ᱨᱟᱭᱡᱤᱝ ᱵᱷᱳᱭᱥᱮᱥ ᱟᱠᱴᱤᱵᱷᱤᱡᱤᱢᱳ ᱞᱮᱸᱜᱩᱣᱟᱥ ᱠᱟᱹᱢᱤᱦᱚᱨᱟ ᱡᱮ ᱡᱟᱹᱛᱤᱭᱟᱹᱨᱤ ᱟᱭᱚ ᱯᱟᱹᱨᱥᱤ ᱥᱤᱨᱯᱟᱹᱭ ᱧᱟᱢ ᱠᱮᱫᱼᱟ
ᱯᱷᱮᱵᱽᱨᱩᱣᱟᱨᱤ ᱒᱑, ᱒᱐᱒᱑ ᱦᱩᱤᱞᱚᱜ ᱰᱷᱟᱠᱟ ᱵᱟᱝᱞᱟ ᱫᱤᱥᱚᱢ ᱨᱮ ᱥᱟᱯᱲᱟᱣ ᱞᱮᱱ ᱡᱮᱼᱡᱟᱹᱛᱤᱭᱟᱹᱨᱤ ᱟᱭᱚ ᱯᱟᱹᱨᱥᱤ ᱢᱟᱦᱟᱸᱨᱮ ᱵᱟᱥᱟᱦᱮᱫᱩᱞ ᱠᱷᱚᱵᱤᱨ ᱪᱚᱣᱫᱷᱩᱨᱤ ᱦᱟᱜ ᱫᱤᱥᱣᱟᱹ ᱵᱷᱤᱰᱤᱭᱳ ᱨᱮᱱᱟᱜ ᱢᱤᱫ ᱥᱠᱨᱤᱱ ᱥᱚᱴ ᱾
ᱵᱟᱝᱞᱟᱫᱤᱥᱚᱢ ᱨᱮᱱᱟᱜ ᱤᱱᱴᱮᱨᱱᱚᱥᱱᱟᱞ ᱢᱚᱫᱚᱨ ᱴᱚᱝ ᱤᱱᱥᱴᱤᱪᱩᱴ ᱯᱟᱦᱴᱟ ᱠᱷᱚᱱ ᱨᱟᱭᱡᱤᱝ ᱵᱷᱳᱭᱥᱮᱥ ᱟᱜ ᱟᱠᱴᱤᱵᱷᱤᱡᱢᱳ ᱞᱮᱸᱜᱩᱣᱟᱥ ( ᱯᱟᱹᱨᱥᱤ ᱰᱤᱡᱤᱴᱟᱞ ᱦᱩᱞ) ᱠᱟᱹᱢᱤᱦᱚᱨᱟ ᱥᱟᱶ ᱟᱹᱫᱤᱢ ᱠᱚᱣᱟᱜ ᱯᱟᱹᱨᱥᱤ ᱠᱚ ᱫᱩᱜ ᱵᱟᱧᱪᱟᱣ, ᱪᱷᱟᱨᱟᱣ, ᱟᱨ ᱡᱤᱣᱤᱫ ᱨᱩᱣᱟᱹᱲ ᱠᱟᱹᱢᱤᱦᱚᱨᱟ ᱠᱷᱟᱹᱛᱤᱨ ᱢᱟᱱᱚᱛᱼᱟᱱ ᱡᱮᱼᱡᱟᱹᱛᱤᱭᱟᱹᱨᱤ ᱟᱭᱚ ᱯᱟᱹᱨᱥᱤ ᱥᱤᱨᱯᱟᱹ ᱒᱐᱒᱑ ᱮ ᱪᱟᱞ ᱟᱠᱟᱫᱮᱭᱟ ᱾
᱒᱑ ᱯᱷᱮᱵᱽᱨᱩᱣᱟᱨᱤ ᱒᱐᱒᱑ ᱦᱤᱞᱚᱜ ᱵᱟᱝᱞᱟᱫᱤᱥᱚᱢ ᱨᱮᱱᱟᱜ ᱰᱷᱟᱠᱟᱨᱮ ᱥᱟᱯᱟᱲᱟᱣ ᱞᱮᱱ ᱢᱤᱫ ᱦᱩᱰᱤᱧ ᱟᱠᱷᱲᱟ ᱨᱮ ᱦᱚᱲ ᱫᱟᱨᱟᱭ ᱟᱹᱯᱱᱟᱹᱛ ᱫᱤᱥᱚᱢ ᱵᱟᱝᱞᱟᱫᱤᱥᱚᱢ ᱨᱤᱱᱤᱡ ᱢᱟᱨᱟᱝ ᱜᱳᱢᱠᱮᱭᱟᱹᱱᱤ ᱥᱮᱠ ᱦᱟᱥᱤᱱᱟ ᱟᱨ ᱟᱭᱤᱮᱢᱮᱞᱟᱭᱤ (IMLI) ᱨᱤᱱᱤᱡ ᱢᱩᱲᱩᱛ ᱯᱮᱴᱨᱳᱱ ᱥᱮᱴᱮᱨ ᱠᱤᱱ ᱛᱟᱦᱮᱸ ᱠᱟᱱᱟ ᱾
ᱱᱤᱭᱟᱹ ᱥᱮᱨᱢᱟ ᱯᱩᱭᱞᱩ ᱫᱷᱟᱣ IMLI ᱯᱩᱱ ᱦᱚᱲ ᱟᱨ ᱚᱱᱩᱥᱴᱷᱟᱱ , ᱵᱟᱱᱟᱨ ᱡᱟᱹᱛᱤᱭᱟᱹᱨᱤ ᱟᱨ ᱡᱮᱼᱡᱟᱹᱛᱤᱭᱟᱹᱨᱤ ᱟᱠᱚᱣᱟᱜ ᱯᱟᱹᱨᱥᱤ ᱨᱮᱱᱟᱜ ᱠᱟᱹᱢᱤᱦᱚᱨᱟ ᱠᱷᱟᱹᱛᱤᱨ ᱠᱚ ᱵᱟᱪᱷᱚᱱ ᱞᱮᱱᱟ ᱾ ᱑᱙᱙᱙ ᱥᱟᱞ ᱨᱮ ᱡᱮᱼᱡᱟᱹᱛᱤᱭᱟᱹᱨᱤ ᱟᱭᱚ ᱯᱟᱹᱨᱥᱤ ᱢᱟᱦᱟᱸ ᱪᱷᱟᱹᱴᱤᱭᱟᱹᱨ ᱮᱱ ᱛᱟᱭᱚᱢ, ᱩᱭᱦᱟᱹᱨᱧᱩᱢ ᱠᱷᱟᱹᱛᱤᱨ ᱵᱟᱨ ᱥᱮᱨᱢᱟ ᱯᱤᱪᱷᱤ ᱒᱑ ᱯᱷᱮᱵᱽᱨᱩᱣᱟᱨᱤ ᱦᱤᱞᱚᱜ ᱱᱚᱣᱟ ᱥᱤᱨᱯᱟᱹ ᱮᱢ ᱦᱩᱭᱩᱜ ᱠᱟᱱᱟ ᱾ “ᱟᱭᱚ ᱯᱟᱹᱨᱥᱤ ᱡᱤᱣᱤᱫ ᱨᱩᱣᱟᱹᱲ, ᱵᱟᱧᱪᱟᱣ ᱟᱨ ᱨᱟᱠᱷᱟ ᱫᱚᱦᱚ ᱦᱩᱫᱤᱥ ᱛᱮ ᱰᱤᱡᱤᱴᱟᱞ ᱴᱮᱠᱱᱳᱞᱳᱡᱤ ᱨᱮ ᱱᱟᱶᱟ ᱩᱭᱦᱟᱹᱨ ᱨᱮᱱᱟᱜ ᱟᱥᱚᱠᱟᱭ ᱮᱱᱮᱢ” ᱪᱮᱛᱟᱱ ᱨᱮ ᱱᱚᱣᱟ ᱥᱤᱨᱯᱟᱹ ᱮᱢᱚᱜ ᱠᱟᱱᱟ ᱾
ᱚᱣᱟᱠᱥᱟ,ᱢᱮᱠᱥᱤᱠᱳ ᱨᱮ ᱟᱹᱫᱤᱢ ᱯᱟᱹᱨᱥᱤ ᱰᱤᱡᱤᱴᱟᱞ ᱦᱩᱞ ᱯᱩᱭᱞᱭ ᱡᱟᱣᱨᱟ ᱥᱟᱯᱲᱟᱣ ᱞᱮᱱᱟ ᱡᱟᱦᱟᱸᱨᱮ ᱨᱟᱭᱡᱤᱝ ᱵᱷᱳᱭᱮᱥᱮᱥ ᱦᱚᱸ ᱡᱚᱲ ᱥᱟᱯᱲᱟᱣᱤᱡ ᱮ ᱛᱟᱦᱮᱸ ᱠᱟᱱᱟ ᱾ ᱨᱟᱭᱡᱤᱝ ᱵᱷᱳᱭᱥᱮᱥ ᱟᱨ ᱜᱞᱳᱵᱟᱞ ᱵᱷᱳᱭᱥᱮᱥ ᱟᱣᱴᱨᱤᱪ ᱟᱨ ᱰᱤᱡᱤᱴᱟᱞ ᱥᱮᱞᱮᱫ ᱵᱷᱟᱜᱽ ᱢᱮᱥᱟ ᱠᱟᱛᱮᱫ ᱒᱐᱑᱔ ᱥᱟᱞ ᱨᱮ ᱞᱟᱴᱤᱱᱼᱟᱢᱮᱨᱤᱠ ᱡᱚᱥ ᱟᱛᱮ ᱟᱠᱴᱤᱵᱷᱤᱡᱢᱳ ᱞᱮᱸᱜᱩᱣᱟᱥ ᱠᱟᱹᱢᱤᱦᱚᱨᱟ ᱠᱚ ᱮᱛᱚᱦᱚᱵ ᱞᱮᱫᱼᱟ ᱾ ᱚᱱᱟ ᱯᱩᱭᱞᱩ ᱫᱩᱯᱩᱲᱩᱵ ᱛᱟᱭᱚᱢ ᱪᱮᱫᱚᱜ ᱟᱨ ᱮᱯᱮᱢ ᱡᱚᱥ ᱫᱚᱦᱚ ᱟᱛᱮᱫ ᱚᱱᱠᱟᱱᱟᱜ ᱫᱩᱯᱩᱲᱩᱵ ᱠᱳᱞᱳᱢᱵᱤᱭᱟ, ᱯᱮᱨᱩ, ᱵᱳᱞᱤᱵᱷᱤᱭᱟ, ᱤᱠᱣᱮᱰᱚᱨ, ᱜᱩᱣᱟᱛᱮᱢᱮᱞᱟ ᱟᱨ ᱪᱤᱞᱤ ᱨᱮ ᱫᱩᱯᱩᱲᱩᱵ ᱥᱟᱯᱲᱟᱣ ᱞᱮᱱᱟ ᱾
ᱱᱚᱣᱟ ᱠᱟᱹᱢᱤᱦᱚᱨᱟ ᱠᱚ ᱪᱷᱟᱰᱟ ᱟᱛᱮᱫ ᱨᱟᱭᱡᱤᱝ ᱵᱷᱚᱭᱮᱥᱮᱥ ᱯᱩᱱᱭᱟᱹ ᱫᱤᱥᱚᱢ ᱨᱮ ᱦᱩᱰᱤᱧ ᱫᱷᱟᱨᱟ ᱰᱤᱡᱤᱴᱟᱞ ᱟᱠᱴᱤᱵᱷᱡᱤᱢ ᱯᱨᱳᱡᱮᱠᱴ ᱨᱮ ᱥᱚᱦᱚᱫ ᱮ ᱮᱢ ᱟᱠᱟᱫᱟ , ᱵᱟᱨᱭᱟ ᱯᱟᱨᱴᱤᱥᱤᱯᱮᱴᱚᱨᱤ ᱠᱚᱸᱫᱨᱚᱸᱫ ᱯᱨᱳᱡᱮᱠᱴ ᱮ ᱠᱚᱨᱟᱣ ᱟᱠᱟᱫᱟ, ᱰᱤᱡᱤᱴᱟᱞ ᱯᱨᱳᱡᱮᱠᱴ ᱨᱮᱱᱟᱜ ᱳᱱ ᱞᱟᱭᱚᱤᱱ ᱰᱟᱭᱨᱮᱠᱴᱳᱨᱤ ᱵᱮᱱᱟᱣ ᱟᱠᱟᱫᱟ, ᱟᱹᱫᱤᱢ ᱯᱥᱹᱨᱥᱤ ᱰᱤᱡᱤᱴᱟᱞ ᱦᱩᱞ ᱨᱮᱱᱟᱜ ᱢᱤᱫ ᱱᱮᱴᱣᱟᱨᱠ ᱮ ᱥᱟᱯᱲᱟ ᱞᱮᱫᱟ ᱚᱱᱟ ᱥᱟᱶ ᱱᱤᱛᱚᱜ @ᱟᱠᱴᱞᱮᱸᱜᱩᱣᱟᱥ ᱥᱳᱥᱤᱭᱟᱞ ᱢᱤᱰᱤᱭᱟ ᱠᱮᱢᱯᱮᱱ ᱠᱟᱹᱢᱤᱦᱚᱨᱟ ᱛᱚᱸᱜᱮ ᱟᱠᱟᱱᱟ ᱡᱟᱦᱟᱸ ᱨᱮ ᱟᱹᱫᱤᱢ ᱯᱟᱹᱨᱥᱤᱨᱤᱱ ᱦᱩᱞᱜᱟᱹᱨᱤᱭᱟᱹ ᱠᱚ ᱯᱟᱹᱨᱥᱤ ᱨᱟᱠᱷᱟ ᱫᱚᱦᱚ ᱞᱟᱹᱜᱤᱫ ᱴᱮᱠᱱᱳᱞᱳᱡᱤ ᱨᱮᱱᱟᱜ ᱵᱮᱵᱷᱟᱨ ᱤᱫᱤᱭᱟᱛᱮ ᱟᱠᱚᱣᱟᱜ ᱢᱚᱱᱚᱛ ᱠᱟ ᱞᱟᱹᱭ ᱥᱚᱫᱚᱨ ᱮᱫᱼᱟ ᱾
“ ᱞᱟᱴᱤᱱ ᱟᱢᱮᱨᱤᱠᱟ ᱨᱮ ᱯᱟᱹᱨᱥᱤ ᱠᱟᱹᱢᱤᱭᱟᱹ ᱡᱟᱦᱟᱸ ᱞᱮᱠᱟ ᱚᱨᱥᱚᱝ ᱠᱚ ᱵᱟᱹᱜᱤ ᱟᱠᱟᱫᱼᱟ ᱟᱨ ᱡᱟᱦᱟᱸ ᱞᱮᱠᱟ ᱫᱟᱲᱮ ᱠᱚ ᱥᱚᱫᱚᱨ ᱟᱠᱟᱫᱼᱟ ᱚᱱᱟ ᱨᱮᱱᱟᱜ ᱯᱟᱹᱛᱭᱟᱹᱣ ᱠᱟᱱᱟ ᱱᱚᱣᱟ ᱥᱤᱨᱯᱟᱹ”ᱼ ᱢᱮᱱᱛᱮᱫ ᱨᱟᱭᱡᱤᱝ ᱵᱚᱭᱥᱮᱥ ᱨᱤᱱᱤᱡ ᱫᱤᱥᱟᱹ ᱩᱫᱩᱜᱤᱡ ᱮᱰᱤ ᱟᱵᱷᱤᱞᱟᱭ ᱞᱟᱹᱭ ᱥᱚᱫᱚᱨ ᱞᱮᱫᱼᱟ ᱾
“ᱤᱱᱴᱚᱨᱱᱮᱴ ᱟᱨ ᱰᱤᱡᱤᱴᱟᱞ ᱴᱮᱠᱱᱳᱞᱚᱡᱤ ᱨᱮᱱᱟᱜ ᱫᱟᱲᱮ ᱵᱮᱵᱷᱟᱨ ᱟᱛᱮᱫ, ᱱᱩᱠᱩ ᱠᱟᱹᱢᱤᱭᱟᱹ ᱠᱚ ᱱᱟᱶᱟ ᱯᱤᱲᱦᱤ ᱨᱤᱱ ᱜᱟᱞᱚᱪᱤᱭᱟᱹ ᱠᱚ ᱠᱚ ᱢᱩᱦᱤᱛ ᱟᱨ ᱟᱠᱚᱣᱟᱜ ᱯᱟᱹᱨᱥᱤ ᱠᱚ ᱚᱱ ᱞᱟᱭᱤᱱ ᱨᱮ ᱵᱟᱹᱲᱛᱤ ᱴᱷᱟᱶᱚᱜ ᱞᱟᱹᱜᱤᱫ ᱱᱚᱣᱟ ᱥᱟᱢᱟᱱ ᱠᱚ ᱫᱟᱲᱮ ᱠᱚ ᱥᱚᱫᱚᱨ ᱮᱫᱟ ᱾ᱥᱟᱭ ᱥᱟᱭ ᱟᱹᱫᱤᱢ ᱯᱟᱹᱨᱥᱤ ᱠᱟᱹᱢᱤᱭᱟᱹ ᱟᱨ ᱟᱠᱚᱣᱟᱜ ᱥᱟᱶᱛᱟ ᱯᱟᱦᱴᱟ ᱠᱷᱚᱱ , ᱡᱟᱦᱟᱸᱭ ᱠᱚ ᱟᱠᱚ ᱟᱠᱚᱣᱟᱜ ᱡᱤᱞᱤᱧ ᱜᱮᱭᱟᱱ ᱟᱨ ᱩᱭᱦᱟᱹᱨ ᱠᱚ ᱦᱟᱹᱴᱤᱧ ᱟᱠᱟᱫᱼᱟ ᱟᱨ ᱱᱚᱣᱟ ᱦᱩᱞ ᱠᱚ ᱥᱟᱹᱨᱤ ᱚᱪᱚ ᱟᱠᱟᱫᱟ ᱩᱱᱠᱩ ᱯᱟᱦᱴᱟ ᱠᱷᱚᱱ ᱟᱞᱮ ᱱᱚᱣᱟ ᱥᱤᱨᱯᱟᱹ ᱞᱮ ᱟᱛᱟᱝ ᱮᱫᱟ ᱾ ᱟᱞᱮ ᱒᱐᱒᱒ ᱥᱟᱞ ᱨᱮ ᱡᱚᱠᱷᱚᱱ ᱟᱹᱫᱤᱢ ᱯᱟᱹᱨᱥᱤ ᱨᱮᱱᱟᱜ ᱡᱮᱼᱡᱟᱹᱛᱤᱭᱟᱹᱨᱤ ᱜᱮᱞᱟᱱᱟᱝ ᱥᱮᱨᱢᱟ ᱞᱮ ᱞᱮᱵᱮᱫ ᱵᱚᱞᱚᱱ ᱠᱟᱱᱟ ᱩᱱᱠᱩ ᱠᱚ ᱥᱚᱦᱚᱫ ᱛᱚᱸᱜᱮ ᱞᱟᱹᱜᱤᱫ ᱟᱞᱮ ᱛᱟᱺᱜᱤ ᱨᱮ ᱢᱮᱱᱟᱜ ᱞᱮᱫᱼᱟ ᱾”
᱒᱐᱒᱑ ᱨᱤᱱ ᱮᱴᱟᱜ ᱡᱤᱛᱠᱟᱹᱨᱤᱭᱟᱹ ᱠᱚᱫᱚᱠᱚ ᱦᱩᱭᱩᱜ ᱠᱟᱱᱟ ᱡᱚᱵᱨᱟᱝ ᱣᱮᱞᱯᱷᱮᱨ ᱟᱥᱚᱥᱤᱭᱮᱥᱚᱱ ᱵᱟᱝᱞᱟᱫᱮᱥ ᱨᱤᱱ ᱯᱨᱚᱯᱷᱮᱥᱚᱨ ᱢᱳᱦᱚᱢᱚᱫᱽ ᱨᱟᱯᱷᱤᱠᱩᱞ ᱤᱥᱞᱟᱢ ᱟᱨ ᱢᱚᱛᱷᱩᱨᱟ ᱵᱤᱠᱟᱥ ᱛᱨᱤᱯᱩᱨᱟ ᱾ ᱡᱮᱼᱡᱟᱹᱛᱤᱭᱟᱹᱨᱤ ᱥᱤᱨᱯᱟᱹ ᱟᱢᱮᱴᱤᱭᱟᱹ ᱦᱩᱭᱩᱜ ᱠᱟᱱᱟᱭ ᱤᱥᱞᱟᱭᱢᱳᱵᱷ ᱜᱩᱞᱳᱢ ᱢᱤᱨᱡᱟᱭᱵᱷᱤᱠ, ᱩᱡᱱᱮᱠ ᱯᱟᱹᱨᱥᱤ ᱨᱮ ᱮᱱᱮᱢ ᱠᱷᱟᱹᱛᱤᱨ ᱟᱡᱟᱜ ᱩᱯᱩᱨᱩᱢ ᱢᱮᱱᱟᱜᱼᱟ ᱾
This post is from Rising Voices, a Global Voices project that helps spread citizen media to places that don't normally have access to it. ᱡᱷᱚᱛᱚ ᱯᱳᱥᱴᱠᱚ
