ᱪᱮᱛᱟᱱᱨᱮ ᱡᱷᱚᱛᱚ ᱯᱟᱹᱨᱥᱤ ᱧᱮᱞ ᱢᱮ? ᱟᱞᱮ ᱜᱞᱳᱵᱟᱞ ᱵᱷᱳᱭᱮᱥᱮᱥ ᱨᱮᱱᱟᱜ ᱠᱷᱚᱵᱚᱨ ᱞᱮ ᱛᱚᱨᱡᱚᱢᱟ ᱮᱫᱟ ᱡᱮᱢᱚᱱ ᱥᱟᱱᱟᱢ ᱦᱚᱲ ᱴᱷᱮᱫ ᱡᱮᱜᱮᱛ ᱨᱮᱱᱟᱜ ᱱᱟᱜᱟᱨᱤᱭᱟᱹ ᱢᱤᱰᱤᱭᱟ ᱥᱮᱴᱮᱨ ᱫᱟᱲᱮ ᱭᱟᱜᱼᱟ

ᱛᱚᱧᱡᱟᱱᱤᱭᱟ ᱨᱮ ᱱᱚᱠᱞᱤ ᱨᱟᱱ ᱠᱚ ᱡᱟᱝᱜᱮ ᱫᱟᱨᱟᱢ ᱨᱮᱱᱟᱜ ᱱᱟᱶᱟ ᱦᱟᱹᱛᱤᱭᱟᱹᱨ ᱵᱟᱱᱟᱣ ᱮᱱᱟ ᱚᱱᱞᱟᱭᱱ ᱯᱞᱮᱴᱯᱷᱚᱨᱢ

    ᱯᱷᱨᱮᱝᱠ ᱟᱨᱵᱤ (ᱞᱮᱝᱜᱟᱭᱤᱡ), ᱯᱷᱟᱨᱢᱟᱞᱤᱝᱠᱥ ᱨᱮ ᱟᱭᱢᱟ ᱨᱟᱱ ᱠᱚ ᱦᱟᱛᱟᱣ  ᱵᱟᱵᱚᱛ ᱮ ᱞᱟᱹᱭ ᱵᱩᱡᱷᱟᱹᱣ ᱠᱟᱱᱟ ᱾ ᱪᱤᱛᱟᱹᱨ ᱺ ᱜᱩᱰᱦᱚᱯ ᱚᱢᱚᱱᱤ, ᱞᱟᱹᱭᱟᱛᱮᱫ ᱵᱮᱵᱷᱟᱨ ᱟᱠᱟᱱᱟ᱾

ᱨᱟᱱ ᱠᱚᱨᱮᱱᱟᱜ ᱚᱵᱚᱥᱛᱟ ᱢᱤᱫ ᱵᱟᱹᱲᱤᱡ ᱠᱩᱠᱢᱩ ᱞᱮᱠᱟ  ᱢᱮᱱᱟᱜᱼᱟ ᱾ᱡᱟᱦᱟᱸ ᱨᱮᱱᱟᱜ ᱚᱨᱥᱚᱝ ᱡᱮᱜᱮᱛ ᱡᱟᱠᱟᱛ ᱨᱤᱱ ᱥᱟᱱᱟᱢ ᱦᱚᱲ ᱪᱮᱛᱟᱱ ᱨᱮ ᱯᱟᱲᱟᱣ ᱠᱟᱱᱟ ᱾  ᱚᱱᱟᱠᱚ ᱢᱩᱫᱨᱮ ᱛᱚᱧᱡᱟᱱᱤᱭᱟ ᱦᱚᱸ ᱥᱮᱞᱮᱫ ᱢᱮᱱᱟᱜᱼᱟ ᱾ ᱦᱩᱭ ᱫᱟᱲᱮᱭᱟᱜᱼᱟ ᱛᱚᱧᱡᱟᱱᱤᱭᱟ  ᱥᱚᱨᱠᱟᱨ ᱫᱚ ᱨᱟᱱ ᱵᱮᱵᱽᱥᱟᱭ  ᱞᱟᱹᱜᱤᱫ ᱟᱹᱨᱤ ᱵᱮᱨᱮᱫ ᱟᱠᱟᱫᱟᱭᱟ ᱮᱱᱨᱮᱦᱚᱸ ᱚᱱᱟ ᱩᱱᱟᱹᱜ ᱠᱮᱴᱮᱡ ᱫᱚ ᱵᱟᱝ ᱠᱟᱱᱟ ᱾ᱵᱟᱡᱟᱨ ᱨᱮ ᱦᱟᱹᱡᱩᱜ ᱞᱟᱦᱟ ᱨᱮ ᱨᱟᱱ ᱨᱮᱱᱟᱜ ᱥᱟᱹᱨᱤ ᱯᱚᱨᱛᱟᱲ ᱵᱟᱝ ᱜᱟᱱᱚᱜ ᱠᱟᱱᱟ, ᱚᱱᱟ ᱠᱷᱟᱹᱛᱤᱨ  ᱱᱚᱠᱞᱤ ᱨᱟᱱ ᱫᱚᱠᱟᱱ ᱟᱨ ᱚᱱᱞᱟᱭᱱ ᱛᱮ ᱟᱹᱠᱷᱨᱤᱧ ᱨᱮᱱᱟᱜ ᱫᱟᱣ ᱠᱚ ᱧᱟᱢ ᱮᱫᱼᱟ ᱾

ᱱᱤᱛᱚᱜ ᱛᱚᱧᱡᱟᱱᱤᱭᱟ ᱨᱮ ᱵᱮᱨᱮᱫ ᱟᱠᱟᱱ ᱢᱤᱫ ᱯᱷᱟᱨᱢᱟᱞᱤᱝᱥ  ᱧᱩᱛᱩᱢᱟᱱ  ᱚᱱᱞᱟᱭᱱ ᱯᱞᱮᱴᱯᱷᱚᱨᱢ, ᱱᱚᱠᱞᱤ ᱨᱟᱱ ᱨᱮᱱᱟᱜ ᱟᱱᱟᱴ ᱮ ᱡᱟᱸᱜᱮ ᱞᱟᱹᱜᱤᱫ ᱮ ᱠᱩᱨᱩᱢᱩᱴᱩ ᱟᱠᱟᱫᱼᱟ ᱾ ᱱᱚᱣᱟ ᱯᱞᱟᱴᱯᱷᱚᱨᱢ ᱛᱩᱞᱩᱡ ᱛᱮ ᱨᱟᱱ ᱡᱚᱜᱟᱣ ᱠᱚ ᱟᱨ ᱜᱚᱴᱟᱞ ᱟᱨ ᱠᱷᱩᱪᱨᱟᱹ ᱛᱮ ᱨᱟᱱ ᱟᱹᱠᱷᱨᱤᱧ ᱠᱚᱣᱟᱜ ᱥᱟᱹᱜᱟᱹᱭ ᱡᱚᱲᱟᱣ ᱜᱟᱱᱚᱜᱼᱟ ᱾ ᱡᱟᱦᱟᱸ ᱠᱷᱚᱱ ᱢᱤᱫ ᱦᱚᱲ ᱨᱟᱱ ᱵᱮᱱᱟᱣ ᱠᱚᱢᱯᱟᱱᱤᱭᱟᱜ ᱥᱟᱹᱨᱤ ᱛᱟᱹᱞᱠᱟᱹ ᱨᱟᱱ ᱨᱮᱱᱟᱜ ᱥᱟᱹᱨᱤ ᱯᱚᱨᱛᱟᱲ ᱥᱟᱶ ᱨᱟᱱ ᱦᱟᱴ ᱪᱮᱛᱟᱱ ᱨᱮᱦᱚᱸ ᱱᱚᱡᱚᱨ ᱮᱢ ᱜᱟᱱᱚᱜᱼᱟ ᱾

ᱯᱷᱨᱮᱝᱠ ᱟᱨᱵᱤ, ᱡᱟᱦᱟᱸᱭ ᱢᱩᱦᱚᱸᱵᱤᱞᱤ ᱭᱩᱱᱤᱣᱚᱨᱥᱤᱴᱤ ᱚᱯᱷ ᱦᱮᱞᱛᱷ ᱮᱱᱰ ᱮᱞᱟᱭᱮᱰ ᱥᱟᱭᱮᱱᱥᱥᱮ ᱨᱮ ᱰᱟᱠᱛᱚᱨ ᱥᱟᱬᱮᱥ ᱨᱮᱱ ᱯᱟᱹᱴᱷᱩᱣᱟ ᱢᱮᱱᱟᱭᱟ, ᱡᱟᱦᱟᱸᱭ ᱫᱚ ᱯᱷᱟᱨᱢᱟᱞᱤᱝᱠ ᱨᱤᱱᱤᱡ ᱵᱩᱱᱤᱭᱟᱹᱫᱤᱭᱟᱹ ᱠᱟᱱᱟᱭ ,ᱛᱚᱧᱡᱟᱱᱤᱭᱟ  ᱮ ᱨᱟᱱ ᱵᱮᱱᱟᱣᱠᱚᱣᱟ ᱟᱱᱟᱴ ᱧᱮᱞ ᱠᱮᱫ ᱛᱟᱭᱚᱢ ᱱᱚᱣᱟ ᱯᱞᱟᱴᱯᱷᱚᱨᱢ ᱵᱮᱨᱮᱫ ᱞᱟᱹᱜᱤᱫᱼᱮ ᱠᱩᱨᱩᱢᱩᱴᱩ ᱠᱮᱫᱼᱟ ᱾ ᱱᱚᱶᱟ ᱟᱱᱟᱴ ᱨᱮ ᱨᱟᱱ ᱠᱤᱨᱤᱧ ᱨᱮᱱᱟᱜ ᱟᱱᱟᱴ ᱥᱮᱞᱮᱫ ᱢᱮᱱᱟᱜ ᱟ ᱡᱟᱦᱟᱸ ᱠᱷᱟᱹᱛᱤᱨ ᱱᱚᱠᱞᱤ ᱨᱟᱱ ᱵᱮᱵᱽᱥᱟᱭ ᱞᱟᱹᱜᱤᱫ ᱱᱟᱯᱟᱭ ᱪᱷᱟᱢᱰᱟ ᱵᱮᱱᱟᱣ ᱠᱟᱱ ᱛᱟᱦᱮᱸᱫ᱾

ᱯᱷᱨᱮᱝᱠ ᱚᱨᱵᱤ, ᱢᱮᱰᱤᱠᱚᱞ ᱯᱟᱹᱴᱷᱩᱣᱟ ᱟᱨ ᱯᱷᱟᱨᱢᱟᱞᱤᱝᱠ ᱥᱟᱶ ᱜᱚᱲᱚ-ᱛᱷᱟᱯᱚᱱ᱾ ᱪᱤᱛᱟᱹᱨᱺ ᱜᱩᱰᱦᱚᱯ ᱚᱢᱱᱤ, ᱫᱟᱣ ᱥᱟᱶᱛᱮ ᱠᱟᱹᱢᱤ ᱠᱚ ᱦᱩᱭ ᱟᱠᱟᱱᱟ᱾

ᱟᱨ ᱩᱱᱠᱩ ᱨᱮᱱ ᱴᱤᱢ ᱨᱟᱱ ᱨᱮᱱᱟᱜ ᱦᱟᱹᱴᱤᱧ ᱟᱞᱜᱟ ᱵᱟᱱᱟᱣ ᱞᱟᱹᱜᱤᱫ ᱟᱨ ᱦᱟᱹᱴᱤᱧ ᱵᱷᱟᱹᱜᱤ ᱥᱟᱶ ᱠᱚᱢᱯᱚᱱᱤ ᱠᱚᱣᱟᱜ ᱥᱩᱥᱟᱹᱨ ᱫᱷᱟᱨᱟ ᱛᱩᱸᱠᱷᱤ ᱠᱟᱛᱮᱜ ᱱᱚᱠᱠᱤ ᱨᱟᱱ ᱥᱟᱶ ᱞᱟᱹᱲᱦᱟᱹᱭ ᱞᱟᱹᱜᱤᱫ ᱢᱤᱫ ᱚᱱᱟᱭᱤᱱ ᱯᱚᱨᱛᱚᱱ ᱠᱚ ᱥᱟᱯᱲᱟᱣ ᱟᱠᱟᱫᱟ᱾

ᱜᱽᱞᱳᱵᱟᱞ ᱵᱷᱳᱭᱮᱥ ᱥᱟᱶ ᱢᱤᱫ ᱨᱚᱯᱚᱲ ᱨᱮ  ᱟᱨᱵᱤ ᱢᱮᱱ ᱟᱠᱟᱫᱟᱭ “ᱱᱚᱶᱟ ᱣᱮᱵᱽᱥᱟᱭᱤᱴ ᱟᱭᱢᱟ ᱨᱟᱱ ᱵᱮᱱᱟᱣᱠᱩᱜ, ᱨᱟᱱ  ᱟᱨ ᱚᱱᱟ ᱠᱚᱨᱮᱱᱟᱜ ᱫᱟᱢ ᱨᱮᱱᱟᱜ ᱛᱟᱞᱠᱟᱹᱭ ᱥᱟᱫᱚᱨ ᱮᱫ ᱟ᱾ ᱱᱚᱶᱟ  ᱵᱮᱯᱟᱨ ᱵᱤᱥᱲᱤ  (business analytics) , ᱤᱱᱵᱮᱱᱴᱨᱤ ᱪᱟᱪᱞᱟᱣ ᱥᱟᱶ  ᱢᱩᱪᱟᱹᱫ ᱜᱚᱨᱦᱟᱠ ᱨᱟᱱ ᱨᱮᱱᱟᱜ ᱥᱟᱹᱨᱤ ᱯᱚᱨᱛᱟᱲ ᱞᱟᱹᱜᱤᱫ ᱫᱟᱣ ᱮ ᱥᱚᱫᱚᱨ ᱮᱫ ᱟ ” ᱾

ᱱᱚᱣᱟ ᱑᱐᱑᱘ ᱨᱮ ᱮᱦᱚᱵ ᱞᱮᱱ ᱛᱟᱦᱮᱱ ᱟᱨ ᱱᱤᱛᱚᱜ ᱱᱚᱶᱟ ᱯᱟᱭᱞᱚᱴ ᱛᱷᱚᱠ ᱨᱮ ᱢᱮᱱᱟᱜ ᱟ ᱡᱟᱦᱟᱸ ᱫᱚ ᱓᱕ ᱯᱷᱟᱨᱢᱟᱥᱤᱥᱴ ᱱᱤᱛᱚᱜ ᱥᱟᱫᱷᱤᱱ ᱞᱮᱠᱟᱛᱮ  ᱣᱮᱵᱽᱥᱟᱭᱴ ᱨᱮᱠᱚ ᱞᱚᱜᱽᱼᱤᱱ ᱫᱟᱲᱮᱭᱟᱜᱼᱟ ᱟᱨ ᱟᱯᱟᱱᱟᱨ ᱫᱚᱠᱟᱱ ᱨᱮ ᱞᱟᱹᱠᱛᱤᱠᱟᱱ ᱨᱟᱱ ᱠᱚ ᱯᱟᱸᱡᱟ ᱫᱟᱲᱮᱭᱟᱜᱼᱟ᱾ ᱱᱚᱶᱟ ᱯᱨᱚᱬᱟᱞᱤ  ᱛᱮ ᱨᱟᱱ ᱠᱤᱨᱤᱧ ᱠᱩ ᱛᱩᱸᱠᱷᱤ ᱦᱩᱭ ᱟᱠᱟᱱ ᱜᱚᱴᱟᱞ (Wholesale) ᱛᱮ ᱨᱟᱱ ᱟᱹᱠᱷᱨᱤᱧ ᱠᱩᱜ , ᱟᱨ ᱡᱮᱛᱮ ᱨᱟᱱ ᱨᱮᱱᱟᱜ ᱫᱟᱢ ᱢᱮᱱᱟᱜ ᱛᱟᱹᱞᱠᱨᱮ ᱥᱮᱮᱨ ᱠᱚᱣᱟᱭ ᱾ ᱨᱟᱱ ᱠᱤᱨᱤᱧ ᱠᱚᱜ ᱚᱱᱞᱟᱭᱤᱱ ᱨᱟᱱ ᱠᱚ ᱵᱟᱪᱷᱟᱣ ᱫᱟᱲᱮᱭᱟᱜᱼᱟ ᱟᱨ ᱚᱱᱟ ᱨᱮᱱᱟᱜ ᱜᱚᱱᱚᱝ ᱠᱚ ᱮᱢ ᱞᱮᱠᱷᱟᱱ ᱟᱠᱚ ᱴᱷᱮᱫ ᱚᱱᱟ ᱨᱟᱱ ᱥᱮᱴᱮᱨ ᱟᱠᱚᱣᱟ ᱾

ᱱᱚᱠᱞᱤ ᱨᱟᱱ ᱥᱟᱶ ᱥᱟᱢᱟᱝ

ᱫᱟᱨ ᱨᱤᱱᱤᱡ ᱦᱚᱲ ᱣᱮᱱᱭᱩᱡᱽ ᱢᱟᱡᱩᱞᱟ, ᱟᱡᱟᱜ ᱩᱱ ᱢᱟᱦᱟᱸ ᱩᱭᱦᱟᱨ ᱦᱮᱡ ᱟᱭ ᱠᱟᱱᱟ ᱡᱚᱠᱷᱚᱱ ᱟᱡ ᱢᱤᱥᱨᱟ ᱚᱧᱡᱟᱱᱤᱭᱟ ᱨᱮᱱᱟᱜ ᱫᱟᱨ ᱚᱥ ᱥᱚᱞᱟᱢ ᱨᱮ ᱢᱤᱫ ᱨᱟᱱ ᱫᱚᱠᱟᱱ ᱴᱷᱮᱱ ᱠᱷᱚᱱ ᱨᱟᱱ ᱦᱟᱛᱟᱣ ᱞᱮᱫ ᱱᱚᱠᱞᱤ ᱨᱟᱱ ᱞᱟᱜᱟᱣ ᱠᱷᱚᱱ ᱮ ᱫᱩᱜ ᱵᱟᱧᱪᱟᱣ ᱞᱮᱱᱟᱭ᱾ᱟᱡᱟᱜ ᱵᱷᱟᱜᱭᱚ ᱨᱮᱱᱟᱜ ᱠᱟᱛᱷᱟ ᱟᱠᱚ ᱜᱷᱟᱨᱚᱸᱡᱽ ᱨᱮᱱ ᱦᱚᱲ ᱚᱱᱟ ᱨᱟᱱ ᱵᱟᱵᱚᱛ ᱠᱚ ᱵᱟᱰᱟᱭ ᱟᱠᱟᱫ ᱛᱟᱦᱮᱸᱫ, ᱡᱚᱠᱷᱚᱱ ᱩᱱᱤ ᱨᱟᱱ ᱨᱮᱱᱟᱜ ᱥᱤᱨᱤᱭᱮᱞ ᱮᱞ ᱟᱨ ᱥᱚᱢᱟᱱ ᱠᱚᱭ ᱛᱩᱸᱠᱷᱤ ᱠᱮᱫᱼᱟ ᱨᱟᱱ ᱫᱚ ᱱᱚᱠᱞᱤ ᱠᱟᱱᱟ ᱢᱮᱱᱛᱮᱫ ᱮ ᱵᱟᱰᱟᱭ ᱠᱮᱫᱟ᱾

“ᱟᱵᱚ ᱠᱚᱨᱮᱠᱷᱚᱱ ᱵᱟᱹᱲᱛᱤ ᱦᱚᱲ ᱠᱚᱣᱟᱜ ᱵᱟᱰᱟᱭ ᱵᱟᱝ ᱛᱟᱦᱮᱱ ᱠᱟᱱᱟ ᱡᱮ ᱨᱟᱱ ᱥᱟᱹᱨᱤᱭᱟᱜ ᱠᱟᱱᱟ ᱥᱮ ᱱᱚᱠᱚᱞᱟᱜ ᱠᱟᱱᱟ᱾ ᱤᱧ ᱵᱩᱡᱷᱟᱹᱣ ᱮᱫᱟ ᱡᱮ ᱡᱟᱦᱟᱸᱭ ᱱᱚᱶᱟ ᱨᱤᱱᱤᱡ ᱡᱤᱢᱮᱫᱟᱨ ᱠᱚ ᱢᱮᱱᱟᱜ ᱠᱟᱣᱟ, ᱡᱮᱠᱮᱠ ᱯᱷᱟᱨᱢᱟᱥᱤᱥᱴ, ᱩᱱᱠᱩ ᱱᱚᱶᱟ ᱵᱟᱵᱚᱛ ᱪᱤᱨᱜᱟᱹᱞ  ᱦᱩᱭᱩᱜ ᱢᱟ ᱡᱮ ᱨᱟᱱ ᱦᱟᱛᱟᱣ ᱥᱮ ᱞᱟᱜᱟᱣ ᱚᱠᱛᱚ ᱚᱠᱟ ᱠᱚ ᱠᱛᱟᱷᱟ ᱨᱮ ᱫᱷᱮᱛᱫᱷ ᱮᱢ ᱦᱩᱭᱩᱜ ᱟ” ᱢᱟᱡᱩᱠᱟᱭ ᱢᱮᱱ ᱠᱮᱫ ᱟ᱾

ᱡᱮᱜᱮᱛ ᱥᱚᱨᱮᱥ ᱦᱚᱲᱢᱚ ᱜᱩᱥᱴᱤᱭᱟᱜ ᱢᱮᱱ ᱫᱚ ᱱᱚᱣᱟ ᱠᱟᱱᱟ ᱡᱮ ᱟᱯᱷᱨᱤᱠᱟ ᱨᱮ ᱥᱮᱨᱢᱟ ᱨᱮ   ᱑᱐᱐,᱐᱐᱐ ᱜᱟᱱ ᱦᱚᱲ ᱠᱚᱣᱟᱜ ᱜᱩᱡᱩᱜ ᱫᱚ ᱱᱚᱠᱞᱤ ᱟᱨ ᱵᱟᱹᱲᱤᱡ ᱨᱟᱱ ᱥᱟᱶ ᱡᱚᱲᱟᱣ ᱢᱮᱱᱟᱜᱼᱟ ᱟᱨ ᱱᱚᱶᱟ ᱨᱮᱱᱟᱜ ᱮᱞ ᱠᱚ ᱵᱟᱲᱛᱤ ᱤᱫᱤᱜ ᱠᱟᱱᱟ᱾

ᱟᱨᱵᱤᱭᱟᱜ ᱢᱮᱱ ᱫᱚ ᱱᱚᱣᱟ ᱠᱟᱱᱟ ᱡᱮ ᱱᱚᱠᱞᱤ ᱨᱟᱱ ᱨᱮᱱᱟᱜ ᱡᱟᱞᱟ ᱢᱤᱫ ᱢᱟᱨᱟᱝ ᱵᱮᱵᱟᱥᱟᱭ ᱠᱟᱱᱟ ᱟᱨ ᱱᱚᱶᱟ ᱠᱷᱚᱱ ᱞᱟᱹᱲᱦᱟᱹᱭ  ᱞᱟᱹᱜᱤᱫ ᱟᱭᱢᱟ ᱞᱮᱠᱟᱱ ᱩᱯᱟᱹᱭ ᱵᱮᱨᱮᱫ ᱦᱩᱭᱩᱜ ᱟ᱾ ᱡᱮᱜᱮᱛ ᱥᱚᱨᱮᱥ ᱦᱚᱲᱢᱚ ᱜᱩᱥᱴᱤᱭᱟᱜ ᱞᱮᱡᱛᱞᱮ “ᱡᱮᱜᱮᱛ ᱱᱚᱠᱞᱤ ᱨᱟᱱ ᱦᱟᱴ ᱨᱮᱱᱟᱜ ᱜᱚᱱᱚᱝ ᱢᱮᱛᱟᱜ ᱢᱮ ᱒᱐᱐ ᱵᱤᱞᱤᱭᱟᱱ ᱰᱚᱞᱟᱨ (ᱢᱮᱛᱟᱜ ᱢᱮ ᱑᱔.᱓  ᱢᱟᱲᱟᱭ ᱴᱟᱠᱟ) ᱥᱟᱞᱟᱱᱟ ᱢᱮᱱᱟᱜ ᱟ᱾”

ᱡᱩᱱ ᱒᱐᱑᱙ ᱨᱮ, ᱛᱚᱧᱡᱟᱱᱤᱭᱟ ᱢᱮᱰᱤᱥᱤᱱᱥ ᱮᱱᱰ ᱢᱮᱰᱤᱠᱟᱞ ᱰᱤᱵᱷᱟᱭᱥᱮᱥ ᱚᱛᱷᱚᱨᱤᱴᱤ (TMDA) ᱦᱟᱜ ᱦᱚᱛᱮᱛᱮ ᱥᱚᱨᱠᱟᱨ ᱫᱚ ᱛᱚᱧᱡᱟᱱᱤᱭᱟ ᱨᱮ ᱱᱚᱠᱞᱤ ᱨᱟᱱ ᱨᱮᱱᱟᱜ ᱢᱮᱱᱟᱜ ᱵᱟᱵᱚᱛ ᱛᱮ ᱪᱮᱛᱟᱣᱱᱤ ᱮᱢ ᱞᱮᱫ ᱟᱭ, ᱡᱟᱦᱟᱸ ᱫᱚ ᱵᱮᱭᱠᱴᱤᱨᱤᱭᱟ ᱠᱷᱚᱱ ᱩᱪᱟᱹᱲᱚᱜ ᱠᱟᱱ ᱵᱮᱢᱟᱨ ᱞᱟᱹᱜᱤᱫ ᱞᱟᱜᱟᱣᱠᱟᱱ ᱚᱣᱥᱫᱷᱤᱭ ᱠᱨᱤᱢ ᱡᱮᱱᱴᱨᱮᱥᱚᱱ ᱞᱮᱠᱟ ᱛᱟᱦᱮᱸᱱ ᱠᱟᱱᱟ᱾ ᱴᱷᱟᱶ ᱨᱮᱱ ᱢᱤᱰᱤᱭᱟ ᱟᱩᱴᱞᱮᱴ ᱰᱮᱞᱤ ᱱᱭᱩᱡᱽ ᱮ ᱞᱟᱹᱭ ᱞᱮᱫ ᱟ ᱡᱮ ᱛᱚᱧᱡᱟᱱᱤᱭᱟ ᱨᱮᱱᱟᱜ ᱛᱩᱨᱩᱭ ᱡᱩᱫᱟᱹ- ᱡᱩᱫᱟᱹ ᱴᱷᱟᱶ ᱨᱮ ᱔,᱑᱑᱘ ᱱᱚᱠᱞᱤ ᱨᱟᱱ ᱢᱮᱱᱟᱜ ᱨᱮᱱᱟᱜ ᱠᱷᱚᱵᱚᱨ ᱧᱟᱢ ᱟᱠᱟᱱᱟ᱾

ᱛᱚᱧᱡᱟᱱᱤᱭᱟ ᱯᱷᱟᱨᱢᱟᱥᱩᱭᱴᱤᱠᱚᱞ ᱦᱟᱴ ᱨᱮ ᱟᱭᱢᱟ ᱮᱴᱠᱮᱴᱚᱬᱮ ᱨᱮᱱᱟᱜ ᱥᱟᱢᱱᱟ ᱦᱩᱭᱩᱜ ᱠᱟᱱᱟ, ᱡᱟᱦᱟᱸ ᱫᱚ ᱢᱤᱫ ᱦᱮᱸᱫᱮ ᱦᱟᱴ ᱦᱚᱸ ᱠᱚ ᱢᱮᱱᱼᱟ ᱡᱟᱦᱟᱸᱨᱮ ᱰᱟᱠᱛᱚᱨ ᱥᱟᱞᱟᱜ ᱵᱟᱝ ᱠᱩᱠᱯᱤᱞᱤ ᱠᱟᱛᱮᱫ ᱦᱚᱨ ᱫᱷᱟᱨᱮ ᱠᱷᱚᱱ ᱨᱟᱱ ᱠᱤᱨᱤᱧ ᱦᱚᱸ ᱥᱟᱶ ᱢᱮᱱᱟᱜᱼᱟ ᱾

ᱫᱟᱨ ᱨᱮᱱᱟᱜ ᱱᱟᱜᱟᱨ ᱠᱷᱚᱱ ᱓ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱴᱟᱸᱰᱞᱮ ᱦᱚᱨ ᱨᱮ, ᱦᱟᱣᱟ ᱮᱞᱮᱠᱥ ᱰᱟᱜᱟ, ᱡᱟᱦᱟᱸᱭ ᱢᱤᱫ ᱯᱷᱟᱨᱢᱮᱥᱤ ᱨᱤᱱᱤᱡ ᱢᱟᱞᱤᱠ ᱠᱟᱱᱟᱭ, ᱨᱮᱵᱮᱱ ᱠᱟᱱᱟᱭ ᱡᱮ ᱠᱤᱪᱷᱩ ᱦᱚᱲ ᱠᱚ ᱚᱝᱠᱟᱱ ᱦᱚᱲ ᱴᱷᱮᱱ ᱠᱷᱚᱱ ᱨᱟᱱ ᱠᱚ  ᱦᱟᱛᱟᱣ ᱮᱫ ᱟ, ᱡᱟᱦᱟᱸᱭ ᱴᱷᱮᱱ ᱨᱟᱱ ᱟᱠᱷᱨᱤᱧ ᱞᱟᱹᱜᱤᱫ ᱞᱟᱭᱤᱥᱮᱱᱥ ᱵᱟᱹᱱᱩᱜ ᱟ, ᱪᱮᱫᱟᱜ ᱥᱮ ᱩᱱᱠᱩ ᱨᱟᱱᱠᱚ ᱠᱚᱢ ᱫᱟᱢ ᱛᱮᱠᱚ ᱟᱠᱷᱨᱤᱧ ᱮᱫ ᱟ᱾

ᱦᱮᱣ ᱮᱞᱠᱥ ᱰᱟᱜᱟ ᱴᱟᱸᱰᱞᱮ, ᱫᱟᱨ ᱚᱥ ᱥᱚᱞᱟᱢ ᱨᱮ ᱟᱯᱟᱱᱟᱨ ᱯᱷᱟᱨᱢᱮᱥᱤ ᱨᱮ᱾ ᱚᱱᱞᱟᱭᱱ ᱯᱨᱚᱬᱟᱞᱤ ᱮᱦᱚᱵ ᱦᱩᱭ ᱛᱟᱭᱚᱢ ᱩᱱᱤ ᱠᱩᱥᱤ ᱜᱮᱭᱟᱭ ᱪᱮᱫᱟᱜ ᱥᱮ ᱱᱟᱶᱟ ᱩᱱᱠᱩᱣᱟᱜ ᱜᱩᱬᱣᱚᱛᱟ ᱟᱱᱟᱜ ᱨᱟᱱ ᱨᱮᱱᱟ ᱦᱟᱛᱟᱣ ᱨᱮ ᱜᱚᱜᱲᱚ ᱠᱟᱱᱟᱭ᱾ ᱪᱤᱛᱟᱸᱨ ᱺ ᱜᱩᱰᱦᱚᱯ ᱚᱢᱱᱤ, ᱫᱟᱣ ᱥᱟᱶᱛᱮ ᱠᱟᱹᱢᱤ ᱦᱩᱭ ᱟᱠᱟᱱᱟ᱾

ᱰᱟᱜᱟ ᱦᱟᱜ ᱢᱮᱱ ᱫᱚ ᱱᱚᱣᱟ ᱠᱟᱱᱟ ᱡᱮ ᱱᱟᱶᱟ ᱚᱱᱞᱟᱭᱱ ᱯᱨᱚᱬᱟᱞᱤ ᱵᱮᱵᱷᱟᱨ ᱛᱮ ᱚᱠᱛᱚ ᱥᱩᱢᱩᱝ ᱫᱚ ᱵᱟᱝ  ᱵᱟᱧᱪᱟᱳ ᱟ (ᱪᱮᱫᱟᱜ ᱥᱮ ᱟᱥᱚᱞ ᱫᱚ ᱺ ᱱᱚᱶᱟ ᱨᱮᱱᱟᱜ ᱞᱟᱹᱠᱛᱤ ᱫᱚ ᱠᱚᱢ ᱜᱚᱱᱚᱝ ᱛᱮ ᱨᱟᱱ ᱟᱹᱠᱷᱨᱤᱧ ᱠᱟᱱ ᱨᱟᱱ ᱫᱚᱠᱟᱱ ᱠᱚ ᱯᱟᱸᱡᱟᱭ ᱞᱟᱹᱜᱤᱫ ᱦᱩᱭᱩᱜ ᱠᱟᱱᱟ), ᱢᱮᱱᱠᱷᱟᱱ ᱱᱚᱶᱟ ᱦᱟᱴ ᱨᱮ ᱦᱟᱴᱤᱧᱚᱜ ᱠᱟᱱ ᱨᱟᱱ ᱠᱚ ᱯᱟᱸᱡᱟ ᱞᱟᱹᱜᱤᱫ ᱜᱚᱲᱚᱭ ᱮᱢᱟ, ᱡᱟᱦᱟᱸ ᱫᱚ ᱱᱚᱠᱞᱤ ᱨᱟᱱ ᱨᱮᱱᱟᱜ ᱦᱟᱛᱟᱣᱟᱜ ᱥᱚᱢᱵᱷᱟᱣᱱᱟ ᱠᱚᱢᱚᱜ ᱟ᱾

“ᱴᱨᱮᱯᱷᱤᱠ ᱡᱟᱢ ᱠᱷᱟᱹᱛᱤᱨ ᱛᱮ ᱱᱟᱜᱟᱨ ᱨᱮ ᱢᱮᱨᱤ ᱯᱷᱟᱨᱢᱮᱥᱤ ᱞᱟᱹᱜᱤᱫ ᱰᱟᱠᱛᱚᱨᱤ ᱨᱟᱱ ᱯᱟᱸᱡᱟᱭ ᱞᱟᱹᱜᱤᱫ ᱢᱤᱫ ᱡᱮᱞᱮᱝ ᱚᱠᱛᱚ ᱞᱟᱜᱟᱣᱟᱭ ᱠᱟᱱᱟ, ᱢᱮᱱᱠᱷᱟᱱ ᱱᱚᱶᱟ ᱯᱨᱚᱬᱟᱞᱤ ᱥᱟᱶ, ᱟᱢ ᱠᱷᱟᱹᱞᱤ ᱞᱚᱜᱤᱱ ᱠᱟᱜ ᱠᱟᱱᱟᱢ, ᱟᱢ ᱚᱨᱰᱚᱨ ᱮᱢ  ᱮᱫᱟᱢ, ᱠᱟᱹᱣᱰᱤ ᱚᱱᱞᱟᱭᱤᱱ ᱮᱢ  ᱠᱟᱜ ᱟᱢ ᱟᱨ ᱩᱱᱠᱩ ᱚᱱᱟ ᱠᱚ ᱦᱟᱹᱴᱤᱧ ᱠᱟᱜ ᱠᱟᱱᱟ”  ᱚᱝᱠᱟᱭ ᱞᱟᱹᱭ ᱞᱮᱫ ᱟ᱾

ᱯᱷᱟᱨᱢᱟᱞᱤᱝᱡ ᱟᱯᱷᱨᱤᱠᱟ ᱨᱮ ᱱᱚᱠᱞᱤ ᱨᱟᱱ ᱠᱷᱚᱱ ᱞᱟᱹᱲᱦᱟᱭ ᱨᱮ ᱫᱷᱮᱭᱟᱱ ᱮᱢ ᱞᱟᱹᱜᱤᱫ ᱛᱮ ᱥᱩᱢᱩᱝ ᱢᱤᱫ ᱰᱤᱡᱤᱴᱟᱞ ᱯᱞᱮᱴᱯᱷᱚᱨᱢ ᱫᱚ ᱵᱟᱝ ᱠᱟᱱᱟ᱾ ᱒᱐᱑᱘ ᱨᱮ, ᱢᱤᱫ ᱱᱟᱭᱡᱤᱨᱤᱭᱟ-ᱟᱫᱷᱟᱨᱤᱛ ᱯᱞᱮᱴᱯᱷᱚᱨᱢ    ᱢᱮᱰᱥᱚᱯᱷ ᱫᱚ ᱯᱟᱪᱮ- ᱟᱯᱷᱨᱤᱠᱤ ᱫᱤᱥᱚᱢ ᱨᱮ ᱱᱚᱠᱞᱤ ᱨᱟᱱ ᱨᱮᱱᱟᱜ ᱯᱟᱥᱱᱟᱣ ᱠᱚ ᱮᱥᱮᱫ ᱞᱟᱹᱜᱤᱫ ᱠᱟᱹᱢᱤ ᱮᱛᱚᱦᱚᱵ ᱞᱮᱫᱟᱭ᱾ ᱱᱚᱝᱠᱟ ᱜᱮ ᱜᱷᱟᱱᱟ ᱠᱚᱨᱮᱦᱚᱸ, ᱯᱷᱟᱨᱢᱟᱴᱨᱟᱥ ᱮᱛᱚᱦᱚᱵ ᱦᱩᱭ ᱮᱱᱟ᱾

ᱯᱷᱟᱨᱢᱟᱞᱤᱝᱠ ᱛᱚᱧᱡᱟᱱᱩᱭᱟ ᱯᱷᱟᱨᱢᱮᱥᱤ ᱠᱟᱣᱩᱝᱥᱤᱞ ᱥᱟᱶ ᱢᱮᱥᱟ ᱠᱟᱛᱮᱜ ᱠᱟᱹᱢᱤ ᱠᱟᱱᱟᱭ, ᱡᱟᱦᱟᱸᱭ ᱡᱮ ᱱᱚᱶᱟ ᱯᱨᱚᱬᱟᱞᱤ ᱠᱚ ᱥᱚᱡᱷᱮ ᱞᱟᱹᱜᱤᱫ TMTD ᱠᱚ ᱥᱟᱶ ᱥᱟᱶᱛᱮ ᱯᱷᱟᱨᱢᱮᱥᱤᱭᱟᱱ ᱠᱚ ᱟᱨ ᱯᱷᱟᱨᱢᱟᱥᱤᱥᱴ ᱠᱚ ᱯᱚᱧᱡᱤᱠᱨᱤᱛ ᱞᱟᱹᱜᱤᱫ ᱡᱤᱢᱟ ᱢᱮᱱᱟᱜ ᱠᱚᱣᱟ᱾

ᱜᱟᱞᱚᱪ ᱮᱛᱦᱚᱵ ᱢᱮ

ᱚᱱᱚᱞᱤᱭᱟ, ᱫᱟᱭᱟᱠᱟᱛᱮ ᱵᱚᱞᱚᱱ ᱢᱮ »

Guidelines

  • All comments are reviewed by a moderator. Do not submit your comment more than once or it may be identified as spam.
  • Please treat others with respect. Comments containing hate speech, obscenity, and personal attacks will not be approved.