ᱵᱤᱨᱩᱫᱷ ᱥᱚᱫᱚᱨ ᱚᱠᱛᱚᱨᱮ ᱫᱤᱥᱟ ᱨᱚᱵᱤ Mojo Story ᱛᱩᱞᱩᱡ ᱭᱩ ᱴᱭᱩᱵᱽ ᱠᱷᱚᱱ ᱥᱠᱨᱤᱱ ᱥᱚᱨᱴ ᱦᱟᱛᱟᱣ ᱟᱠᱟᱱᱟ

ᱫᱤᱞᱞᱤ ᱨᱮ ᱒᱒ ᱩᱢᱮᱨ ᱨᱤᱱᱤᱡ ᱥᱤᱧᱚᱛᱤᱭᱟᱹ ᱥᱟᱪᱟᱨᱦᱮ ᱠᱟᱹᱢᱤᱭᱟᱹ ᱫᱤᱥᱟ ᱨᱚᱵᱤ ᱢᱤᱫᱴᱟᱹᱝ ” ᱵᱤᱨᱩᱫᱷ ᱴᱩᱞᱠᱤᱴ” ᱨᱮ ᱟᱡᱟᱜ ᱟᱸᱡᱚᱢ ᱟᱠᱟᱱ ᱵᱷᱟᱹᱜᱤᱫᱟᱨ ᱠᱷᱟᱹᱛᱤᱨ ᱦᱩᱭ ᱟᱠᱟᱱ ᱜᱤᱨᱚᱯᱷᱛᱟᱨᱤ ᱤᱫᱤᱭᱟᱛᱮ ᱫᱩᱱᱤᱭᱟᱹ ᱡᱟᱠ ᱨᱮ ᱟᱹᱰᱤᱜᱟᱱ ᱜᱟᱞᱚᱪ ᱦᱩᱭᱩᱜ ᱠᱟᱱᱟ ᱾

ᱵᱮᱸᱜᱟᱞᱩᱨᱩ ᱨᱮ ᱢᱟᱶᱴ ᱠᱟᱨᱢᱮᱞ ᱠᱚᱞᱚᱡ ᱨᱤᱱᱤᱡ ᱯᱟᱹᱴᱷᱩᱣᱟᱹ ᱫᱤᱥᱟ , ᱥᱣᱮᱰᱤᱥ ᱠᱟᱹᱢᱤᱭᱟᱹ ᱜᱽᱨᱮᱴᱟ ᱛᱷᱩᱱᱵᱚᱨᱜᱽ ᱮᱛᱚᱦᱚᱵ ᱞᱮᱫ ᱥᱟᱪᱟᱨᱦᱮ ᱦᱩᱞ  “ᱯᱷᱨᱟᱭᱰᱮ ᱯᱷᱚᱨ ᱯᱷᱭᱩᱪᱚᱨ” ᱨᱮᱱᱟᱜ ᱥᱤᱧᱚᱛ ᱪᱟᱱᱜᱟ ᱨᱮᱱᱤᱡ ᱪᱟᱪᱞᱟᱣᱤᱭᱟᱹ ᱠᱟᱱᱟᱭ ᱾

᱑᱓ ᱯᱷᱮᱵᱽᱨᱩᱣᱟᱨᱤ ᱦᱤᱞᱚᱜ ᱢᱤᱫ ᱵᱷᱟᱭᱨᱟᱞ ᱚᱱᱞᱟᱭᱤᱱ ᱫᱚᱥᱛᱟᱵᱮᱡ ᱠᱷᱟᱹᱛᱤᱨ ᱠᱚ ᱜᱤᱨᱚᱯᱷ ᱞᱮᱫᱤᱮᱭᱟ , ᱡᱟᱦᱟᱸᱨᱮ ᱥᱤᱧᱚᱛ ᱫᱤᱥᱚᱢᱨᱮ ᱞᱟᱦᱟ ᱠᱷᱚᱱ ᱪᱟᱹᱞᱩᱦᱮᱡ ᱟᱠᱟᱱᱟ ᱪᱟᱹᱥᱤ ᱠᱚᱣᱟᱜ ᱵᱤᱨᱩᱫᱷ ᱥᱚᱫᱚᱨ ᱨᱮ ᱚᱠᱚᱭ ᱠᱚᱣᱟᱜ ᱜᱚᱲᱚ ᱥᱚᱦᱚᱫ ᱢᱮᱱᱟᱜ-ᱟᱨ ᱥᱚᱢᱵᱷᱚᱲ ᱠᱚ ᱪᱮᱫ ᱞᱮᱠᱟᱨᱮ ᱜᱚᱴᱟᱜ ᱠᱟᱱᱟ ᱚᱱᱟ ᱨᱮᱱᱟᱜ ᱛᱟᱹᱞᱠᱟᱹ ᱥᱟᱯᱲᱟᱣ ᱞᱮᱱᱟ ᱾ ᱟᱡ ᱪᱮᱛᱟᱱᱨᱮ ᱨᱟᱡᱽᱫᱨᱳᱦ ᱥᱟᱶ ᱠᱟᱹᱭ ᱨᱮᱱᱟᱜ ᱥᱟᱹᱡᱤᱥ ᱮᱢᱟᱱ ᱟᱨᱳᱯ ᱞᱟᱜᱟᱣ ᱟᱠᱟᱱᱟ ᱟᱨ ᱢᱚᱬᱮ ᱢᱟᱦᱟᱸ ᱡᱤᱦᱚᱞ ᱛᱮᱠᱚ ᱤᱫᱤ ᱠᱮᱫᱮᱭᱟ ᱾

ᱚᱠᱴᱳᱵᱚᱨ ᱒᱐᱒᱐ ᱨᱮ ᱟᱹᱰᱤᱜᱟᱱ ᱥᱤᱧᱚᱛ ᱨᱤᱱ ᱪᱟᱹᱥᱤ  ᱪᱟᱥ ᱥᱩᱥᱟᱹᱨ ᱩᱫᱟᱹᱨ ᱞᱟᱹᱜᱤᱫ ᱠᱚ ᱵᱤᱨᱩᱫᱷ ᱠᱮᱫ-ᱟ, ᱟᱨ ᱟᱸᱡᱚᱢ ᱟᱠᱟᱱᱟ ᱥᱚᱨᱠᱟᱨ ᱫᱚ ᱟᱠᱚ ᱥᱚᱦᱚᱫ ᱨᱮ ᱟᱬᱜᱚ ᱟᱠᱟᱱ ᱟᱹᱰᱤ ᱟᱭᱢᱟ ᱦᱚᱲ ᱪᱮᱛᱟᱱ ᱨᱮ ᱠᱟᱹᱢᱤ ᱦᱟᱛᱟᱣ ᱟᱠᱟᱫᱟᱭ ᱾ ᱢᱤᱫ ᱰᱚᱨᱡᱚᱱ ᱦᱚᱲ ᱮ ᱜᱤᱨᱚᱯᱷ ᱟᱠᱟᱫ ᱠᱚᱣᱟᱭ , ᱩᱱᱠᱩ ᱢᱩᱫ ᱨᱮ ᱛᱤᱱᱟᱹᱜ ᱦᱚᱲ ᱪᱮᱛᱟᱱ ᱨᱮ ᱫᱮᱥᱫᱨᱳᱦ ᱫᱚᱥ ᱞᱟᱜᱟᱣ ᱟᱠᱟᱱᱟ, ᱩᱱᱠᱩ ᱵᱷᱤᱛᱨᱤ ᱠᱷᱚᱱ ᱛᱤᱱᱟᱹᱜ ᱫᱚ ᱰᱚᱜᱚᱨᱤᱭᱟᱹ ᱦᱚᱸᱠᱚ ᱛᱟᱦᱮᱸ ᱠᱟᱱᱟ ᱾ ᱱᱤᱭᱟᱹ ᱪᱟᱱᱫᱚ ᱮᱛᱚᱦᱚᱵ ᱨᱮ ᱴᱣᱤᱴᱚᱨ ᱢᱤᱫ ᱱᱮᱦᱚᱨ ᱮ ᱱᱮᱦᱚᱨ ᱞᱮᱫᱮᱭᱟ ᱡᱮᱢᱚᱱ ᱒᱕᱐ ᱠᱷᱚᱱ ᱵᱟᱹᱲᱛᱤ ᱠᱷᱟᱛᱟ  ᱡᱟᱦᱟᱸ ᱚᱠᱛᱚ-ᱟᱱ ᱞᱟᱹᱜᱤᱫ ᱴᱷᱟᱠᱮᱫ ᱫᱚᱦᱚ ᱞᱮᱱᱟ ᱚᱱᱟᱠᱷᱚᱱ ᱟᱹᱰᱤᱜᱟᱱ ᱪᱟᱹᱥᱤ ᱠᱚ ᱜᱚᱲᱚ ᱤᱫᱤᱭᱟᱛᱮ ᱢᱮᱱᱟᱜ-ᱟ  ᱾

᱔ ᱯᱷᱮᱵᱽᱨᱩᱣᱟᱹᱨᱤ ᱦᱤᱞᱚᱜ ᱛᱷᱩᱱᱵᱚᱨᱜᱽ ᱟᱭᱢᱟ ᱡᱮᱡᱟᱹᱛᱤᱭᱟᱹᱨᱤ ᱜᱚᱢᱠᱮᱠᱚ ᱥᱟᱶ ᱥᱤᱧᱚᱛᱨᱤᱱ ᱪᱟᱹᱥᱤ ᱥᱚᱦᱚᱫ ᱛᱮ ᱢᱤᱫ ᱴᱣᱤᱴ ᱞᱮᱫᱟᱭ ᱚᱱᱟ ᱛᱟᱭᱚᱢ, ᱱᱩᱭ ᱥᱣᱤᱰᱤᱥ ᱠᱟᱹᱢᱤᱭᱟᱹ  ᱟᱸᱡᱚᱢ ᱟᱠᱟᱱ ”ᱵᱤᱨᱩᱫᱷ ᱴᱩᱞᱠᱤᱴ” ᱮ ᱦᱟᱹᱴᱤᱧ ᱞᱮᱫ-ᱟ (ᱤᱠᱷᱟᱹᱱ ᱟᱡᱟᱜ ᱢᱩᱲᱩᱛ ᱴᱣᱤᱴ ᱞᱟᱜᱮ ᱜᱮ ᱚᱪᱚᱜ ᱠᱮᱫ-ᱟ ᱠᱚ )᱾

ᱵᱟᱝ ᱧᱩᱛᱩᱢᱟᱱ ᱴᱩᱞᱠᱤᱴ ᱢᱤᱫᱴᱟᱝ ᱨᱟᱲᱟ ᱯᱟᱲᱦᱟᱣ ᱯᱷᱟᱭᱤᱞ ᱠᱟᱱᱟ ᱡᱟᱦᱟᱸᱨᱮ ᱪᱟᱹᱥᱤ ᱠᱚᱣᱟᱜ ᱦᱩᱞ ᱤᱰᱤᱭᱟᱛᱮ ᱵᱟᱰᱟᱭᱟᱱ ᱠᱟᱛᱷᱟ ᱢᱮᱱᱟᱜ-ᱟ ᱟᱨ ᱱᱚᱣᱟ ᱨᱮᱱᱟᱜ ᱥᱟᱯᱲᱟᱣ ᱟᱨ ᱜᱚᱲᱚ ᱞᱟᱹᱜᱤᱫ ᱠᱟᱛᱷᱟ ᱠᱚ ᱢᱮᱱᱟᱜ-ᱟ ᱾ ᱪᱮᱫ ᱨᱮᱱᱟᱜ ᱵᱤᱨᱩᱫᱷᱚᱜ ᱠᱟᱱᱟ ᱚᱱᱟ ᱠᱟᱛᱷᱟ ᱱᱚᱣᱟ ᱠᱟᱜᱚᱡᱽ ᱠᱷᱟᱴᱚᱛᱮ ᱞᱟᱹᱭ ᱮᱫ-ᱟ ᱾ ᱱᱚᱣᱟᱨᱮ ᱥᱟᱛᱟᱢ ᱥᱟᱶ ᱡᱚᱲᱟᱣ ᱢᱮᱱᱟᱜ ᱦᱮᱥᱴᱟᱜ ᱟᱨ ᱥᱤᱧᱚᱛᱨᱮᱱ ᱨᱟᱹᱡᱟᱹᱨᱤ ᱜᱚᱢᱠᱮ ᱠᱚᱣᱟᱜ ᱴᱣᱤᱴᱚᱨ ᱦᱮᱸᱰᱮᱞ ᱛᱟᱹᱞᱠᱟᱹ ᱟᱠᱟᱱᱟ, ᱟᱨ ᱟᱹᱨᱡᱤ ᱠᱚᱨᱮᱱᱟᱜ ᱞᱤᱸᱠ ᱢᱮᱱᱟᱜ-ᱟ ᱾ ᱫᱚᱥᱛᱟᱵᱮᱡ ᱨᱮ  ᱦᱤᱸᱥᱟ ᱨᱮᱱᱟᱜ ᱪᱮᱫ ᱦᱚᱱ ᱨᱚᱯᱚᱲ ᱱᱮᱣᱛᱟ ᱵᱟᱹᱱᱩ ᱟᱹᱱᱤᱡ ᱾

ᱛᱦᱩᱱᱵᱚᱨᱜᱟᱜ ᱴᱣᱤᱴ ᱛᱟᱭᱚᱢ , ᱫᱤᱞᱞᱤ ᱯᱩᱞᱤᱥ ᱫᱚᱥᱛᱟᱵᱮᱡ ᱡᱟᱸᱪ ᱞᱟᱹᱜᱤᱰ ᱮᱯᱷᱟᱭᱟᱨ ᱮ ᱮᱢ ᱞᱮᱫ-ᱟ ᱾ ᱫᱚᱥᱟᱨ ᱦᱤᱞᱚᱜ , ᱫᱤᱞᱞᱤ ᱨᱮ “ᱡᱮᱡᱟᱹᱛᱤᱭᱟᱹᱨᱤ ᱦᱚᱥᱛᱚᱠᱷᱮᱯ”  ᱵᱤᱨᱩᱫᱷᱨᱮ ᱵᱮᱱᱚᱨ ᱞᱟᱜᱟᱣᱟᱱ ᱫᱚᱲ ᱠᱚ ᱧᱮᱞ ᱮᱱᱟ, ᱪᱟᱹᱨᱤᱠᱚᱣᱟᱜ ᱵᱤᱨᱩᱫᱷ ᱵᱟᱨᱮᱛᱮ ᱴᱣᱤᱴ ᱞᱮᱫ ᱛᱷᱩᱱᱵᱚᱨᱜᱽ ᱟᱨ ᱨᱤᱦᱟᱱᱟ ᱦᱟᱜ ᱪᱤᱛᱟᱹᱨ ᱠᱚ ᱫᱚᱦᱚᱱ ᱞᱮᱫ-ᱟ ᱾

ᱚᱱᱟ ᱦᱟᱯᱛᱟ, ᱯᱩᱞᱤᱥ  ᱱᱚᱣᱟ ᱢᱮᱱ ᱠᱟᱛᱮ ᱫᱤᱥᱟ ᱨᱚᱵᱤ ᱫᱚᱥ ᱞᱟᱜᱟᱣ ᱟᱫᱮᱭᱟᱭ ᱡᱮ ᱫᱤᱥᱟ ᱨᱚᱵᱤ ᱫᱚᱥᱛᱟᱵᱮᱡ ᱨᱤᱱ ᱟᱱᱚᱞᱤᱭᱟᱹᱠᱚ ᱢᱩᱫ ᱨᱮ ᱢᱤᱫᱴᱟᱝ ᱚᱱᱚᱞᱤᱭᱟᱹ ᱠᱟᱱᱟᱭ , ᱟᱨ ᱱᱩᱭ ᱡᱩᱣᱟᱹᱱ ᱠᱟᱹᱢᱤᱭᱟᱹ ᱱᱚᱣᱟ ᱫᱚᱥᱛᱟᱵᱮᱡ ᱨᱮ ᱜᱚᱲᱚ ᱞᱟᱹᱜᱤᱰ ᱢᱤᱰ ᱣᱟᱴᱥᱟᱯ ᱜᱟᱰᱮᱞ ᱮ ᱵᱮᱨᱮᱫ ᱞᱮᱫ-ᱟ , ᱟᱨ ᱚᱱᱟ ᱛᱷᱩᱱᱵᱚᱨᱜᱽ ᱥᱟᱶ ᱚᱱᱟ ᱠᱚ ᱦᱟᱹᱴᱤᱧ ᱞᱮᱫ-ᱟ ᱾ ᱵᱩᱫᱷᱵᱟᱨ ᱦᱤᱞᱚᱜ, ᱚᱫᱟᱞᱚᱛᱨᱮ , ᱫᱤᱥᱟ ᱥᱟᱱᱟᱢ ᱫᱚᱥ ᱮ ᱢᱟᱱᱟ ᱞᱮᱫ-ᱟ ᱤᱠᱷᱟᱹᱱ ᱱᱚᱣᱟᱨ ᱢᱟᱱᱟᱣ ᱮᱱᱟ ᱡᱮ ᱫᱚᱥᱛᱟᱵᱮᱡ ᱨᱮᱱᱟᱜ ᱵᱟᱨᱭᱟ ᱛᱷᱟᱨ ᱟᱡ ᱮ ᱥᱟᱯᱲᱟᱣ ᱞᱮᱫ-ᱟ ᱾

᱕᱐ ᱠᱷᱚᱱ ᱵᱟᱹᱲᱛᱤ  ᱥᱤᱠᱷᱱᱟᱹᱛᱤᱭᱟᱹ , ᱨᱩᱥᱤᱠᱟ ᱵᱟᱰᱚᱦᱤ ᱟᱨ ᱠᱟᱹᱢᱤᱭᱟᱹ ᱠᱚ ᱥᱟᱶᱛᱮ ᱠᱟᱛᱷᱟ ᱠᱚ ᱥᱚᱫᱚᱨ ᱠᱮᱫ-ᱟ  ᱡᱮ ᱨᱚᱵᱤ ᱫᱤᱥᱟᱹ ᱦᱟᱜ ᱜᱤᱨᱚᱯᱷ ” ᱟᱹᱲᱤᱥᱚᱪᱚᱣᱟᱱ,” “ᱵᱮᱱᱤᱭᱚᱢ,” “ᱟᱨ ᱥᱚᱨᱠᱟᱨ ᱟᱹᱰᱤ ᱵᱟᱹᱲᱛᱤ ᱠᱟᱹᱢᱤᱦᱚᱨᱟ” ᱠᱟᱱᱟ ᱾ ᱢᱩᱪᱟᱹᱫ ᱦᱟᱯᱛᱟ ᱛᱮ ᱴᱣᱤᱴᱚᱨ ᱨᱮ  #IndiabeingSilenced ᱴᱨᱮᱸᱰᱽ ᱮᱫᱟᱭᱟ ᱾

ᱫᱚ ᱣᱮᱭᱟᱨ ᱨᱤᱱᱤᱡ  ᱥᱟᱯᱲᱮᱫᱤᱭᱟᱹ ᱥᱤᱫᱟᱨᱛᱷ ᱵᱚᱨᱫᱚᱨᱟᱡᱚᱱ ᱞᱮᱠᱟᱱ ᱟᱭᱢᱟ ᱦᱚᱲ ᱯᱩᱞᱤᱥ-ᱟᱜ ᱵᱟᱨᱮᱛᱮ ᱨᱚᱲ ᱞᱟᱹᱜᱤᱰ ᱥᱚᱥᱤᱭᱟᱞ ᱢᱤᱰᱤᱭᱟ ᱨᱮᱱᱟᱜ ᱥᱟᱦᱟᱨᱟ ᱠᱚ ᱤᱫᱤ ᱟᱠᱟᱫ-ᱟ:

The @DelhiPolice chief should hang his head in shame for #DishaRavi‘s arrest, as should @DrSJaishankar & colleagues for contributing to hysteria over the toolkit. If these clever men see sedition in it, they aren't fit to hold public office in a democracy. https://t.co/507BEtzXpt

— Siddharth (@svaradarajan) February 15, 2021

@DelhiPolice ᱨᱤᱱᱤᱡ ᱢᱩᱠᱷᱤᱭᱟᱹ  # DishaRavi ᱜᱤᱨᱚᱯᱷ ᱠᱷᱟᱹᱛᱤᱨ ᱞᱟᱡᱟᱣᱛᱮ ᱵᱚᱦᱚᱜ ᱛᱤᱨᱩᱵᱚᱜ ᱠᱟᱛᱷᱟ, ᱟᱨ ᱱᱚᱣᱟ ᱠᱟᱹᱢᱤ @DrSJaishankar  ᱟᱨ ᱟᱡᱨᱮᱱ ᱥᱚᱦᱚᱫᱤᱭᱟᱹ ᱠᱚ  ᱴᱩᱞᱠᱤᱴ ᱤᱫᱤᱭᱟᱛᱮ ᱥᱤᱨᱡᱟᱹᱣ ᱟᱠᱟᱱ ᱨᱟᱹᱥᱠᱟᱹ ᱟᱨ ᱦᱚᱸ ᱞᱟᱦᱟ ᱞᱟᱹᱜᱤᱫ ᱠᱩᱨᱩᱢᱩᱴᱩ ᱞᱟᱹᱠᱛᱤ ᱠᱟᱱᱟ ᱾ ᱱᱩᱠᱩ ᱥᱮᱭᱟᱱ ᱦᱚᱲ ᱱᱚᱣᱟᱨᱮ ᱡᱩᱫᱤ  ᱫᱮᱥ ᱫᱽᱨᱳᱦ ᱠᱚ ᱧᱮᱞ ᱧᱟᱢ ᱮᱫ-ᱟ, ᱮᱱ ᱠᱷᱟᱱ  ᱦᱚᱲ ᱥᱟᱥᱮᱛ ᱨᱮ ᱟᱡ ᱚᱠᱟ ᱯᱚᱰᱽ ᱞᱟᱹᱜᱤᱫ ᱦᱚᱸ ᱟᱡ ᱫᱚ ᱵᱟᱭ ᱡᱩᱛ-ᱟ ᱾

ᱟᱨ ᱚᱱᱚᱞᱤᱭᱟᱹ ᱫᱟᱱᱤᱥ ᱦᱩᱥᱮᱱ ᱮ ᱢᱮᱱ ᱟᱠᱟᱫ-ᱟ:

Editing a google doc in support of farmers is an act of sedition in this country now. #LongLiveDemocracy #DishaRavi

— Danish Husain । دانش حُسین । दानिश हुसैन (@DanHusain) February 15, 2021

ᱱᱤᱛᱚᱜ ᱱᱚᱣᱟ ᱫᱤᱥᱚᱢᱨᱮ ᱪᱟᱹᱨᱤᱠᱚᱣᱟᱜ ᱜᱚᱲᱚ ᱞᱟᱹᱜᱤᱫ ᱜᱩᱜᱩᱞ ᱰᱚᱠᱥ ᱥᱟᱯᱲᱟᱣ ᱦᱚᱸ ᱫᱮᱥ-ᱫᱽᱨᱳᱦ ᱠᱟᱹᱢᱤ ᱠᱟᱱᱟ ᱾

ᱥᱤᱧᱚᱛ-ᱠᱟᱱᱟᱰᱤᱭᱟᱱ ᱚᱱᱦᱚᱬᱤᱭᱟᱹ ᱨᱩᱯᱤ ᱠᱚᱣᱨ ᱮ ᱢᱮᱱ ᱠᱮᱫ-ᱟ:

disha ravi, a 21-year-old climate activist, has been arrested by delhi police for sharing a toolkit @GretaThunberg posted in support of the #farmersprotest.

disha’s arrest is alarming and the world needs to pay attention. #freedisharavihttps://t.co/IYGsLpNjwZ

— rupi kaur (@rupikaur_) February 14, 2021

 @GretaThunberg  ᱥᱟᱶ ᱢᱤᱫ ᱴᱩᱞᱠᱤᱴ ᱦᱟᱹᱴᱤᱧ ᱠᱷᱟᱹᱛᱤᱨ  ᱢᱤᱫ ᱒᱑ ᱩᱢᱮᱨ ᱨᱤᱱᱤᱡ ᱥᱟᱪᱟᱨᱦᱮ ᱠᱟᱹᱢᱤᱭᱟᱹ , ᱫᱤᱥᱟ ᱨᱚᱵᱤ ᱫᱤᱞᱞᱤ ᱯᱩᱞᱤᱥ ᱮ ᱜᱤᱨᱚᱯᱷ ᱟᱠᱟᱫᱮᱭᱟ , ᱡᱟᱦᱟᱸ ᱛᱟᱭᱚᱢ ᱛᱮ ᱜᱽᱨᱮᱴᱟ #farmersprotest ᱨᱮ ᱥᱚᱦᱚᱫ ᱞᱮᱠᱟᱛᱮ ᱯᱚᱥᱴ ᱞᱮᱫᱟᱭ ᱾

ᱫᱤᱥᱟ ᱦᱟᱜ ᱜᱤᱨᱯᱷᱛᱟᱨᱤ ᱪᱤᱱᱛᱟᱨᱮᱱᱟᱜ ᱠᱟᱛᱷᱟ ᱠᱟᱱᱟ ᱟᱨ ᱫᱩᱱᱤᱭᱟᱹ ᱱᱚᱣᱟ ᱤᱫᱤᱭᱟᱛᱮ ᱫᱷᱮᱭᱟᱱ ᱮᱢ ᱞᱟᱹᱠᱛᱤ ᱠᱟᱱᱟ ᱾

ᱵᱤᱨᱩᱫᱷᱤ ᱫᱚᱲ ᱨᱤᱱ ᱨᱟᱡᱽᱱᱮᱛᱟ ᱠᱚᱦᱚᱸ ᱪᱤᱸᱛᱟ ᱠᱚ ᱥᱚᱰᱚᱨ ᱟᱠᱟᱫ-ᱟ, ᱡᱟᱦᱟᱸ ᱞᱮᱠᱟ ᱫᱤᱞᱞᱤ ᱥᱤᱨᱟᱹ ᱢᱚᱱᱛᱨᱤ ᱟᱨ ᱟᱢ ᱟᱫᱢᱤ ᱯᱟᱨᱴᱤ ᱨᱤᱱᱤᱡ ᱡᱟᱹᱛᱤᱭᱟᱹᱨᱤ ᱥᱟᱹᱦᱤᱡᱩᱦᱤᱣᱤᱡ , ᱚᱨᱚᱵᱤᱸᱫ ᱠᱮᱡᱨᱤᱣᱟᱞ ᱮ ᱢᱮᱱ ᱟᱠᱟᱫ-ᱟ:

Arrest of 21 yr old Disha Ravi is an unprecedented attack on Democracy. Supporting our farmers is not a crime.

— Arvind Kejriwal (@ArvindKejriwal) February 15, 2021

᱒᱑ ᱥᱟᱞ ᱩᱢᱮᱨ ᱫᱤᱥᱟ ᱨᱚᱵᱤ ᱜᱤᱨᱚᱯᱛᱟᱨᱤ ᱫᱚ ᱦᱚᱲ ᱥᱟᱥᱚᱱ ᱪᱮᱛᱟᱱ ᱟᱹᱰᱤ ᱥᱟᱞᱟᱥ ᱦᱟᱢᱞᱟ ᱠᱟᱱᱟ ᱾ ᱟᱵᱚᱨᱤᱱ ᱪᱟᱹᱥᱤᱠᱚ ᱥᱚᱦᱚᱰ ᱮᱢ ᱪᱮᱫ ᱦᱚᱸ ᱵᱟᱹᱲᱤᱡ ᱰᱚ ᱵᱟᱝ ᱠᱟᱱᱟ ᱾

ᱟᱹᱰᱤᱜᱟᱱ ᱥᱚᱨᱠᱟᱨ-ᱟ ᱥᱚᱯᱚᱦᱚᱫ ᱠᱚ ᱯᱩᱞᱤᱥ-ᱟ ᱠᱟᱹᱢᱤ ᱠᱚ ᱥᱟᱨᱦᱟᱣ ᱠᱮᱫ-ᱟ ᱾ ᱦᱚᱨᱤᱭᱟᱬᱟ ᱨᱤᱱᱤᱡ ᱵᱷᱟᱡᱯᱟ ᱥᱟᱸᱥᱚᱫ ᱚᱱᱤᱞ ᱵᱤᱡᱽ ᱮ ᱴᱣᱤᱴ ᱞᱮᱫ-ᱟ ” ᱨᱟᱥᱴᱨᱚᱵᱟᱰᱽ ᱨᱮᱱᱟᱜ ᱡᱟᱝ ᱹᱹᱹ ᱵᱟᱹᱲᱤᱡ ᱠᱟᱜ ᱞᱟᱹᱠᱛᱤ ᱠᱟᱱᱟᱹᱹᱹᱹᱹᱹ ᱫᱤᱥᱟ ᱨᱚᱵᱤ ᱦᱩᱭᱮᱱ ᱟᱨ ᱵᱟᱝ ᱡᱟᱦᱟᱸᱭ ᱾”  ᱯᱩᱭᱞᱩᱛᱮ ᱴᱣᱤᱴᱚᱨ ᱱᱚᱣᱟ ᱤᱬᱤᱡ ᱞᱮᱫ-ᱟ ᱚᱱᱟ ᱛᱟᱭᱚᱢ  ᱱᱚᱣᱟᱨᱮ ᱵᱷᱤᱲᱠᱟᱹᱣ ᱵᱷᱟᱥᱚᱬ ᱨᱮᱱᱟᱜ ᱪᱮᱫ ᱱᱤᱭᱚᱢ ᱵᱟᱭ ᱨᱟᱹᱯᱩᱰ ᱮᱫ-ᱟ ᱚᱱᱟ ᱢᱮᱱ ᱠᱟᱛᱮᱫ ᱮ ᱞᱟᱜᱟᱣ ᱨᱩᱣᱟᱹᱲ ᱠᱮᱫ-ᱟ ᱾

ᱱᱚᱣᱟ ᱛᱟᱞᱟᱨᱮ, ᱠᱟᱹᱢᱤᱭᱟᱹ-ᱩᱠᱤᱞ ᱱᱤᱠᱤᱛᱟ ᱡᱮᱠᱚᱵ ᱵᱤᱨᱩᱫᱷᱨᱮ ᱑᱕ ᱯᱷᱮᱵᱽᱨᱩᱣᱟᱨᱤ ᱦᱤᱞᱚᱜ ᱢᱤᱫ ᱵᱟᱝ-ᱡᱟᱹᱢᱤᱱᱚᱜ ᱣᱟᱨᱮᱸᱴ ᱡᱟᱹᱨᱤ ᱮᱱᱟ , ᱡᱟᱦᱟᱸᱨᱮ “ᱴᱩᱞᱠᱤᱴ” ᱨᱮᱱᱟᱜ ᱵᱮᱱᱟᱣ ᱟᱨ ᱦᱟᱹᱴᱤᱧ ᱨᱮ ᱟᱡᱟᱜ ᱥᱮᱞᱮᱫ ᱨᱮᱱᱟᱜ ᱫᱚᱥ ᱟᱡ ᱪᱮᱛᱟᱱᱨᱮ ᱞᱟᱜᱟᱣ ᱞᱮᱱᱟ ᱾