- Global Voices ᱥᱟᱱᱛᱟᱲᱤᱛᱮ - https://sat.globalvoices.org -

ᱢᱤᱫᱴᱮᱱ ᱥᱤᱧᱚᱛᱤᱭᱟᱹ ᱯᱨᱚᱯᱷᱮᱥᱟᱨᱮ ᱵᱮᱱᱟᱣᱮᱫᱟᱭ ᱯᱞᱟᱥᱴᱤᱠ ᱨᱮᱭᱟᱜ ᱠᱮᱴᱮᱡ ᱰᱟᱦᱟᱨ

ᱛᱷᱚᱠᱠᱚ: South Asia, India, Environment, ᱥᱚᱨᱮᱥ ᱰᱚᱜᱚᱨ, ᱱᱟᱜᱟᱨᱤᱭᱟᱹ ᱢᱤᱰᱤᱭᱟ

ᱴᱚᱰ ᱨᱮᱵᱚᱞ [1] ᱦᱚᱛᱮ ᱛᱮ ᱥᱟᱯᱲᱟᱣ ᱟᱠᱟᱱ ᱱᱚᱣᱟ ᱨᱮᱭᱟᱜ ᱟᱥᱚᱞ ᱚᱞ ᱫᱚ ᱡᱟᱹᱡᱟᱹᱛᱨᱤᱭᱟᱹ ᱦᱚᱭ ᱦᱤᱥᱤᱫ ᱠᱚ Ensia.com [2]ᱧᱮᱞ ᱠᱟᱛᱮ ᱜᱮ ᱥᱚᱫᱚᱨ ᱟᱠᱟᱱᱟ। ᱱᱤᱭᱟᱹ ᱫᱚ ᱡᱤᱱᱤᱥ ᱦᱟᱯᱟᱴᱤᱧ ᱵᱚᱱᱫᱚᱵᱚᱥ ᱨᱮᱭᱟᱜ ᱦᱚᱨᱟ ᱧᱮᱞ ᱠᱟᱛᱮ ᱜᱮ ᱥᱚᱫᱚᱨ ᱟᱠᱟᱱᱟ।

ᱯᱞᱟᱥᱴᱤᱠ ᱵᱷᱚᱱᱰ [3] ᱫᱚ ᱫᱩᱱᱤᱭᱟᱹ ᱨᱮ ᱢᱟᱱᱣᱟ ᱥᱤᱨᱡᱟᱹᱣ ᱟᱯᱚᱛᱟᱜ ᱠᱚ ᱢᱩᱫᱽ ᱨᱮ ᱢᱤᱫ ᱴᱮᱱ ᱠᱟᱱᱟ। ᱯᱟᱨᱚᱢᱮᱱ ᱮᱢᱦᱟ, ᱥᱟᱬᱮᱥ ᱯᱟᱛᱷᱟᱢ ᱥᱟᱭᱤᱱᱴᱤᱯᱷᱤᱠ ᱨᱤᱯᱚᱨᱴᱥ [4] ᱨᱮ ᱚᱞ ᱟᱠᱟᱫ ᱥᱟᱬᱮᱥᱤᱭᱟᱹ ᱠᱚᱠᱚ ᱞᱟᱹᱭ ᱥᱚᱫᱚᱨ ᱟᱠᱟᱫᱟ ᱵᱟᱝᱢᱟ, ᱜᱽᱨᱮᱹᱴ ᱯᱞᱟᱥᱴᱤᱠ ᱨᱮᱭᱟᱝ ᱢᱟᱱᱫᱮᱨ ᱛᱮ ᱚᱠᱟ ᱯᱮᱨᱮᱡ ᱟᱠᱟᱱ, ᱟᱞᱮᱭᱟᱜ ᱜᱩᱱᱟᱹᱱ ᱞᱮᱠᱟ ᱛᱮ ᱯᱚᱱ ᱠᱷᱚᱱ ᱑᱖ ᱜᱩᱱ ᱵᱟᱹᱲᱛᱤ ᱛᱟᱦᱮᱸᱠᱟᱱᱟ।

ᱱᱚᱣᱟ ᱢᱮᱱᱮᱛ ᱫᱚ ᱠᱟᱱᱟ ᱡᱮ, ᱯᱞᱟᱥᱴᱤᱠᱠ ᱫᱟᱱᱫᱮᱨ ᱨᱮᱭᱟᱜ ᱪᱟᱨᱠᱷᱟ-ᱫᱚᱦᱲᱟ ᱥᱮ ᱨᱤᱥᱟᱭᱠᱤᱞᱤᱝ ᱟᱨ ᱚᱱᱟ ᱟᱨᱦᱚᱸ ᱪᱮᱫ ᱞᱮᱠᱟ ᱛᱮ ᱵᱮᱵᱷᱟᱨ ᱫᱚᱦᱲᱟᱜ-ᱟ, ᱚᱱᱟ ᱜᱮ ᱟᱹᱰᱤ ᱥᱮᱬᱟ ᱠᱟᱹᱢᱤ ᱦᱩᱭ ᱟᱠᱟᱱᱟ।

ᱥᱤᱧᱚᱛ ᱨᱮᱭᱟᱜ ᱢᱟᱫᱩᱨᱟᱭ [5] ᱱᱟᱝᱜᱽᱨᱟᱦᱟ ᱨᱮ ᱢᱮᱱᱟᱜ ᱛᱭᱟᱜᱽᱨᱟᱡᱽ ᱠᱚᱞᱮᱡᱽ ᱚᱯᱷ ᱤᱱᱡᱤᱱᱤᱭᱟᱨᱤᱝ ᱨᱮᱱ ᱯᱨᱚᱯᱷᱮᱥᱟᱨ ᱨᱟᱡᱽ ᱜᱚᱯᱟᱞᱟᱱ ᱵᱟᱥᱩᱫᱮᱵᱟᱱ ᱫᱚ ᱜᱚᱴᱟ ᱫᱤᱥᱚᱢ ᱨᱮ ᱯᱞᱟᱥᱴᱤᱠ ᱫᱟᱱᱫᱮᱨ ᱠᱚ ᱵᱟᱹᱲᱛᱤ ᱤᱫᱤᱜ ᱠᱟᱱ ᱢᱩᱦᱤᱢ ᱠᱚ ᱧᱮᱞ ᱠᱟᱛᱮ, ᱱᱚᱝᱠᱟᱱ ᱢᱤᱫᱴᱮᱱ ᱦᱚᱨᱟᱭ ᱛᱮᱭᱟᱨ ᱠᱮᱫᱟ, ᱚᱠᱟ ᱛᱮ ᱫᱚ ᱨᱤᱥᱟᱭᱠᱮᱞ ᱟᱠᱟᱫ ᱟᱨ ᱜᱮᱫ ᱟᱠᱟᱫ ᱯᱞᱟᱥᱴᱤᱠ ᱛᱮ ᱠᱮᱴᱮᱡ ᱰᱟᱦᱟᱨ ᱵᱮᱱᱟᱣᱚᱜ ।

ᱛᱤᱱ ᱨᱮ ᱤᱧ ᱠᱟᱹᱢᱤᱧ ᱮᱦᱚᱵ ᱠᱮᱫᱟ, ᱛᱚᱵᱮ ᱟᱫᱚᱢ ᱟᱢᱮᱨᱤᱠᱟᱱ ᱠᱚᱢᱯᱟᱱᱤ ᱠᱚ ᱫᱚ ᱱᱚᱣᱟ ᱨᱮᱭᱟᱜ ᱴᱮᱣᱟᱱ ᱠᱚ ᱵᱟᱰᱟᱭ ᱧᱟᱢ ᱠᱮᱫᱟ ᱟᱨ ᱤᱧ ᱟᱹᱰᱤ ᱟᱭᱢᱟ ᱠᱟᱹᱣᱰᱤ ᱠᱚ ᱥᱟᱢᱟᱝ ᱟᱫᱤᱧᱟ। ᱩᱱᱠᱩ ᱠᱚ ᱠᱷᱚᱡᱽ ᱠᱟᱱ ᱛᱟᱦᱮᱱᱟ ᱵᱟᱝᱢᱟ ᱚᱱᱟ ᱴᱮᱠᱱᱚᱞᱚᱡᱤ ᱩᱝᱠᱩᱧ ᱮᱢᱟᱠᱚ, ᱢᱮᱱ ᱠᱷᱟᱱ ᱤᱧ ᱢᱮᱱ ᱠᱮᱫᱟ ᱵᱟᱝ ᱜᱮ, ᱱᱚᱣᱟ ᱴᱮᱠᱱᱚᱞᱚᱡᱤ ᱫᱚ ᱤᱧ ᱟᱞᱮ ᱫᱤᱥᱚᱢ ᱢᱚᱥᱛᱮ ᱛᱮ ᱮᱢ ᱨᱮᱭᱟᱜ ᱢᱚᱱᱮ ᱢᱮᱱᱟᱜ ᱛᱤᱧᱟ।

ᱱᱤᱛ ᱦᱟᱹᱵᱤᱡ, ᱥᱤᱧᱚᱛ ᱨᱮ ᱜᱮᱥᱟᱭ ᱠᱤᱞᱚ ᱢᱤᱴᱟᱨ ᱨᱟᱡᱽ ᱰᱟᱦᱟᱨ ᱩᱱᱤᱭᱟᱜ ᱰᱩᱱᱰᱦᱟᱹᱣ ᱴᱮᱠᱱᱤᱠ ᱛᱮ ᱵᱮᱱᱟᱣ ᱟᱠᱟᱱᱟ, ᱚᱠᱟ ᱦᱚᱨᱟ ᱫᱚ ᱯᱞᱟᱥᱴᱤᱠ ᱢᱟᱱᱫᱤ ᱨᱮᱭᱟᱜ ᱞᱮᱠᱷᱟ ᱠᱚᱢ ᱫᱟᱲᱮᱭᱟᱜ ᱠᱟᱱ, ᱟᱨᱵᱟᱝ ᱠᱷᱟᱱ ᱦᱚᱭ ᱦᱤᱥᱤᱫ ᱨᱮ ᱢᱩᱦᱤᱢᱮ ᱟᱹᱜᱩᱭᱟ।

ᱥᱤᱧᱚᱛ ᱨᱮ ᱔᱑ ᱞᱟᱠᱷ (᱔ᱹ᱑ ᱢᱤᱞᱤᱭᱚᱱ) ᱠᱤᱞᱚ ᱢᱤᱴᱟᱨ ᱡᱮᱞᱮᱧ ᱰᱟᱦᱟᱨ ᱢᱮᱱᱟᱜ-ᱟ, ᱚᱠᱟ ᱨᱮ ᱫᱚ ᱱᱚᱣᱟ ᱴᱮᱠᱱᱤᱠ ᱵᱮᱵᱷᱟᱨ ᱠᱟᱛᱮ ᱑ ᱞᱟᱠᱷ ᱠᱤᱞᱚ ᱢᱤᱴᱟᱨ ᱰᱟᱦᱟᱨ ᱯᱤᱪ ᱟᱠᱟᱱ। ᱱᱚᱣᱟ ᱴᱮᱠᱱᱤᱠ ᱮᱴᱟᱜ ᱰᱟᱦᱟᱨ ᱯᱤᱪ ᱞᱟᱹᱜᱤᱫ ᱦᱚᱸ ᱩᱫᱽᱜᱟᱹᱣᱱᱟᱜ ᱦᱩᱭ ᱫᱟᱲᱮᱭᱟᱜ-ᱟ।

ᱱᱚᱣᱟ ᱵᱷᱤᱰᱤᱭᱳ ᱫᱚ ᱵᱩᱰᱟᱯᱳᱥᱴ, ᱚᱠᱚᱭ ᱫᱚ ᱦᱟᱝᱜᱽᱨᱤ ᱨᱮᱱ ᱯᱷᱤᱞᱢ ᱵᱮᱱᱟᱣᱤᱡ ᱥᱮᱴᱷᱮ [6] ᱵᱮᱱᱟᱣ ᱟᱨᱮ ᱥᱟᱥᱟᱯᱲᱟᱣ ᱟᱠᱟᱫᱟ।