- Global Voices ᱥᱟᱱᱛᱟᱲᱤᱛᱮ - https://sat.globalvoices.org -

ᱪᱮᱫ ᱠᱮᱨᱮᱭᱵᱤᱭᱟᱱ ᱵᱟᱝ ᱩᱡᱟᱹᱲᱚᱜ ᱴᱷᱟᱶ ᱠᱟᱱᱟ?

ᱛᱷᱚᱠᱠᱚ: ᱠᱟᱨᱤᱵᱽᱵᱤᱭᱟᱱ, Bahamas, Barbados, Cuba, Jamaica, Trinidad & Tobago, ᱥᱟᱪᱟᱨᱦᱮ, ᱥᱟᱬᱮᱥ, ᱩᱡᱟᱹᱲ, ᱱᱟᱜᱟᱨᱤᱭᱟᱹ ᱢᱤᱰᱤᱭᱟ
[1]

ᱵᱟᱦᱟᱢᱟᱥ ᱨᱮᱱᱟᱜ ᱢᱤᱫ ᱦᱩᱰᱤᱧ ᱫᱤᱯ ᱾ ᱯᱷᱤᱞᱤᱠᱟᱨ ᱨᱮ ᱡᱳᱱ ᱦᱤᱞᱤᱭᱟᱨᱰ ᱦᱚᱛᱮᱛᱮ ᱢᱤᱫ ᱪᱤᱛᱹᱨ  CC BY 2.0.

᱒᱐᱒᱐ ᱨᱮᱱᱟᱜ ᱮᱛᱚᱦᱚᱵ ᱨᱮ ᱠᱮᱨᱮᱵᱤᱭᱟᱱ ᱥᱚᱥᱟᱭᱞ ᱢᱤᱰᱤᱭᱟ ᱪᱷᱟᱢᱰᱟᱨᱮ ᱦᱟᱹᱴᱤᱧᱚᱜ ᱠᱟᱱ ᱨᱟᱹᱥᱠᱟᱹ ᱟᱨ ᱵᱟᱰᱟᱭ ᱥᱟᱱᱟᱠᱟᱱ ᱠᱟᱹᱦᱱᱤ ᱠᱚ ᱢᱩᱫᱽ ᱨᱮ ᱢᱤᱫ ᱠᱟᱹᱦᱱᱤ ᱦᱩᱭᱩᱜ ᱠᱟᱱᱟ  ᱭᱩᱱᱟᱭᱤᱴᱮᱰ ᱠᱤᱝᱰᱚᱢ ᱨᱮ ᱢᱮᱱᱟᱜ ᱴᱮᱵᱽᱞᱟᱺᱭᱰ,  ᱫᱤ ᱥᱟᱱ [2], ᱫᱟᱣᱟ [3] ᱠᱮᱫ ᱟᱭ ᱡᱮ  ” ᱡᱩᱫᱤ ᱟᱪᱠᱟ ᱜᱮ  ᱢᱟᱱᱢᱤ ᱠᱚ ᱢᱩᱪᱟᱹᱫᱚᱜ ᱞᱟᱹᱜᱤᱫ ᱡᱮᱜᱮᱛ ᱨᱮ ᱟᱡᱟᱨ ᱨᱮᱱᱟᱜ ᱵᱚᱛᱚᱨ ᱥᱤᱨᱡᱟᱹᱣᱼᱟ ᱮᱱᱠᱷᱟᱱ ᱚᱱᱰᱮᱠᱷᱚᱱ ᱫᱩᱜᱼᱵᱟᱧᱪᱟᱣ ᱞᱟᱹᱜᱤᱫᱥᱟᱬᱮᱥᱤᱭᱟ ᱠᱚ ᱟᱯᱮ ᱠᱚ ᱞᱟᱹᱜᱤᱫ ᱡᱚᱛᱚ ᱠᱷᱚᱱ ᱱᱤᱨᱟᱹᱭ ᱴᱷᱟᱶ ᱠᱚ ᱯᱟᱸᱡᱟ ᱡᱩᱛ ᱟᱠᱟᱫᱼᱟ”

ᱡᱮᱞᱮᱠᱟ  ᱱᱟᱶᱟ ᱵᱟᱰᱟᱭᱚᱜ ᱠᱟᱱᱟ,ᱟᱹᱰᱤᱜᱟᱱ ᱦᱚᱲ ᱠᱚᱣᱟᱜ ᱞᱟᱹᱭ ᱞᱮᱠᱟᱛᱮ ᱟᱭᱢᱟ ᱵᱟᱧᱪᱟᱣ ᱡᱟᱭᱜᱟ ᱫᱽᱣᱤᱯ ᱵᱟᱝ ᱟᱭᱤᱡᱞᱮᱸᱰ ᱦᱩᱭᱩᱜ ᱢᱟ, ᱚᱱᱠᱟᱱᱟ ᱪᱚᱴᱟᱛ ᱒᱐ ᱜᱚᱴᱟᱝ ᱱᱤᱨᱟᱹᱭ ᱴᱷᱟᱶ ᱠᱷᱚᱱ ᱢᱚᱬᱮ ᱜᱚᱴᱟᱝ ᱫᱚ ᱠᱮᱭᱨᱮᱵᱤᱭᱚᱱ ᱨᱮ ᱢᱮᱱᱟᱜᱼᱟ᱾ ᱱᱚᱣᱟ ᱴᱚᱴᱷᱟ ᱨᱮ ᱢᱮᱱᱟᱜ ᱫᱤᱥᱚᱢ ᱠᱚ ᱢᱩᱫ ᱨᱮ ᱵᱟᱦᱟᱢᱟᱥ ᱡᱚᱛᱚᱠᱷᱚᱱ ᱪᱮᱛᱟᱱ ᱴᱷᱟᱶ ᱨᱮ ᱢᱮᱱᱟᱭᱟ – ᱣᱤᱰᱚᱢᱵᱚᱱᱟ ᱱᱚᱶᱟ ᱠᱟᱱᱟ ᱡᱮ ᱱᱤᱛᱚᱜ ᱦᱚᱸ ᱵᱟᱦᱟᱢᱥ ᱦᱩᱨᱤᱠᱮᱱ ᱰᱳᱨᱤᱭᱟᱱ [4] ᱨᱮᱭᱟᱜ ᱩᱡᱟᱹᱲ ᱠᱷᱚᱱ ᱱᱤᱛ ᱦᱚᱸ ᱟᱹᱣᱨᱤᱭ ᱠᱮᱴᱮᱡᱚᱜᱟᱭ – ᱚᱱᱟ ᱛᱟᱭᱚᱢ ᱨᱮ ᱛᱨᱤᱱᱤᱫᱟᱫᱽ ᱟᱨ ᱴᱳᱵᱟᱜᱳᱣᱟᱜ ᱮᱞ ᱘,  ᱵᱟᱨᱵᱟᱰᱳᱥ ᱟ ᱮᱞ ᱙, ᱠᱩᱭᱵᱟ  ᱮᱞ ᱑᱑, ᱟᱨ ᱡᱟᱢᱟᱭᱤᱠᱟ ᱦᱟᱜ ᱮᱞ ᱡᱚᱛᱚ ᱠᱷᱚᱱ ᱛᱟᱭᱚᱢ ᱑᱘ ᱨᱮ ᱢᱮᱱᱟᱭᱟ᱾

ᱥᱚᱫᱚᱨ ᱟᱠᱟᱱ ᱚᱱᱚᱞ ᱟᱹᱰᱤ ᱦᱩᱥᱤᱭᱟᱹᱨ ᱛᱮ ᱢᱚᱱᱚᱛ ᱮ ᱮᱢ ᱟᱠᱟᱫᱼᱟ ᱾ᱡᱚᱛᱚ ᱠᱷᱚᱱ ᱪᱮᱛᱟᱱ ᱨᱮ ᱢᱮᱱᱟᱜ ᱯᱮᱭᱟ (ᱚᱥᱴᱨᱮᱞᱤᱭᱟ, ᱱᱭᱩᱡᱤᱞᱮᱱᱰ ᱟᱨ ᱟᱭᱥᱞᱮᱭᱱᱰ) ᱠᱷᱚᱱ ᱮᱴᱟᱜ ᱟᱭᱢᱟ ᱫᱤᱥᱚᱢ ᱨᱮ “᱐.᱕ ᱠᱷᱚᱱ ᱠᱚᱢ ᱨᱮᱭᱝᱠ ᱨᱮ ᱢᱮᱱᱟᱜ ᱠᱚᱣᱟ ᱚᱱᱟᱛᱮ [ᱢᱟᱹᱱᱢᱤᱭᱟᱜ] ᱵᱟᱧᱪᱟᱣ ᱞᱟᱹᱜᱤᱫ ᱟᱹᱰᱤ ᱠᱚᱢ ᱜᱮ ᱡᱩᱛᱼᱟ ᱾” ᱫᱩᱠᱷ ᱨᱮᱱᱟᱜ ᱠᱟᱛᱷᱟ ᱠᱟᱱᱟ ᱡᱮ ᱮᱞ ᱑- ᱨᱮᱭᱝᱠ ᱟᱠᱟᱱ ᱚᱥᱴᱨᱮᱞᱤᱭᱟ ᱡᱩᱱ ᱒᱐᱑᱙ ᱠᱷᱚᱱ ᱫᱩᱨᱞᱚᱵᱷ ᱵᱤᱨ ᱡᱤᱭᱟᱞᱤ ᱠᱚ ᱵᱤᱨ ᱨᱮ ᱟᱹᱛᱩᱨ ᱟᱠᱟᱱ ᱥᱮᱸᱜᱮᱞ ᱥᱟᱶ ᱠᱚ ᱛᱟᱯᱟᱢ ᱠᱟᱱᱟ ᱾ᱱᱚᱣᱟ ᱢᱟᱦᱟᱫᱤᱯ ᱫᱤᱥᱟᱹᱦᱟᱨᱟ ᱦᱚᱲ ᱠᱚ ᱞᱟᱹᱜᱤᱫ ᱢᱩᱪᱟᱹᱫ ᱟᱥᱨᱟ ᱠᱟᱱᱟ ᱼ ᱤᱠᱷᱟᱹᱱ ᱱᱤᱛᱚᱜ ᱚᱱᱟ ᱴᱷᱟᱶ ᱯᱮᱨᱮᱡ ᱪᱟᱵᱟ ᱟᱠᱟᱱ ᱞᱮᱠᱟ ᱵᱩᱡᱷᱟᱹᱣ ᱠᱟᱱᱟ (ᱵᱚᱨᱚᱝ ᱚᱱᱟ ᱫᱤᱥᱚᱢ  ᱡᱮᱜᱮᱛᱤᱭᱟᱹᱨᱤ ᱫᱟᱭᱟ ᱟᱨ ᱜᱚᱲᱚ ᱵᱟᱱᱟᱨ ᱮ ᱞᱟᱠᱛᱤᱜ ᱠᱟᱱᱟ)᱾

“ᱱᱟᱯᱟᱭ ᱵᱩᱡᱷᱟᱹᱣ ᱴᱷᱟᱶ , ᱯᱨᱟᱠᱨᱩᱛᱤᱠ ᱥᱚᱢᱵᱚᱲ ᱟᱨ ᱨᱟᱡᱽᱟᱹᱨᱤ ᱥᱩᱞᱩᱠ” ᱱᱚᱣᱟ ᱠᱚ ᱜᱩᱬ ᱤᱫᱤᱭᱟᱛᱮ ᱢᱩᱪᱟᱹᱫ ᱥᱠᱳᱨ ᱥᱚᱫᱚᱨ ᱟᱠᱟᱱᱟ᱾

ᱠᱮᱭᱨᱤᱵᱤᱭᱟᱱ ᱨᱮᱤᱱ ᱵᱟᱹᱲᱛᱤ ᱱᱮᱴ ᱵᱮᱵᱷᱟᱨᱤᱭᱟᱹ ᱟᱹᱰᱤ ᱠᱚ ᱦᱟᱦᱟᱲᱟ ᱮᱱᱟ ᱡᱚᱠᱷᱚᱱ ᱱᱤᱨᱟᱹᱭ ᱴᱷᱟᱶ ᱵᱟᱪᱷᱚᱱ ᱨᱮ ” ᱡᱟᱦᱟᱸ ᱴᱷᱟᱶ ᱮᱴᱟᱜ ᱴᱷᱟᱶ ᱥᱟᱶ ᱪᱷᱩᱰᱟᱹᱨ ᱨᱮ ᱢᱮᱱᱟᱜᱼᱟ ᱟᱨ ᱵᱟᱝ ᱚᱱᱠᱟ ᱫᱟᱲᱮ ᱢᱮᱱᱟᱜᱼᱟ”  ᱚᱱᱟ ᱡᱚᱠᱷᱟ ᱞᱮᱠᱟ ᱠᱚ ᱵᱮᱵᱷᱟᱨ ᱠᱮᱫᱟ ᱾ “ᱡᱟᱦᱟᱸ ᱫᱤᱯ ᱨᱮ ᱚᱠᱚᱭ ᱦᱚᱸ ᱵᱟᱠᱚ ᱛᱟᱦᱮᱱᱼᱟ ” ᱚᱱᱟ ᱵᱷᱟᱹᱜᱤᱭᱟ ᱢᱮᱱᱛᱮᱫ ᱚᱱᱟᱨᱮ ᱪᱮᱫ ᱞᱮᱠᱟ ᱩᱱᱟᱹᱜ ᱩᱡᱩᱱ ᱮᱢ ᱮᱱᱟ ᱚᱱᱟ ᱞᱟᱹᱜᱤᱫ ᱴᱷᱟᱹᱣᱠᱟᱹ ᱧᱮᱛᱮᱞ ᱵᱟᱹᱱᱩᱜ ᱟᱹᱱᱤᱡ ᱾ᱡᱟᱦᱟᱸᱛᱤᱥᱚᱜ ᱫᱷᱟᱹᱨᱛᱤ ᱢᱩᱪᱟᱹᱫᱚᱜᱼᱟ ᱚᱱᱚᱞ ᱦᱤᱥᱟᱹᱵ ᱛᱮ ᱢᱤᱫ ᱦᱚᱲ ᱚᱱᱰᱮ ᱛᱟᱦᱮᱸ ᱥᱟᱱᱟ ᱮᱭᱟ ᱾ ᱤᱠᱷᱟᱹᱱ ᱱᱚᱣᱟ ᱠᱟᱛᱷᱟ ᱯᱟᱹᱛᱭᱟᱹᱣ ᱞᱟᱹᱜᱤᱫ ᱚᱱᱚᱞ ᱨᱮ ᱵᱟᱰᱟᱭᱡᱚᱝ ᱚᱞ ᱵᱟᱹᱱᱩᱜ ᱟᱹᱱᱤᱡ ᱾ ᱚᱱᱟ ᱥᱟᱶ ᱮᱛᱚᱢ ᱨᱮ ᱢᱮᱱᱟᱜ ᱠᱮᱯ ᱵᱷᱟᱨᱰᱤ ᱟᱨ ᱵᱨᱟᱡᱤᱞ ᱨᱮᱱᱟᱜ ᱢᱟᱰᱟᱜᱟᱥᱠᱟᱨ ᱵᱟᱵᱟᱨ ᱫᱷᱟᱣ ᱡᱟᱦᱟᱸ ᱦᱩᱭ ᱟᱠᱟᱱᱟ ᱚᱱᱟ ᱨᱮᱱᱟᱜ ᱥᱟᱹᱨᱤ ᱯᱚᱛᱟᱲ ᱚᱱᱚᱞ ᱨᱮ ᱵᱟᱝ ᱧᱮᱞ ᱧᱟᱢᱚᱜ ᱠᱟᱱᱟ ᱾

ᱯᱩᱭᱞᱭ ᱫᱷᱟᱣ ᱱᱚᱣᱟ ᱠᱚᱸᱫᱨᱚᱸᱫᱽ ᱚᱱᱚᱞ  ᱡᱮᱜᱮᱛᱤᱭᱟᱹᱨᱤ ᱯᱟᱛᱷᱟᱢ  ᱨᱤᱥᱠ ᱟᱱᱟᱞᱤᱥᱤᱥ [5], ᱨᱮ ᱩᱪᱷᱟᱹᱱ ᱞᱮᱱᱟ ᱾ᱢᱮᱴ ᱵᱳᱭᱰ ᱟᱨ ᱱᱤᱠ ᱣᱤᱞᱥᱚᱱ ᱢᱮᱥᱟ ᱠᱟᱛᱮᱫ ᱱᱚᱣᱟ ᱚᱱᱚᱞ ᱠᱤᱱ ᱥᱟᱯᱲᱟᱣ ᱟᱠᱟᱫᱟ᱾

ᱣᱤᱞᱥᱚᱱ ᱫᱚ, ᱱᱤᱭᱩᱡᱤᱞᱮᱱᱰ ᱨᱮ ᱢᱮᱱᱟᱜ ᱚᱴᱟᱜᱳ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱤᱱᱤᱡ ᱢᱤᱫ ᱦᱮᱞᱛᱷ ᱯᱷᱤᱡᱤᱥᱤᱭᱟᱱ ᱠᱟᱱᱟᱭ ᱾ ᱵᱟᱭᱚᱴᱮᱠᱱᱚᱞᱚᱡᱤ ᱨᱮᱱᱟᱜ ᱠᱷᱚᱡ ᱠᱷᱚᱱ ᱩᱰᱩᱠᱚᱜᱠᱟᱱ ᱱᱟᱣᱟ ᱥᱤᱨᱤᱡ ᱵᱚᱸᱥᱚ ᱡᱟᱹᱱᱤᱡ ᱱᱟᱣᱟ  ᱢᱟᱦᱟᱢᱟᱨᱤ ᱞᱮᱠᱟᱱ ᱟᱡᱟᱨ ᱮ ᱯᱟᱨᱪᱟᱣᱼᱟ ᱡᱟᱦᱟᱸ ᱢᱟᱱᱢᱤ ᱛᱤᱥᱴᱟᱹᱣ ᱞᱟᱹᱜᱤᱫ ᱦᱚᱸ ᱟᱹᱰᱤ ᱢᱩᱥᱠᱤᱞᱼᱟ ᱾  ᱫᱚ ᱥᱚᱱ ᱥᱟᱞᱟᱜ ᱨᱚᱯᱚᱲ ᱚᱠᱛᱚ ᱟᱡ ᱮ ᱢᱮᱱ ᱞᱮᱫᱟ “ᱡᱩᱫᱤ ᱪᱚ ᱱᱚᱣᱟ ᱟᱡᱟᱨ ᱨᱤᱱ ᱩᱪᱟᱹᱲᱠᱚᱜ ᱟᱞᱜᱟ ᱛᱮ ᱚᱛ ᱨᱮᱱᱟᱜ ᱥᱤᱢᱟᱹ ᱠᱚ ᱯᱟᱨᱚᱢ ᱫᱟᱲᱮᱭᱟᱜᱼᱟ, ᱮᱱᱨᱮᱦᱚᱸ ᱡᱟᱦᱟᱸ ᱫᱤᱯ ᱟᱡ ᱛᱮ ᱟᱹᱥᱩᱞ ᱫᱟᱲᱮᱭᱟᱜᱼᱟ ᱟᱨ ᱮᱴᱟᱜ ᱴᱷᱟᱶ ᱠᱷᱚᱱ ᱪᱷᱩᱰᱟᱹᱨ ᱨᱮ ᱢᱮᱱᱟᱜᱼᱟ ᱢᱤᱫ ᱢᱟᱦᱟᱢᱟᱹᱨᱤᱭᱮᱱ ᱛᱟᱭᱚᱢ ᱢᱟᱹᱱᱢᱤ ᱠᱚ ᱟᱵᱟᱫ ᱨᱩᱣᱟᱹᱲᱚᱜᱼᱟ ᱾”

ᱱᱚᱣᱟ ᱯᱚᱲᱦᱚᱱ ᱫᱚ ᱭᱩᱱᱟᱭᱴᱮᱰ ᱱᱮᱥᱚᱱ ᱢᱟᱱᱚᱛ ᱮ ᱮᱢ ᱟᱠᱟᱫ ᱒᱕᱐,᱐᱐᱐ ᱠᱷᱚᱱ ᱵᱟᱹᱲᱛᱤ ᱦᱚᱲ ᱠᱚ ᱢᱮᱱᱟᱜ ᱠᱚ ᱥᱟᱨᱵᱚᱵᱷᱣᱢᱤᱠ ᱫᱤᱥᱚᱢ ᱠᱚ ᱢᱩᱫ  ᱨᱮ ᱦᱩᱭ ᱞᱮᱱᱟ ᱾ ᱣᱤᱞᱥᱚᱱ ᱢᱮᱱ ᱦᱤᱥᱟᱹᱵ ᱛᱮ ᱢᱟᱱᱣᱟ ᱡᱟᱹᱛᱤ ᱩᱡᱟᱹᱲ ᱮᱱ ᱛᱟᱭᱚᱢ ᱦᱩᱰᱤᱧ ᱦᱩᱰᱤᱧ ᱫᱤᱯ ᱠᱚᱫᱚ ᱱᱟᱥᱮᱱᱟᱜ ᱜᱚᱲᱚ ᱛᱮᱜᱮ ᱠᱚ ᱥᱩᱢᱵᱷᱨᱟᱣᱼᱟ ᱾ ᱠᱚᱸᱫᱲᱨᱚᱸᱫᱤᱭᱟᱹ ᱠᱚᱣᱟᱜ ᱩᱭᱦᱟᱹᱨ ᱛᱮ “ᱢᱤᱫ ᱫᱤᱯ ᱨᱮ ᱢᱟᱱᱣᱟ ᱡᱤᱭᱚᱱ ᱡᱤᱭᱟᱹᱲ ᱨᱩᱣᱟᱹᱲ ᱞᱟᱹᱜᱤᱫ ᱟᱹᱰᱤᱞᱮᱠᱟᱱ ᱴᱮᱠᱱᱤᱠᱟᱞ ᱯᱟᱹᱨᱩᱠᱷᱤᱭᱟᱹ ᱠᱚ ᱞᱟᱹᱠᱛᱤᱭᱟ ᱾”

ᱵᱟᱧᱡᱟᱦᱟᱱᱤᱡ ᱠᱚ ᱟᱹᱭᱠᱟᱹᱣ ᱠᱮᱫ ᱡᱮ “ᱢᱤᱫ ᱫᱽᱣᱤᱯ ᱨᱮ ᱴᱮᱠᱱᱤᱠᱟᱞ ᱵᱤᱥᱮᱟᱱ ᱨᱮᱱᱟᱜ ᱢᱤᱫ ᱟᱭᱢᱟ ᱥᱨᱮᱬᱤ ᱨᱮᱱᱟᱜ ᱞᱟᱠᱛᱤ ᱦᱩᱭᱩᱜ ᱟ᱾” ᱢᱟᱱᱢᱤᱭᱟᱱ ᱨᱮᱱᱟᱜ ᱫᱚᱦᱟᱲᱟᱭ ᱵᱟᱱᱟᱣ ᱞᱟᱹᱜᱤᱫ᱾”

ᱱᱚᱣᱟ ᱧᱮᱞ ᱟᱠᱟᱱᱟ ᱡᱟᱦᱟᱸ ᱫᱤᱥᱚᱢ ᱨᱮ ᱜᱩᱴ ᱟᱲᱟᱜ ᱟᱨᱡᱟᱣ, ᱡᱚᱢᱟᱜ ᱠᱚ ᱟᱭᱢᱟ ᱫᱤᱱ ᱞᱟᱹᱜᱤᱫ ᱫᱚᱲᱦᱚ ᱫᱷᱟᱨᱟ ᱫᱚᱦᱚ ᱟᱠᱟᱫᱟᱠᱚ , ᱠᱮᱴᱮᱡ ᱫᱷᱟᱨᱟ ᱫᱟᱲᱮ ᱠᱚ ᱟᱨᱡᱟᱣ ᱫᱟᱲᱮᱭᱟᱜ ᱠᱟᱱᱟ ᱩᱱᱠᱩ ᱠᱚ ᱵᱷᱟᱹᱜᱤ ᱠᱚ ᱠᱟᱹᱠᱤ ᱠᱟᱱᱟ, ᱠᱚᱸᱫᱨᱸᱫᱤᱭᱟᱹ ᱦᱚᱸ ᱠᱚ ᱨᱮᱵᱮᱱ ᱮᱱᱟ ” ᱩᱱᱠᱩᱣᱟᱜ ᱠᱟᱹᱢᱤ ᱨᱮᱱᱟᱜ ᱦᱚᱨᱟ ᱨᱮ ᱦᱩᱲᱟᱹᱜ ᱦᱩᱭ ᱫᱟᱲᱮᱭᱟᱜᱼᱟ᱾” ᱡᱮᱞᱮᱠ , ᱩᱱᱠᱩ ᱦᱚᱭ ᱫᱟᱜ ᱵᱚᱫᱚᱞ [6] ᱨᱮᱱᱟᱜ ᱚᱨᱥᱚᱝ ᱵᱤᱪᱟᱹᱨ ᱵᱟᱝᱠᱚ ᱫᱚᱦᱚ ᱞᱮᱫᱟ, ᱡᱟᱦᱟᱸ ᱫᱚ ᱫᱤᱯ ᱫᱤᱥᱚᱢ ᱠᱚ ᱞᱟᱹᱜᱤᱫ ᱟᱹᱰᱤᱛᱮᱫ ᱵᱤᱯᱚᱫᱼᱟ ᱾

ᱫᱩᱨᱱᱤᱛᱤ [7] ᱟᱨ ᱦᱤᱸᱥᱟ [8] ᱢᱩᱪᱟᱹᱫ ᱫᱷᱟᱯ ᱦᱟᱹᱵᱤᱡ ᱥᱮᱴᱮᱨᱮᱱ ᱨᱮᱦᱚᱸ ᱟᱱᱟ ᱴᱚᱴᱷᱟ ᱨᱤᱱ ᱱᱮᱴᱤᱡᱚᱱᱥ ᱞᱟᱹᱜᱤᱫ ᱱᱚᱣᱟ ᱯᱚᱲᱦᱚᱱ ᱠᱷᱟᱹᱞᱤ ᱟᱠᱚ ᱫᱷᱟᱹᱨᱛᱤ ᱨᱮᱱᱟᱜ ᱡᱚᱛᱚ ᱠᱷᱚᱱ ᱱᱟᱯᱟᱭ ᱴᱷᱟᱶ ᱟᱨ ᱚᱱᱟ ᱴᱷᱟᱶ ᱵᱟᱝ ᱵᱟᱹᱜᱤᱭᱟ ᱱᱚᱣᱟ ᱦᱩᱫᱤᱥ ᱟᱠᱚᱣᱟᱜ ᱢᱚᱱᱮᱨᱮ ᱠᱮᱴᱮᱡ ᱞᱟᱹᱜᱤᱫ ᱜᱮ ᱜᱚᱲᱚᱭ ᱮᱢᱮ ᱮᱫᱟ ᱾ ᱱᱚᱣᱟ ᱚᱱᱚᱞ ᱨᱮ ᱛᱤᱱᱟᱹᱜ ᱜᱟᱱ ᱠᱟᱛᱷᱟ ᱫᱚ  ᱵᱷᱟᱹᱜᱤᱭᱟ [9] ᱢᱮᱱᱛᱮᱫ ᱵᱩᱡᱷᱟᱹᱣᱟᱱ ᱧᱟᱢ ᱮᱱᱟ ᱟᱨ ᱛᱤᱱᱟᱹᱜ ᱫᱚ ᱥᱚᱞᱦᱮ [10] ᱞᱮᱠᱟ ᱦᱚᱸ, ᱡᱮᱞᱮᱠ  ᱡᱟᱦᱟᱸ ᱫᱤᱥᱚᱢ ᱟᱯᱱᱟᱨᱛᱮ ᱡᱚᱢ ᱠᱩᱲᱟᱹᱣ ᱟᱨ ᱞᱟᱹᱠᱛᱤᱭᱟᱱ ᱫᱟᱲᱮ ᱵᱷᱚᱨᱡᱚᱱ ᱫᱟᱲᱮᱭᱟᱜᱼᱟ ᱚᱱᱟ ᱫᱤᱥᱚᱢ ᱨᱮᱱᱟᱜ ᱢᱟᱱ ᱟᱨ ᱵᱟᱝ ᱴᱷᱟᱶ ᱪᱚᱴᱟᱛ  ᱕ ᱴᱷᱟᱶ ᱵᱷᱤᱛᱨᱤᱨᱮ ᱡᱟᱭᱜᱟᱭ ᱧᱟᱢ ᱫᱟᱲᱮᱭᱟᱜᱼᱟ ᱟᱨ ᱱᱚᱸᱠᱟ ᱟᱱᱟᱴ ᱮ ᱫᱟᱨᱟᱢ ᱫᱟᱲᱮᱭᱟᱜᱼᱟ ᱾

ᱟᱭᱢᱟ ᱦᱚᱲ ᱢᱟ ᱱᱚᱶᱟ ᱟᱹᱰᱤ ᱵᱷᱳᱲᱚᱠ ᱥᱟᱶ ᱵᱤᱰᱚᱢᱵᱽᱱᱟ ᱜᱮᱠᱚ ᱵᱷᱟᱹᱵᱤ ᱠᱮᱫᱟ ᱾ᱱᱚᱝᱠᱟ ᱫᱤᱱ ᱥᱮᱴᱮᱨᱚᱜᱼᱟ  ᱮᱛᱚᱢ ᱡᱮᱜᱮᱛ ᱨᱤᱱ ᱦᱚᱲ ᱠᱚᱧᱮ ᱡᱮᱜᱮᱛ  ᱵᱮᱭᱠᱴᱤᱨᱤᱭᱟ ᱥᱮ ᱯᱷᱚᱝᱜᱚᱞ ᱞᱮᱠᱟᱱ ᱩᱡᱟᱹᱲ ᱠᱚᱜ ᱵᱟᱧᱪᱟᱣ ᱞᱟᱹᱜᱤᱫ ᱠᱚ ᱥᱚᱦᱚᱨ ᱥᱮᱴᱮᱨᱚᱜ ᱞᱟᱹᱜᱤᱫ ᱠᱚ ᱞᱚᱜᱚᱱᱚᱜᱼᱟ ᱟᱨ ᱠᱚ ᱢᱮᱱᱼᱟ  “ᱵᱟᱝ ᱵᱟᱝ ᱟᱯᱱᱟᱨᱼᱟ ᱥᱟᱱᱟᱢ ᱵᱮᱵᱟᱹᱲᱤᱡ ᱵᱟᱧᱪᱟᱣ ᱞᱟᱠᱛᱤ ᱢᱮᱱᱟᱜᱼᱟ᱾”