- Global Voices ᱥᱟᱱᱛᱟᱲᱤᱛᱮ - https://sat.globalvoices.org -

ᱩᱰᱤᱭᱟ. ᱯᱟ.ᱨᱥᱤ ᱨᱮᱱᱟᱜ ᱩᱭᱠᱤᱥᱱᱟᱨᱤ ᱯᱨᱚᱠᱚᱞᱯᱚ ᱞᱟ.ᱜᱤᱫ ᱢᱤᱫᱴᱟᱹᱝ ᱱᱟᱶᱟ ᱳᱰᱤᱭᱚ ᱴᱩᱞ ᱟᱯᱞᱚᱰ ᱟᱠᱟᱱᱟ

ᱛᱷᱚᱠᱠᱚ: ᱥᱚᱨᱮᱥ ᱰᱚᱜᱚᱨ, ᱥᱟᱬᱮᱥ, ᱱᱟᱜᱟᱨᱤᱭᱟᱹ ᱢᱤᱰᱤᱭᱟ, Rising Voices

ᱤᱭᱩᱠᱚᱥᱱᱟ.ᱨᱤ ᱯᱨᱚᱠᱚᱞᱯᱚ ᱠᱚᱛᱷᱟᱵᱷᱤᱫᱷᱟᱱᱤ ᱟᱜ ᱞᱟ.ᱜᱤᱫ ᱚᱲᱟᱜ ᱨᱮ ᱨᱮᱠᱚᱰᱤᱝ ᱥᱮᱴᱟᱯ I ᱪᱤᱛᱟ.ᱨ  ᱥᱩᱵᱷᱟᱥᱤᱥ ᱯᱟᱱᱤᱜᱨᱟᱦᱤᱨ ᱟᱜ ᱛᱟᱞᱢᱟ ᱛᱮ ᱣᱤᱠᱤᱯᱤᱰᱤᱭᱟ ᱠᱚᱢᱚᱱᱥ ᱠᱷᱚᱱᱟᱜ ᱦᱟᱛᱟᱣ ᱟᱠᱟᱱᱟ I CC-BY – SA -4.0 I

ᱣᱤᱠᱤᱯᱤᱰᱤᱭᱟ ᱥᱟᱸᱜᱮ ᱯᱟᱹᱨᱥᱤ ᱯᱨᱚᱠᱚᱲᱯᱚ ᱨᱮᱱᱟᱜ ᱢᱤᱫ ᱪᱟᱸᱜᱟ  ᱫᱚ ᱣᱤᱠᱤᱥᱱᱟᱨᱤ ᱠᱟᱱᱟ ᱡᱟᱦᱟᱸ  ᱟᱹᱰᱤ  ᱡᱚᱢᱚᱠ ᱮ ᱠᱟ.ᱢᱤ ᱠᱟᱱᱟ ᱾ ᱟᱥᱚᱠᱟᱭ ᱛᱮ ᱟᱢᱟᱜ ᱡᱟᱱᱟᱢ ᱯᱟᱹᱨᱥᱤ ᱡᱩᱫᱤ ᱢᱩᱲᱩᱛ ᱰᱟᱦᱟᱨ ᱨᱮᱱᱟᱜ ᱢᱤᱫ ᱜᱟᱹᱠᱩᱲ ᱯᱟᱹᱨᱥᱤ [1] ᱵᱟᱝ ᱠᱟᱱᱟ ᱮᱱ ᱠᱷᱟᱱ ᱚᱱᱟᱨᱮ  ᱱᱤᱛ ᱫᱷᱟᱹᱵᱤᱡ  ᱢᱤᱫᱴᱟᱝ ᱟᱰᱤᱭᱳ ᱨᱮᱠᱚᱨᱰᱤᱝ ᱟᱸᱡᱚᱢ ᱞᱟᱹᱜᱤᱫ ᱟᱨ ᱵᱟᱝ ᱰᱟᱣᱱᱞᱳᱰᱽ ᱞᱟᱹᱜᱤᱫ  ᱚᱱᱠᱟ ᱚᱯᱮᱱ ᱥᱚᱨᱥ ᱵᱮᱵᱚᱥᱛᱟ ᱵᱟᱹᱱᱩ ᱟᱹᱱᱤᱡ ᱾ ᱞᱟᱦᱟ ᱠᱷᱚᱱ  ᱣᱤᱠᱤᱥᱱᱟᱨᱤ  ᱟᱭᱢᱟ ᱯᱟᱹᱨᱥᱤ ᱛᱮ ᱢᱮᱱᱟᱜ-ᱟ ᱟᱨ ᱚᱱᱟᱨᱮ ᱟᱹᱲᱟᱹ ᱠᱚᱨᱮᱱᱟᱜ ᱵᱤᱥᱲᱤ ᱥᱟᱶ ᱥᱟᱰᱮ ᱨᱮᱱᱟᱜ ᱪᱤᱱᱷᱟᱹ ᱟᱹᱰᱤ ᱠᱚᱢ ᱨᱮ ᱡᱮᱡᱟᱹᱛᱤᱭᱟᱹᱨᱤ ᱪᱤᱠᱤᱢᱟᱞᱟ ᱨᱮᱱᱟᱜ ᱢᱚᱦᱚᱨ ᱠᱚ ᱢᱮᱱᱟᱜ-ᱟ ᱾ ᱱᱤᱛᱤᱚᱜ ᱳᱰᱤᱭᱟ ᱣᱤᱠᱤᱥᱱᱟᱨᱤ [2] ᱨᱮ ᱮᱱᱮᱢᱤᱭᱟᱹ ᱠᱚ ᱠᱚᱣᱟᱜ ᱮᱱᱮᱢ ᱟᱞᱜᱟ ᱞᱟᱹᱜᱤᱫ ᱚᱰᱤᱭᱟ -ᱯᱟᱹᱨᱥᱤ ᱜᱩᱴ ᱜᱚᱲᱚᱭ ᱮᱢᱚᱜ ᱠᱟᱱᱟ ᱾ 

“ᱠᱚᱛᱷᱟᱚᱵᱤᱫᱷᱟᱱ” ᱫᱚ ᱜᱽᱞᱳᱵᱟᱞ ᱵᱷᱚᱭᱥᱮᱥ ᱨᱤᱱᱤᱡ ᱟᱨ ᱚᱰᱤᱭᱟ ᱣᱤᱠᱤᱯᱤᱰᱤᱭᱟᱱ ᱥᱩᱵᱷᱟᱥᱤᱥ ᱯᱟᱬᱤᱜᱽᱨᱟᱦᱤ [3] ᱟᱜ ᱫᱟᱨᱟᱭ ᱛᱮ ᱪᱟᱞᱟᱜ ᱠᱟᱱ ᱢᱤᱫ ᱠᱚᱢᱩᱱᱤᱴᱤ ᱯᱨᱚᱠᱚᱲᱯᱚ ᱠᱟᱱᱟ ᱡᱟᱦᱟᱸᱫᱚ ᱟᱹᱰᱤ ᱥᱟᱸᱜᱮ ᱟᱹᱲᱟᱹ ᱠᱚ ᱨᱮᱠᱚᱨᱰᱽ ᱨᱮᱱᱟᱜ ᱳᱯᱮᱱ ᱥᱳᱨᱥ ᱥᱚᱞᱦᱮ ᱠᱟᱱᱟ ᱾ ᱚᱱᱟ ᱛᱟᱭᱚᱢ ᱚᱱᱟ ᱠᱚ ᱯᱚᱞᱟᱛᱮ ᱟᱯᱞᱚᱰᱟᱭ, ᱚᱱᱟ ᱨᱮᱱᱟᱜ ᱚᱨᱡᱚ ᱛᱮ ᱣᱤᱠᱤᱥᱱᱟ.ᱨᱤ ᱞᱮᱠᱟᱱᱟᱜ ᱯᱨᱚᱠᱚᱞᱯᱚ ᱠᱚᱨᱮ ᱟᱲᱟᱝ ᱠᱚᱨᱮᱱᱟᱜ ᱵᱮᱵᱷᱟᱨ ᱜᱟᱱᱚᱜ-ᱟ ᱾

ᱳᱰᱤᱭᱟ [4]  ᱥᱤᱧᱚᱛ ᱨᱮᱱᱟᱜ ᱯᱚᱱᱚᱛ-ᱯᱟᱹᱨᱥᱤ ᱠᱚ ᱢᱩᱫ ᱨᱮ ᱢᱮᱱᱟᱜ ᱢᱤᱫ ᱤᱱᱰᱳ-ᱟᱨᱭᱚ ᱜᱩᱥᱴᱤ  ᱯᱟᱹᱨᱥᱤ ᱠᱟᱱᱟ ᱾ ᱦᱟᱨᱟ ᱦᱟᱨᱤ ᱥᱟᱢᱟᱝ ᱥᱤᱧᱚᱛᱨᱮ ᱔ ᱠᱳᱴᱤ ᱵᱟᱥᱟ ᱟᱠᱟᱱ ᱦᱚᱲ ᱱᱚᱣᱟ ᱯᱟᱹᱨᱥᱤ ᱡᱟᱱᱟᱢ ᱯᱟᱹᱨᱥᱤ ᱞᱮᱠᱟᱛᱮᱠᱚ ᱵᱮᱵᱷᱟᱨ ᱮᱫ-ᱟ ᱾ ᱕᱐᱐᱐ ᱥᱮᱨᱢᱟ [5] ᱜᱟᱱ ᱨᱮᱱᱟᱜ ᱥᱟᱶᱦᱮᱫ ᱥᱚᱥᱱᱚᱜ ᱥᱟᱶ ᱱᱚᱣᱟ ᱮᱛᱚᱢ ᱮᱥᱤᱭᱟ ᱨᱮᱱᱟᱜ ᱟᱹᱰᱤ ᱢᱟᱨᱮ ᱯᱟᱹᱨᱥᱤ ᱵᱷᱤᱛᱨᱤ ᱨᱮ ᱢᱤᱫᱴᱟᱝ ᱠᱟᱱᱟ  ᱟᱨ ᱥᱤᱧᱚᱛ ᱥᱚᱨᱠᱟᱨ ᱛᱩᱞᱩᱡ ᱦᱚᱸ ᱥᱟᱥᱛᱨᱤᱭᱚ ᱯᱟᱹᱨᱥᱤ [6]ᱨᱮᱱᱟᱜ ᱢᱟᱱᱚᱛ ᱮ ᱧᱟᱢ ᱟᱠᱟᱫ-ᱟ ᱾

ᱤᱠᱷᱟᱹᱱ ᱤᱭᱩᱱᱤᱠᱚᱰ ᱵᱮᱜᱚᱨ ᱴᱟᱭᱯᱤᱝ ᱦᱚᱨᱟ ᱚᱡᱮ ᱛᱮ ᱱᱚᱣᱟ ᱯᱟ.ᱨᱥᱤ ᱨᱮᱱᱟᱜ ᱚᱱᱞᱟᱭᱤᱱ ᱛᱟᱦᱮᱱ ᱴᱷᱟᱶ ᱱᱤᱛᱚᱜ ᱦᱚ ᱠᱚᱢ ᱜᱮᱭᱟ ᱾ ᱱᱚᱣᱟ ᱮᱴᱠᱮᱴᱚᱬᱮ ᱥᱚᱞᱦᱮ ᱥᱟᱶ ᱤᱩᱭᱱᱤᱠᱚᱰᱽ ᱵᱮᱜᱚᱨ ᱟᱹᱲᱹᱟᱹ ᱠᱚ ᱭᱩᱱᱤᱠᱚᱰᱽ ᱛᱮ ᱵᱚᱫᱚᱞ ᱞᱟᱹᱜᱤᱫ ᱱᱤᱛᱚᱜ ᱳᱰᱤᱭᱟ ᱣᱤᱠᱤᱯᱤᱰᱤᱭᱟ [7] ᱨᱮ  ᱟᱹᱭᱟᱹᱛ ᱮᱱᱠᱚᱰᱤᱝ ᱠᱚᱱᱵᱷᱚᱨᱴᱚᱨ [8] ᱫᱚᱦᱚ ᱟᱠᱟᱱᱟ ᱺ ᱱᱚᱣᱟᱨᱮ ᱱᱤᱛᱚ ᱑᱒,᱐᱐᱐ ᱠᱷᱚᱱ ᱵᱟᱹᱲᱛᱤ ᱟᱹᱲᱟᱹ ᱥᱮᱞᱮᱫ ᱟᱠᱟᱱᱟ ᱾ ᱛᱚᱵᱮ ᱤᱭᱩᱠᱚᱥᱱᱟ.ᱨᱤ ᱫᱚ ᱢᱤᱫ ᱩᱱᱢᱚᱠᱛᱚ ᱵᱮᱜᱚᱱᱚᱝ ᱚᱱᱞᱟᱭᱤᱱ ᱵᱷᱤᱛᱤᱠ ᱟᱨ ᱯᱩᱨᱟ.ᱯᱩᱨᱤ ᱵᱷᱟᱵᱛᱮ ᱚᱰᱤᱭᱟ ᱯᱟ.ᱨᱥᱤ ᱨᱮᱭᱟᱜ ᱫᱤᱥᱩᱣᱟᱹᱵᱷᱤᱲ ᱫᱟᱲᱮ  ᱛᱮᱭᱟᱨ ᱟᱠᱟᱱ ᱣᱤᱠᱤᱥᱱᱟᱨᱤ ᱠᱟᱱᱟ , ᱡᱟᱦᱟ ᱚᱱ ᱞᱟᱭᱤᱱ ᱵᱮᱵᱚᱥᱛᱟᱨᱮ ᱢᱮᱱᱟᱜ  ᱱᱤᱥᱩᱱ ᱴᱷᱟᱶ ᱯᱮᱨᱮᱡ ᱨᱮ ᱠᱩᱨᱩᱢᱩᱴᱩ ᱮᱫᱟᱭ ᱾ᱵᱟᱹᱲᱛᱤᱠᱟᱭᱛᱮ ᱱᱚᱣᱟ ᱯᱨᱚᱠᱚᱲᱯᱚ ᱫᱚ  ᱴᱤ ᱥᱨᱤᱱᱤᱵᱟᱥᱚᱱ [9] ᱵᱮᱱᱟᱣ ᱟᱠᱟᱫ ᱮᱴᱟᱜ ᱚᱯᱮᱱ ᱥᱚᱨᱥ ᱥᱚᱯᱴᱟᱣᱟᱨ ᱠᱷᱚᱱ [10]  ᱨᱟᱹᱥᱠᱟᱹᱭ ᱟᱢᱮᱛ ᱟᱠᱟᱫᱟ, ᱡᱟᱦᱟᱸᱭ ᱦᱚᱨᱟ ᱟᱞᱜᱟ ᱟᱨ ᱟᱡᱛᱮ ᱛᱚᱨᱟᱣ ᱞᱟᱹᱜᱤᱫ ᱯᱟᱭᱛᱷᱚᱱ ᱯᱨᱳᱜᱽᱨᱟᱢᱤᱝ ᱯᱟᱹᱨᱥᱤ ᱵᱮᱵᱷᱟᱨ ᱟᱠᱟᱰᱟᱭ ᱾ ᱩᱱᱤ ᱤᱭᱩᱴᱤᱭᱩᱵ ᱨᱮ ᱚᱚᱱᱟ ᱴᱤᱭᱩᱴᱳᱨᱤᱭᱟᱞ ᱯᱳᱚᱥᱴ ᱟᱠᱟᱫᱟ ᱾

 

 

ᱞᱟᱦᱟ ᱠᱷᱚᱱ ᱢᱮᱱᱟᱜ ᱦᱚᱨᱟ [11] ᱠᱚ ᱟᱹᱰᱤ ᱟᱸᱴ ᱠᱷᱟᱹᱛᱤᱨ ᱯᱟᱬᱤᱜᱽᱨᱟᱦᱤ ᱱᱚᱣᱟ ᱠᱚᱛᱷᱟ ᱚᱵᱤᱫᱷᱟᱱ ᱯᱨᱚᱠᱚᱞᱯᱚ ᱮᱛᱚᱦᱚᱵ ᱮ ᱢᱚᱱᱮ ᱠᱮᱫ-ᱟ ᱾ ᱯᱩᱭᱞᱩ ᱫᱚ ᱟ.ᱲᱟ. ᱟᱲᱟᱝ ᱨᱟᱠᱟᱵ ᱟᱛᱮ ᱨᱮᱠᱚᱨᱰ ᱠᱚᱨᱟᱣ ᱦᱩᱭᱩᱜ ᱛᱟᱦᱮᱫ ᱨᱮᱠᱚᱨᱰ ᱛᱟᱭᱚᱢ ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ  ᱨᱮᱱᱟᱜ Ogg Vorbis ᱛᱮ ᱵᱚᱫᱚᱞ ᱦᱩᱭᱩᱜ ᱛᱟᱦᱮᱸᱫ ᱾ ᱢᱤᱫ ᱫᱷᱟᱣ ᱟᱯᱞᱚᱰᱮᱱ ᱛᱟᱭᱚᱢ ᱚᱱᱟ ᱟ.ᱲᱟ. ᱤᱭᱩᱠᱚᱥᱱᱟ.ᱨᱤ ᱯᱨᱚᱠᱚᱞᱯᱚ ᱨᱮ ᱥᱮᱞᱮᱫ ᱦᱩᱭᱩᱜ ᱛᱟᱦᱮ.ᱫ ᱾ ᱱᱚᱝᱠᱟ ᱟᱲᱟᱝ ᱠᱚ ᱢᱮᱱᱩᱭᱮᱞ ᱦᱚᱨᱟ ᱛᱮ ᱨᱮᱠᱚᱨᱰ ᱠᱚᱨᱟᱣ ᱪᱷᱟᱰᱟ ᱟᱨ ᱢᱤᱫᱴᱟᱝ ᱚᱯᱮᱱ ᱥᱚᱨᱥ ᱯᱨᱚᱠᱚᱲᱯᱚ “ᱫᱷᱚᱣᱱᱤ [12]” ᱢᱮᱱᱟᱜ-ᱟ ᱡᱟᱦᱟᱸᱨᱮ  ᱚᱞ ᱠᱷᱚᱱᱟᱜ ᱠᱷᱚᱱᱟᱜ ᱟ.ᱭᱟ.ᱛ ᱟᱲᱟᱝ ᱥᱟᱰᱮ ᱵᱚᱫᱚᱞ ᱜᱟᱱᱚᱜ-ᱟ ᱟᱨ ᱱᱚᱣᱟ , ᱟᱭᱢᱟ  ᱥᱤᱧᱚᱛ ᱯᱟ.ᱨᱥᱤ ᱞᱟᱹᱜᱤᱫ ᱮ ᱠᱟ.ᱢᱤ ᱠᱟᱱᱟ  ᱾

ᱚᱱᱟ ᱨᱮᱭᱟᱜ ᱩᱞᱴᱟ. ᱨᱮ , ᱩᱭᱠᱤᱥᱱᱟ.ᱨᱤ ᱨᱮ ᱨᱮᱠᱚᱨᱰ  ᱟᱠᱟᱱ ᱟᱹᱲᱟᱹ ᱠᱚᱨᱮᱱᱟᱜ ᱚᱰᱤᱭᱳ ᱮᱴᱟᱜ ᱯᱟᱹᱨᱥᱤ ᱨᱮᱱ ᱦᱚᱲ ᱥᱟᱶ – ᱢᱮᱫ ᱛᱮ ᱱᱤᱠᱚᱰᱟ ᱟᱠᱟᱱ ᱦᱚᱲ ᱠᱚ ᱜᱚᱲᱚᱭ ᱮᱢᱟᱠᱚ ᱠᱟᱱᱟ – ᱟᱭᱢᱟ ᱟᱹᱲᱟᱹ ᱨᱮᱱᱟᱜ ᱯᱩᱥᱴᱟᱹᱣ ᱟᱲᱟᱝ ᱠᱚ ᱟᱸᱡᱚᱢ ᱮᱫ-ᱟ ᱾   ᱟ.ᱲᱟ. ᱢᱩᱨᱟ.ᱭ ᱟᱹᱰᱤᱜᱟᱱ ᱱᱮᱪᱚᱨᱟᱞ ᱞᱟᱸᱜᱩᱣᱮᱡᱽ ᱯᱨᱳᱥᱮᱥᱤᱝ [13] ᱯᱨᱚᱠᱚᱲᱯᱚ ᱠᱚᱨᱮ ᱠᱟᱹᱢᱤ ᱜᱟᱱᱚᱜ-ᱟ ᱡᱮᱢᱚᱱ ᱚᱞ-ᱠᱷᱚᱱ- ᱟᱲᱟᱝ [14]ᱟᱨ ᱟᱲᱟᱝ-ᱠᱷᱚᱱ-ᱚᱞ [15] ᱛᱮ ᱟᱹᱨᱩ ᱨᱮᱱᱟᱜ ᱤᱱᱡᱤᱱ ᱛᱮᱭᱟᱨ ᱠᱚᱨᱟᱣ ᱜᱟᱱᱚᱜ-ᱟ ᱾

ᱟᱯᱮᱠᱚ ᱠᱚᱛᱷᱟᱵᱷᱤᱫᱷᱟᱱ [16] ᱟᱜ ᱢᱤᱫ ᱴᱟᱝ ᱠᱚᱯᱤ ᱰᱟᱭᱩᱱᱞᱚᱰ ᱫᱟᱲᱮᱭᱟᱜ ᱟᱢ ᱟᱨ ᱚᱱᱟ ᱥᱚᱯᱴᱚᱣᱟᱨ ᱵᱮᱵᱚᱷᱟᱨ ᱟᱛᱮ ᱵᱮᱱᱟᱣ ᱟᱠᱟᱱ ᱥᱟᱱᱟᱢ ᱞᱮᱠᱟᱱᱟᱜ ᱚᱰᱤᱭᱳ ᱨᱮᱠᱚᱨᱰ [17]ᱮᱢ ᱧᱟᱢ ᱫᱟᱲᱮᱭᱟᱜ -ᱟ ᱾