ᱮᱲᱮᱭᱟᱜ ᱦᱩᱣᱟᱴᱥᱟᱯ ᱟᱨ ᱯᱷᱮᱥᱵᱩᱠ ᱵᱮᱣᱨᱟᱠᱚ ᱥᱟᱵ ᱞᱟᱹᱜᱤᱫ ᱠᱟᱹᱢᱤ ᱠᱟᱱᱟ ᱠᱚ ᱥᱤᱧᱚᱛᱤᱭᱟᱹ “ᱴᱮᱠᱤ”
ᱵᱟᱨᱭᱟ ᱥᱤᱧᱚᱛᱤᱭᱟᱹ ᱠᱚᱢᱯᱩᱴᱚᱨ ᱯᱨᱚᱜᱽᱨᱟᱢᱚᱨ ᱱᱚᱝᱠᱟᱱ ᱢᱤᱫ ᱣᱮᱵᱽᱥᱟᱭᱤᱴ ᱠᱚ ᱛᱮᱭᱟᱨᱮᱫᱼᱟ ᱡᱟᱦᱟᱸᱛᱮ ᱦᱩᱣᱟᱴᱥᱟᱯ ᱟᱨ ᱯᱷᱮᱥᱵᱩᱠᱨᱮ ᱟᱹᱰᱤ ᱟᱹᱛᱷᱟᱹᱣᱲᱤ ᱯᱟᱥᱱᱟᱣᱜ ᱠᱟᱱ ᱮᱲᱮᱭᱟᱜ ᱵᱮᱣᱨᱟ ᱠᱚᱭ ᱪᱤᱱᱦᱟᱹᱣ ᱫᱟᱲᱮᱭᱟᱜᱼᱟ ᱾ check4spam.com ᱧᱩᱛᱩᱢᱟᱱᱟᱜ ᱢᱤᱫ ᱣᱮᱵᱽᱥᱟᱭᱤᱴ ᱟᱠᱛᱮᱥᱩᱥᱟᱹᱨ ᱵᱮᱵᱷᱟᱨᱤᱭᱟᱹ ᱥᱟᱶᱛᱮ ᱟᱠᱚᱨᱤᱱ ᱫᱚᱞ ᱦᱚᱛᱮᱛᱮ ᱱᱚᱶᱟ ᱠᱚ ᱵᱟᱝ ᱥᱚᱛ ᱟᱜ ᱠᱟᱛᱷᱟ ᱠᱚ ᱨᱮᱱᱟᱜ ᱠᱷᱚᱸᱫᱽᱨᱚᱸᱫᱽ ᱟᱨ ᱯᱟᱸᱡᱟ ᱭᱮᱫᱼᱟᱠᱚ ᱾
ᱱᱚᱶᱟ ᱫᱚᱞ ᱫᱚ ᱴᱮᱠᱱᱤᱠᱟᱞ ᱴᱩᱞ ᱦᱚᱛᱮᱛᱮ ᱜᱚᱲᱚ ᱮᱢ ᱠᱟᱛᱮ ᱯᱚᱨᱴᱟᱞ ᱨᱮᱱᱟᱜ ᱫᱟᱲᱮ ᱵᱟᱲᱦᱟᱣ ᱨᱮᱱᱟᱜ ᱟᱸᱥ ᱮ ᱫᱚᱦᱚ ᱟᱠᱟᱫᱼᱟ ᱾ ᱩᱱᱠᱩ ᱱᱚᱶᱟ ᱯᱨᱚᱡᱮᱠᱴ ᱵᱟᱵᱚᱫᱽ ᱠᱚ ᱢᱮᱱ ᱟᱠᱟᱫᱼᱟ :
We verify any known posts with the below actions:
1. Contact the person/organization mentioned in the post
2. Do an extensive search (online and offline) to find any further fine information about the news- How We Work, check4spam.com
ᱞᱟᱛᱟᱨ ᱨᱮ ᱚᱞ ᱟᱠᱟᱱ ᱨᱟᱭᱨᱤᱛ ᱞᱮᱠᱟᱛᱮ ᱵᱮᱣᱨᱟ ᱞᱮ ᱛᱩᱱᱠᱷ᱾ᱭᱟ ᱺ
᱑ᱹ ᱵᱮᱣᱨᱟ ᱨᱮ ᱚᱞ ᱟᱠᱟᱱ ᱚᱞ/ᱜᱟᱶᱛᱟ ᱥᱟᱶ ᱞᱮ ᱥᱟᱹᱜᱟᱹᱭᱟ ᱾
᱒ᱹ ᱵᱮᱣᱨᱟ ᱨᱮ ᱢᱮᱱᱟᱜ ᱠᱟᱛᱷᱟ ᱵᱟᱵᱚᱫᱽ ᱛᱮ ᱥᱚᱛ ᱥᱟᱹᱨᱤ ᱛᱩᱱᱠᱷᱤ ᱞᱟᱹᱜᱤᱫ ᱚᱱᱞᱟᱭᱤᱱ ᱟᱨ ᱚᱯᱷᱞᱟᱭᱤᱱ ᱨᱮ ᱵᱟᱹᱲᱛᱤ ᱠᱷᱚᱱ ᱵᱟᱹᱲᱛᱤ ᱯᱟᱸᱡᱟ ᱦᱩᱭᱩᱜᱼᱟ ᱾
(SPAM) Top 10 Corrupt Political Parties in The World 2017 by BBC https://t.co/wb2yJxHYpn pic.twitter.com/hlisxbmPTA
— check4spam (@check4spam) March 22, 2017
(ᱥᱯᱟᱢ) ᱒᱐᱑᱗ ᱨᱮ ᱯᱟᱨᱥᱟᱞ ᱞᱮᱱ ᱡᱮᱜᱮᱛᱨᱤᱱ ᱡᱚᱛᱚᱠᱷᱚᱱ ᱢᱟᱨᱟᱝ ᱑᱐ ᱜᱚᱴᱟᱝ ᱠᱚᱨᱩᱯᱴ ᱨᱟᱡᱽᱟᱹᱨᱤ ᱫᱚᱞ ᱺ ᱵᱤᱹᱵᱤᱹᱥᱤᱹ
ᱥᱤᱧᱚᱛ ᱨᱮ ᱵᱚᱭᱚᱥᱟᱱ ᱦᱚᱲ ᱠᱚ ᱢᱩᱸᱫᱽ ᱨᱮᱦᱚᱸ ᱤᱱᱴᱚᱨᱱᱮᱴ ᱵᱮᱵᱷᱟᱨ ᱟᱹᱰᱤ ᱛᱮᱫᱜᱮ ᱵᱟᱹᱲᱛᱤᱜ ᱠᱟᱱᱟ ᱾ ᱥᱟᱹᱨᱤᱭᱟᱜ ᱟᱨ ᱮᱲᱮᱭᱟᱜ ᱵᱟᱝᱢᱟ ᱦᱤᱥᱟᱹᱦᱟᱱᱟᱜ ᱵᱮᱣᱨᱟ ᱯᱚᱥᱴ ᱢᱩᱸᱫᱽ ᱨᱮ ᱚᱠᱟ ᱞᱮᱠᱟ ᱛᱩᱱᱠᱷᱤ ᱦᱩᱭᱩᱜᱼᱟ, ᱚᱱᱟ ᱱᱤᱛ ᱦᱟᱹᱵᱤᱡ ᱱᱟᱶᱟ ᱵᱮᱵᱷᱟᱨᱤᱭᱟᱹ ᱵᱟᱝᱠᱚ ᱵᱟᱰᱟᱭᱟ ᱟᱨ ‘ᱠᱞᱤᱠ ᱵᱮᱴ’, ᱜᱩᱡᱚᱵᱽ ᱟᱨᱵᱟᱝ ᱴᱨᱚᱡᱚᱱ ᱦᱚᱨᱥ ᱞᱮᱠᱟᱱ ᱛᱤᱢᱤᱱᱜᱟᱱ ᱥᱚᱯᱴᱚᱭᱟᱨ ᱦᱚᱛᱮᱛᱮ ᱵᱮᱵᱷᱟᱨᱤᱭᱟᱹ ᱠᱚᱣᱟᱜ ᱵᱟᱱᱰᱷᱮᱡ (Device) ᱠᱷᱚᱱ ᱰᱮᱴᱟ (Data) ᱠᱚ ᱠᱩᱢᱵᱽᱲᱩᱜᱼᱟ ᱾
ᱱᱚᱶᱟ ᱣᱮᱵᱽᱥᱟᱭᱤᱴ ᱵᱮᱜᱱᱟᱣᱠᱤᱱ ᱵᱟᱞᱠᱨᱩᱥᱱᱟ ᱵᱤᱨᱞᱟ ᱟᱨ ᱥᱚᱢᱢᱟᱥ ᱚᱞᱤᱭᱟᱛᱷ ᱥᱤᱧᱚᱛᱤᱭᱟᱹ ᱱᱟᱜᱽᱨᱟᱦᱟ ᱵᱟᱝᱜᱟᱞᱚᱨ ᱨᱮ ᱠᱤᱱ ᱛᱟᱦᱮᱸᱱ ᱠᱟᱱᱟ ᱾ “ᱢᱟᱹᱱᱢᱤ ᱠᱚ ᱞᱟᱹᱜᱤᱫ ᱵᱤᱱᱠᱟᱹᱣᱰᱤ ᱛᱮ ᱥᱮᱵᱟ” ᱟᱨ ᱱᱮᱦᱚᱲ ᱠᱚ ᱥᱟᱢᱟᱝᱮᱫ ᱮᱴᱠᱮᱴᱚᱬᱮ ᱟᱞᱜᱟᱭ ᱞᱟᱹᱜᱤᱫ ᱟᱨ ᱥᱯᱟᱢ ᱠᱚ ᱯᱟᱥᱱᱟᱣᱮᱫ ᱦᱚᱲ ᱠᱚᱣᱟᱜ ᱩᱱᱩᱭᱦᱟᱹᱨ ᱵᱷᱟᱹᱱᱰᱩᱨ ᱥᱟᱶᱛᱮ ᱱᱚᱝᱠᱟᱱ ᱵᱟᱹᱲᱤᱡ ᱵᱮᱣᱨᱟ ᱫᱟᱨᱟᱢ ᱨᱮᱱᱟᱜ ᱥᱤᱠᱷᱱᱟᱹᱛ ᱯᱟᱲᱱᱟᱣ ᱠᱟᱹᱢᱤ ᱠᱤᱱ ᱮᱦᱚᱵ ᱟᱠᱟᱫᱼᱟ ᱾
ᱢᱤᱫ ᱥᱟᱫᱷᱟᱨᱚᱱ ᱥᱤᱫᱥᱟᱠᱟᱢ ᱾ Check4Spam ᱣᱮᱵᱽᱥᱟᱭᱤᱴ ᱠᱷᱚᱱ ᱯᱷᱚᱴᱚ
ᱱᱩᱠᱤᱱ ᱫᱚ ᱚᱜᱚᱥᱴ ᱒᱐᱑᱖ ᱨᱮ ᱦᱚᱲ ᱠᱚ ᱞᱟᱹᱜᱤᱫ ᱢᱤᱫ ᱦᱩᱣᱟᱴᱥᱟᱯ ᱱᱚᱢᱵᱚᱨ ᱥᱮᱵᱟ ᱠᱤᱱ ᱮᱦᱚᱵ ᱞᱮᱫ ᱛᱟᱦᱮᱸᱫ ᱡᱟᱦᱟᱸᱨᱮ ᱦᱚᱲ ᱠᱚ ᱵᱮᱣᱟᱨ ᱛᱩᱱᱠᱷᱤᱱ ᱞᱟᱹᱜᱤᱫ ᱠᱚ ᱠᱳᱞ ᱮᱫ ᱛᱟᱦᱮᱸᱫ ᱾ ᱥᱚᱢᱢᱟᱥ ᱟᱜ ᱞᱟᱹᱭ ᱞᱮᱠᱟᱛᱮ ᱛᱩᱱᱠᱷᱤ ᱞᱟᱹᱜᱤᱫ ᱢᱤᱫ ᱫᱤᱱ ᱨᱮ ᱑᱐᱐ ᱜᱟᱱ ᱢᱮᱥᱮᱡᱽ ᱠᱤᱱ ᱧᱟᱢᱮᱫ ᱛᱟᱦᱮᱸᱫ ᱾ ᱥᱚᱢᱢᱟᱥ ᱫᱚ ᱟᱡᱟᱜ ᱢᱟᱸᱡᱟᱱ ᱰᱤᱜᱟᱹ ᱚᱠᱛᱚ ᱨᱮ ᱱᱚᱶᱟ ᱢᱮᱥᱮᱡᱽ ᱠᱚᱭ ᱯᱟᱲᱦᱟᱣᱮᱫ ᱛᱟᱦᱮᱸᱫ ᱟᱨ ᱱᱚᱶᱟ ᱠᱚ ᱨᱮᱱᱟᱜ ᱛᱩᱱᱠᱷᱤ ᱮᱦᱚᱵ ᱞᱮᱫ ᱛᱟᱦᱮᱸᱫ ᱾ Check4Spam ᱫᱚ ᱟᱡᱛᱮ ᱟᱹᱥᱩᱞᱚᱜ ᱯᱨᱚᱡᱮᱠᱴ ᱠᱟᱱᱟ ᱾ ᱱᱚᱶᱟ ᱥᱟᱭᱤᱴ ᱨᱮ ᱥᱚᱫᱚᱨᱚᱜ ᱠᱟᱱ ᱮᱰᱵᱷᱮᱴᱟᱡᱽ ᱠᱷᱚᱱ ᱠᱟᱹᱣᱰᱤ ᱥᱟᱢᱴᱟᱣ ᱠᱟᱛᱮ, ᱱᱚᱶᱟ ᱯᱨᱚᱡᱮᱠᱴ ᱪᱚᱲᱟᱣ ᱟᱨ ᱯᱟᱥᱱᱟᱣ ᱨᱮ ᱠᱷᱚᱨᱚᱟᱭ ᱾
#Check4Spam
1 Add +9035067726 on your phone.
2. Copy the content you doubt.
2 WhatsApp them. They'll tell you if it is fake or not. RT pic.twitter.com/tJHj0we7uI— VenuMaun (@VenuSpeak) March 28, 2017
᱑ᱹ ᱟᱢᱟᱜ ᱯᱷᱚᱱ ᱨᱮ +9035067726 ᱨᱩᱠᱷᱤᱭᱟᱹᱭ ᱢᱮ ᱾
᱒ᱹ ᱟᱢᱴᱷᱮᱱ ᱦᱤᱡᱩᱜ ᱠᱟᱱ ᱵᱮᱣᱨᱟ ᱠᱚᱯᱤ ᱢᱮ ᱾
᱓ᱹ ᱪᱮᱛᱟᱱ ᱨᱮᱱᱟᱜ ᱨᱩᱠᱷᱤᱭᱟᱹ ᱟᱠᱟᱱ ᱱᱚᱢᱵᱚᱨ ᱨᱮ ᱠᱳᱞ ᱢᱮ ᱾ ᱛᱮᱞᱟᱢ ᱧᱟᱢᱟ ᱵᱮᱣᱨᱟ ᱫᱚ ᱮᱲᱮᱜᱮᱭᱟ ᱥᱮ ᱥᱟᱹᱨᱤ ᱾
Check4spam.com ᱵᱤᱛᱚᱜ ᱚᱞ, ᱯᱷᱚᱴᱚ ᱟᱨ ᱵᱷᱤᱰᱤᱭᱳ ᱨᱮᱱᱟᱜ ᱵᱮᱣᱨᱟ ᱠᱚᱭ ᱛᱩᱱᱠᱷᱤᱭᱮᱫᱼᱟ ᱾ ᱥᱚᱛ ᱵᱮᱣᱨᱟ ᱨᱮᱱᱟᱜ ᱟᱫᱷᱟᱨ ᱛᱮ ᱥᱯᱟᱢ ᱵᱮᱣᱨᱟ ᱠᱚ ᱨᱤᱯᱚᱨᱴ ᱞᱟᱹᱜᱤᱫ ᱦᱚᱲ ᱠᱤᱱ ᱢᱮᱛᱟ ᱠᱚ ᱠᱟᱱᱟ, ᱚᱱᱠᱟ ᱛᱮ ᱵᱮᱵᱷᱟᱨᱤᱭᱟᱹ ᱦᱚᱸ ᱟᱯᱱᱟᱨ ᱛᱮ ᱠᱚ ᱵᱩᱡᱷᱟᱹᱣ ᱫᱟᱲᱮᱭᱟᱜᱼᱟ ᱾ ᱱᱤᱛ ᱛᱩᱱᱠᱷᱤ ᱧᱟᱢ ᱟᱠᱟᱱ ᱵᱮᱣᱨᱟ ᱠᱚ ᱫᱚ ᱮᱲᱮ, ᱵᱮᱜᱷᱚᱴᱚᱱ, ᱪᱟᱹᱠᱨᱤ, ᱛᱤᱠᱪᱷᱟᱹ, ᱥᱚᱨᱠᱟᱨᱟᱜ ᱧᱮᱛᱮᱞ ᱟᱨ ᱮᱰᱵᱷᱮᱴᱮᱜᱡᱽ ᱮᱢᱟᱱ ᱛᱷᱚᱠ ᱨᱮᱱᱟᱜ ᱠᱟᱱᱟ ᱾
ᱱᱚᱶᱟ ᱣᱮᱵᱽᱥᱟᱭᱤᱴ ᱪᱟᱸᱫᱚ ᱨᱮ ᱢᱚᱜᱮᱥᱟᱥᱟᱭ (5 lakh) ᱫᱷᱟᱣ ᱜᱟᱱ ᱠᱚ ᱡᱷᱤᱡ ᱮᱫᱟ ᱾
This post is part of GV Advocacy, a Global Voices project dedicated to protecting freedom of expression online. ᱡᱷᱚᱛᱚ ᱯᱳᱥᱴᱠᱚ
