᱮᱯᱨᱟᱣ ᱨᱮ ᱟᱬᱜᱚᱱ ᱮᱠᱟᱞ ᱜᱮ ᱞᱟᱹᱠᱛᱤ ᱠᱟᱱᱟ ᱾ ᱤᱠᱷᱟᱹᱱ ᱱᱤᱛᱚᱜ ᱟᱸᱜᱳᱞᱟ ᱥᱮᱴᱮᱨᱚᱜ ᱨᱮᱱᱟᱜ ᱰᱟᱦᱟᱨ  ᱟᱹᱰᱤ ᱟᱸᱴ ᱜᱮ ᱵᱩᱡᱷᱟᱹᱣ ᱠᱟᱱᱟ ᱾

“ ᱮᱴᱠᱮᱴᱚᱬᱮ ᱛᱟᱞᱟ ᱨᱮᱦᱚᱸ ᱥᱮᱪᱮᱫ ᱠᱚᱫᱚ ᱟᱹᱰᱤ ᱵᱷᱟᱹᱜᱤ ᱪᱟᱞᱟᱜ ᱠᱟᱱᱟ;ᱟᱞᱮᱭᱟᱜ ᱥᱴᱟᱰᱤᱭᱚᱢ ᱵᱟᱹᱱᱩᱜ ᱟᱹᱱᱤᱡ᱾ ᱟᱞᱮᱭᱟᱜ ᱮᱴᱟᱜ ᱥᱟᱯᱟᱵ ᱵᱟᱹᱱᱩ ᱟᱹᱱᱤᱡᱼ ᱮᱠᱷᱮᱱ ᱯᱮᱭᱟ ᱵᱚᱞ,” ᱰᱤᱯᱷᱮᱱᱰᱚᱨ ᱯᱷᱨᱟᱱᱠᱳᱥᱤᱥ ᱰᱤᱢ ᱵᱟᱨᱤᱸᱜ  ᱑᱓ ᱥᱮᱯᱴᱮᱢᱵᱚᱨ ᱦᱤᱞᱚᱜ ᱫᱤᱥᱩᱣᱟᱹ ᱢᱤᱰᱤᱭᱟᱹ ᱥᱤ ᱟᱨ ᱴᱤ ᱵᱷᱤ ᱴᱷᱮᱫ ᱮ ᱞᱟᱹᱭ ᱞᱮᱫᱼᱟ ᱾

ᱟᱸᱜᱳᱞᱟ ᱥᱮᱴᱮᱨᱚᱝ ᱫᱚ ᱠᱷᱮᱞᱚᱸᱰ ᱠᱷᱚᱱ ᱦᱚᱸ ᱥᱮᱬᱟ ᱠᱟᱛᱷᱟ ᱠᱟᱱᱟ ᱾ ᱱᱚᱣᱟ ᱫᱚ ᱱᱤᱠᱚᱰᱟ ᱢᱟᱹᱱᱢᱤ ᱠᱚᱣᱟᱜ ᱦᱩᱫᱤᱥ ᱟᱨ ᱟᱹᱭᱫᱟᱹᱨ ᱥᱮᱬᱟ ᱨᱮᱱᱟᱜ ᱠᱟᱛᱷᱟ ᱠᱟᱱᱟ ᱾ ᱭᱩᱱᱟᱭᱴᱮᱰ ᱱᱮᱥᱚᱱᱼᱟ ᱞᱮᱞᱮᱛᱟᱲ ᱞᱟᱦᱟᱱᱛᱤ ᱨᱮᱱᱟᱜ ᱡᱚᱥ ᱟᱨ ” ᱚᱠᱚᱭ ᱦᱚᱸ ᱛᱟᱭᱱᱚᱢ ᱨᱮ ᱟᱞᱚᱠᱚ ᱛᱟᱦᱮᱱ ᱢᱟ ” ᱮᱡᱮᱱᱰᱟ ᱡᱮᱜᱮᱛ ᱨᱮ ᱢᱤᱫ ᱛᱚᱨ ᱮ ᱥᱟᱯᱲᱟᱣ ᱟᱠᱟᱫᱼᱟ ᱡᱟᱦᱟᱸᱭ ᱴᱷᱟᱹᱣᱠᱟᱹ ᱮᱫᱼᱟ ᱡᱮᱢᱚᱱ ᱱᱤᱠᱚᱰᱟ ᱦᱚᱲ ᱦᱚᱸ ᱵᱟᱝ ᱵᱟᱪᱷᱟᱣ ᱟᱛᱮᱫ ᱡᱤᱭᱚᱱ ᱨᱮᱱᱟᱜ ᱥᱟᱱᱟᱢ ᱞᱮᱠᱟᱱᱟᱜ ᱨᱮ ᱥᱮᱞᱮᱫ ᱫᱟᱲᱮᱭᱟᱜᱼᱟ ᱾

ᱴᱣᱤᱴᱚᱨ ᱵᱮᱵᱷᱟᱨᱤᱭᱟᱹ ᱱᱳᱣᱟᱵᱛᱤ ᱥᱤᱞᱵᱷᱤ  ᱠᱟᱢᱮᱨᱩᱱ ᱫᱚᱲ ᱞᱟᱹᱜᱤᱫ ᱨᱟᱹᱥᱠᱟᱹᱭ ᱥᱚᱫᱚᱨᱼᱟ ᱾:

ᱢᱮᱠᱥᱤᱠᱳ ᱨᱮ ᱥᱟᱹᱛ ᱞᱮᱱ ᱒᱐᱑᱘ ᱨᱮᱱᱟᱜ ᱱᱤᱠᱚᱰᱟ ᱡᱮᱜᱮᱛ ᱠᱚᱯ ᱨᱮ ᱟᱸᱜᱳᱞᱟ ᱡᱤᱛᱠᱟᱹᱨ  ᱠᱟᱛᱮᱫ ᱨᱮᱦᱚᱸ ᱟᱹᱰᱤᱜᱟᱱ ᱟᱯᱷᱨᱤᱠᱟᱱ ᱫᱤᱥᱚᱢ ᱱᱤᱠᱚᱰᱟ ᱠᱷᱮᱞᱚᱱᱰ ᱞᱟᱹᱜᱤᱫ ᱠᱟᱹᱣᱰᱤ ᱵᱟᱠᱚ ᱡᱚᱴᱟᱣ ᱫᱟᱲᱮᱭᱟᱜ ᱠᱟᱱᱟ ᱾ ᱒᱐᱑᱐,᱒᱐᱑᱒ ᱟᱨ ᱒᱐᱑᱔ ᱨᱮ ᱫᱩᱲᱩᱵ ᱫᱚᱦᱚᱭᱮᱱ ᱛᱟᱭᱚᱢ ᱫᱤᱱ ᱠᱟᱞᱚᱢ ᱱᱟᱭᱡᱮᱨᱤᱭᱟ ᱱᱤᱠᱚᱰᱟ ᱫᱚᱲ ᱡᱮᱜᱮᱛ ᱠᱚᱯ ᱨᱮ ᱥᱮᱞᱮᱫᱚᱜ ᱞᱟᱹᱜᱤᱫ  ᱵᱷᱤᱲ ᱠᱟᱹᱣᱰᱤ ᱥᱚᱦᱚᱫ (crowdfunding) ᱫᱟᱲᱮ ᱛᱮ ᱦᱮᱯᱨᱟᱣ ᱨᱮ ᱥᱮᱞᱮᱫ ᱞᱮᱱᱟᱭ  ᱾

1 ᱚᱠᱛᱟ

  • RAMJIT TUDU

    ᱟᱹᱰᱤ ᱱᱟᱯᱟᱭ…

Cancel this reply

Join the conversation -> RAMJIT TUDU

ᱚᱱᱚᱞᱤᱭᱟ, ᱫᱟᱭᱟᱠᱟᱛᱮ ᱵᱚᱞᱚᱱ ᱢᱮ »

Guidelines

  • All comments are reviewed by a moderator. Do not submit your comment more than once or it may be identified as spam.
  • Please treat others with respect. Comments containing hate speech, obscenity, and personal attacks will not be approved.