ᱪᱮᱛᱟᱱᱨᱮ ᱡᱷᱚᱛᱚ ᱯᱟᱹᱨᱥᱤ ᱧᱮᱞ ᱢᱮ? ᱟᱞᱮ ᱜᱞᱳᱵᱟᱞ ᱵᱷᱳᱭᱮᱥᱮᱥ ᱨᱮᱱᱟᱜ ᱠᱷᱚᱵᱚᱨ ᱞᱮ ᱛᱚᱨᱡᱚᱢᱟ ᱮᱫᱟ ᱡᱮᱢᱚᱱ ᱥᱟᱱᱟᱢ ᱦᱚᱲ ᱴᱷᱮᱫ ᱡᱮᱜᱮᱛ ᱨᱮᱱᱟᱜ ᱱᱟᱜᱟᱨᱤᱭᱟᱹ ᱢᱤᱰᱤᱭᱟ ᱥᱮᱴᱮᱨ ᱫᱟᱲᱮ ᱭᱟᱜᱼᱟ

ᱵᱟᱝᱞᱟᱫᱮᱥ ᱨᱮ ᱦᱤᱣᱢᱮᱱ ᱢᱤᱞᱠ ᱵᱮᱝᱠ ᱛᱷᱟᱯᱚᱱ ᱨᱮ ᱟᱠᱚᱴ ᱠᱚ

ᱦᱤᱣᱢᱮᱱ ᱢᱤᱞᱠ ᱵᱮᱝᱠ ᱨᱮ ᱜᱚᱜᱚᱣᱟᱜ ᱠᱚᱲᱟᱢ ᱴᱳᱣᱟ ᱪᱮᱫ ᱞᱮᱠᱟ ᱛᱮ ᱡᱚᱜᱟᱣ ᱫᱚᱦᱚ ᱠᱚᱜᱼᱟ, ᱚᱱᱟ ᱤᱫᱤ ᱠᱟᱛᱮᱜᱼᱮ ᱨᱚᱲ ᱟᱠᱟᱫᱟ ᱰᱨᱹ ᱢᱚᱡᱤᱵᱩᱨ ᱨᱚᱢᱟᱱ। ᱪᱤᱛᱟᱹᱨ: ᱯᱟᱹᱷᱤᱞ ᱢᱟᱨᱥᱟᱞ ᱵᱷᱤᱰᱤᱭᱚ ᱠᱷᱚᱱ ᱥᱠᱨᱤᱱᱥᱚᱴ ᱦᱟᱛᱟᱣ।

ᱵᱟᱝᱞᱟᱫᱮᱥ ᱨᱮ ᱯᱟᱹᱦᱤᱞ ᱫᱷᱟᱣ ᱦᱤᱣᱢᱮᱱ ᱢᱤᱞᱠ ᱵᱮᱝᱠ ᱨᱮᱭᱟᱜ (ᱮᱝᱜᱟᱛ ᱟᱜ ᱠᱚᱲᱟᱢ ᱛᱚᱣᱟ) ᱛᱷᱟᱯᱚᱱᱵᱤᱨᱤᱛ ᱞᱟᱹᱜᱤᱫ ᱛᱚᱲ ᱡᱚᱲ ᱪᱟᱞᱟᱜ ᱠᱟᱱᱟ। ᱴᱷᱟᱠᱟ ᱨᱮᱭᱟᱜ ᱢᱟᱛᱩᱣᱟ ᱨᱮᱱ ᱜᱚᱫᱽᱨᱟᱹ ᱟᱨ ᱮᱝᱜᱟᱛ ᱱᱤᱯᱷᱩᱴ ᱦᱚᱲᱢᱚ ᱤᱱᱥᱴᱤᱴᱤᱣᱩᱴ ᱧᱩᱛᱩᱢᱟᱱ ᱦᱟᱥᱯᱟᱛᱟᱞ ᱵᱮᱸᱟᱣ ᱨᱮᱭᱟᱜ ᱜᱚᱴᱟ ᱟᱠᱟᱱᱟ।

ᱚᱠᱚᱭ ᱜᱤᱫᱽᱨᱟᱹ ᱨᱮ ᱮᱝᱜᱟᱛ ᱠᱚ ᱜᱚᱡᱚᱜᱼᱟ, ᱚᱠᱚᱭ ᱠᱚ ᱜᱤᱫᱽᱨᱟᱹ ᱮᱴᱟᱜ ᱠᱚ ᱟᱹᱥᱩᱞ ᱠᱚᱣᱟ, ᱥᱮ ᱚᱠᱚᱭ ᱠᱚ ᱫᱚ ᱟᱹᱰᱤ ᱟᱸᱴ ᱠᱚ ᱠᱟᱹᱦᱤᱞ ᱜᱮᱭᱟ ᱛᱚᱣᱟ ᱨᱮᱭᱟᱜ ᱟᱹᱰᱤ ᱞᱟᱹᱠᱛᱤ ᱯᱟᱲᱟᱜ ᱠᱟᱱᱟ, ᱚᱱᱟ ᱠᱚ ᱟᱹᱨᱤᱵᱟᱹᱱᱫᱷᱤ ᱠᱟᱛᱮ ᱜᱮ ᱦᱤᱣᱢᱮᱱ ᱢᱤᱞᱠ ᱵᱮᱝᱠ ᱵᱮᱱᱟᱣ ᱨᱮᱭᱟᱜ ᱫᱚ ᱜᱚᱴᱟ ᱟᱠᱟᱱᱟ। ᱱᱚᱣᱟ ᱵᱮᱝᱠ ᱨᱮ ᱡᱟᱦᱟᱸᱭ ᱛᱚᱣᱟ ᱠᱚ ᱮᱢᱟ, ᱚᱱᱠᱚ ᱫᱚ ᱡᱟᱦᱟᱱ ᱠᱟᱹᱣᱰᱤ ᱵᱟᱠᱚ ᱧᱟᱢᱟ, ᱚᱠᱚᱭ ᱠᱚ ᱜᱤᱫᱽᱨᱟᱹ ᱛᱚᱣᱟ ᱨᱮᱭᱟᱜ ᱞᱟᱹᱠᱛᱤ ᱯᱟᱲᱟᱣ ᱟᱠᱚᱣᱟ, ᱩᱱᱠᱚ ᱦᱚᱸ ᱵᱤᱱᱟᱹ ᱠᱟᱹᱣᱰᱤ ᱛᱮ ᱠᱳ ᱧᱟᱢᱟ।

ᱛᱚᱵᱮ ᱱᱚᱣᱟ ᱛᱚᱣᱟ ᱵᱮᱝᱠ ᱨᱮᱭᱟᱜ ᱩᱰᱦᱟᱹᱣ ᱠᱟᱹᱢᱤ ᱦᱚᱨᱟ ᱫᱚ ᱟᱫᱚᱢ ᱫᱷᱚᱨᱚᱢ ᱜᱟᱶᱛᱟ ᱟᱨ ᱫᱷᱚᱨᱚᱢ ᱦᱚᱲ ᱠᱚᱣᱟᱜ ᱵᱤᱨᱩᱫᱽ ᱤᱭᱟᱹᱛᱮ ᱛᱟᱭᱚᱢ ᱟᱠᱟᱱᱟ।

ᱱᱚᱣᱟ ᱡᱟᱱᱟᱢ ᱜ᱾ᱫᱽᱨᱟᱹ ᱞᱟᱹᱜᱤᱫ ᱠᱚᱲᱟᱢ ᱛᱚᱣᱟ ᱠᱤᱨᱤᱧ ᱫᱚ ᱞᱟᱹᱠᱛᱤ ᱢᱮᱱᱟᱜ-ᱟ

ᱢᱤᱫᱴᱮᱱ ᱱᱟᱣᱟ ᱡᱟᱱᱟᱢ ᱜᱤᱫᱽᱨᱟᱹ ᱞᱟᱹᱜᱤᱫ ᱮᱝᱜᱟᱛ ᱛᱚᱣᱟ ᱵᱮᱜᱚᱨ ᱮᱴᱟᱜ ᱟᱜ ᱫᱚ ᱵᱟᱝ ᱮᱢᱟ ᱠᱚ ᱦᱩᱭᱩᱜ-ᱟ। ᱢᱮᱱᱠᱷᱟᱱ ᱟᱹᱰᱤ ᱟᱭᱢᱟ ᱜᱤᱫᱽᱨᱟᱹ ᱜᱚᱜᱚ ᱛᱚᱣᱟ ᱵᱟᱠᱚ ᱧᱩ ᱫᱟᱲᱮᱭᱟᱜ ᱛᱮ । ᱵᱟᱧᱪᱟᱣ ᱠᱚ ᱛᱟᱦᱮᱱ ᱠᱟᱱ ᱨᱮᱦᱚᱸ, ᱟᱰᱚᱢ ᱠᱚ ᱫᱚ ᱞᱮᱰᱦᱟ ᱠᱚ ᱦᱩᱭᱩᱜ ᱠᱟᱱᱟ

ᱟᱭᱢᱟ ᱜᱤᱫᱽᱨᱟᱹ ᱜᱮ ᱮᱝᱜᱟᱛ ᱴᱚᱣᱟ ᱛᱮ ᱵᱟᱠᱚ ᱫᱷᱤᱨ ᱯᱩᱨᱚᱜ ᱠᱟᱱ ᱛ ᱡᱟᱝᱜᱮ ᱫᱟᱨᱟᱢ ᱫᱟᱲᱮ ᱵᱟᱠᱚ ᱦᱟᱢᱮᱴ ᱫᱟᱲᱮᱭᱟᱜ ᱠᱟᱱᱟ। ᱚᱠᱚᱭ ᱜᱤᱫᱽᱨᱟᱹ, ᱜᱟᱹᱭ ᱛᱚᱣᱟ ᱥᱮ ᱯᱷᱚᱨᱢᱩᱞᱟ ᱛᱚᱣᱟ ᱢᱤᱞᱠ ᱦᱟᱡᱟᱢᱮᱫ ᱠᱟᱱ ᱠᱚ, ᱩᱱᱠᱩ ᱞᱟᱹᱜᱤᱫ ᱦᱚᱸ ᱢᱤᱞᱠ ᱵᱮᱝᱠ ᱦᱩᱭ ᱞᱮᱱ ᱠᱦᱟᱱ ᱜᱚᱜᱚ ᱛᱚᱣᱟ ᱠᱚ ᱧᱟᱢ ᱫᱟᱲᱮᱭᱟᱜ-ᱟ।

ᱰᱤᱥᱮᱢᱵᱚᱨ ᱑ ᱢᱟᱹᱦᱤᱛ ᱦᱤᱣᱢᱮᱱ ᱢᱤᱞᱠ ᱵᱮᱝᱠ ᱮᱛᱚᱦᱚᱵ ᱨᱮᱭᱟᱜ ᱠᱟᱛᱷᱟ ᱛᱟᱦᱮ ᱠᱟᱱ ᱨᱮᱦᱚᱸ ᱟᱫᱚᱢ ᱫᱷᱚᱨᱚᱢ ᱜᱟᱶᱛᱟ ᱟᱨ ᱫᱷᱚᱨᱚᱢ ᱦᱚᱲ ᱠᱚ ᱤᱥᱞᱟᱢ ᱫᱷᱚᱨᱚᱢ ᱵᱤᱨᱩᱫᱽ ᱜᱮᱭᱟ ᱢᱮᱱᱛᱮ ᱟᱠᱚᱣᱟᱜ ᱟᱯᱚᱛᱛᱤ ᱠᱚ ᱥᱚᱫᱚᱨ ᱠᱮᱫ ᱛᱟᱭᱚᱢ ᱛᱷᱩᱠᱩᱢ ᱦᱟᱛᱟᱲ ᱟᱠᱟᱱᱟ

ᱛᱚᱵᱮ ᱪᱮᱫᱟᱜ ᱱᱚᱣᱟ ᱨᱮᱭᱟᱜ ᱵᱤᱨᱩᱫᱽ ᱫᱚ ?

ᱛᱟᱯᱷᱤᱥ ᱵᱟᱹᱭᱥᱤ ᱧᱩᱛᱩᱢᱟᱱ ᱢᱤᱫᱴᱮᱱ ᱫᱷᱚᱨᱚᱢ ᱜᱟᱶᱛᱟ ᱣᱟᱜ ᱫᱟᱵᱤ ᱞᱮᱠᱟ ᱛᱮ ᱢᱤᱣᱢᱣᱱ ᱢᱤᱞᱠ ᱵᱮᱝᱠ ᱦᱩᱭ ᱞᱮᱱ ᱠᱷᱟᱱ ᱟᱹᱰᱤ ᱟᱭᱢᱟ ᱛᱚᱣᱟ ᱛᱮ ᱵᱚᱭᱦᱟ ᱢᱤᱥᱨᱟ ᱠᱚ ᱦᱩᱭᱩᱜ-ᱟ, ᱟᱫᱚ ᱩᱱᱠᱩ ᱛᱟᱞᱟ ᱨᱮ ᱵᱟᱯᱞᱟ ᱫᱚ ᱦᱟᱨᱟᱢ ᱦᱩᱭᱩᱜ-ᱟ।

ᱤᱥᱞᱟᱢ ᱨᱮ ᱜᱤᱫᱽᱨᱟᱹ ᱠᱚ ᱜᱚᱜᱚ ᱟᱣᱜ ᱠᱚᱲᱟᱢ ᱛᱚᱣᱟ ᱧᱩ ᱨᱮ ᱡᱟᱦᱟᱱ ᱢᱟᱱᱟ ᱵᱟᱨᱚᱱ ᱵᱟᱹᱱᱩᱜ-ᱟ, ᱵᱚᱨᱚᱝ ᱠᱚ ᱢᱮᱱ ᱟᱠᱟᱫᱟ ᱒ ᱥᱮᱨᱢᱟ ᱩᱢᱮᱨ ᱦᱩᱭᱩᱜ ᱦᱟᱹᱵᱤᱡ ᱠᱚᱲᱟᱢ ᱛᱚᱣᱟ ᱜᱮ ᱧᱩᱭ ᱦᱩᱭᱩᱜ-ᱟ। ᱥᱚᱢᱚᱥᱥᱟ ᱦᱩᱭᱩᱜ ᱠᱟᱱᱟ, ᱤᱥᱞᱟᱢ ᱨᱮ ᱜᱚᱜᱚ ᱛᱚᱣᱟ ᱤᱫᱤ ᱠᱟᱛᱮ ᱢᱟᱭᱟᱢ ᱨᱮᱭᱟᱜ ᱥᱟᱹᱜᱟᱹᱭ ᱦᱩᱭᱩᱜ ᱠᱟᱱ ᱞᱮᱠᱟ। ᱜᱚᱜᱚ ᱛᱚᱣᱟ ᱟᱨ ᱩᱱᱤ ᱜᱚᱜᱚ ᱨᱮᱱ ᱜᱤᱫᱽᱨᱟᱹ ᱠᱚ ᱛᱟᱞᱟ ᱨᱮ ᱵᱟᱯᱞᱟ ᱥᱟᱹᱜᱟᱹᱭ ᱡᱚᱲᱟᱣ ᱫᱚ ᱦᱟᱨᱟ,ᱢ ᱜᱮᱭᱟ। ᱜᱚᱜᱚ ᱛᱚᱣᱟ ᱨᱟᱹᱠᱷᱤ ᱡᱚᱜᱟᱣ ᱮᱛᱚᱦᱚᱵ ᱞᱮᱱ ᱠᱷᱟᱱ, ᱚᱠᱚᱭ ᱵᱟᱞᱮ ᱜᱤᱫᱽᱨᱟᱹ ᱚᱠᱚᱭ ᱮᱝᱜᱟᱛ ᱟᱜ ᱜᱚᱣᱟᱭ ᱧᱩᱭᱮᱫᱟ, ᱱᱚᱣᱟ ᱦᱤᱥᱟᱹᱵᱽ ᱫᱚᱦᱚᱭ ᱫᱚ ᱢᱩᱥᱠᱤᱞ ᱜᱮᱭᱟ। ᱱᱚᱣᱟ ᱤᱭᱟᱹ ᱛᱮᱜᱮ ᱱᱚᱣᱟ ᱵᱤᱨᱤᱛ ᱨᱮᱭᱟᱜ ᱫᱚᱠᱚ ᱵᱤᱨᱩᱫᱽ ᱮᱫᱟ।

ᱤᱥᱞᱟᱢ ᱟᱹᱱ ᱟᱹᱨᱤ ᱞᱮᱠᱟ ᱛᱮ ᱥᱟᱵ ᱨᱟᱠᱟᱵ ᱠᱟᱛᱮ ᱥᱟᱭᱯᱷᱩᱞ ᱟᱞᱚᱢᱮ ᱴᱣᱤᱴ ᱟᱠᱟᱫᱟ, ᱱᱚᱣᱟ ᱢᱤᱞᱠ ᱵᱮᱝᱠ ᱵᱤᱨᱤᱛ ᱵᱚᱱᱫᱚ ᱨᱮᱭᱟᱜ-ᱮ ᱱᱮᱦᱚᱨ ᱟᱠᱟᱫ :

ᱢᱟᱢᱩᱱᱩᱨ ᱦᱚᱸ ᱱᱚᱣᱟ ᱦᱟᱨᱟᱢ ᱠᱟᱹᱢᱤ ᱦᱚᱨᱟ ᱵᱟᱝ ᱥᱟᱵ ᱨᱟᱠᱟᱵ ᱞᱟᱹᱜᱤᱫ-ᱮ ᱱᱮᱦᱚᱨ ᱟᱠᱟᱫᱟ :

ᱵᱟᱝᱞᱟ ᱫᱤᱥᱚᱢ ᱨᱮᱴᱭᱟᱜ ᱥᱩᱯᱨᱤᱢ ᱠᱚᱨᱴ ᱨᱮ ᱩᱠᱤᱞ ᱢᱚᱦᱢᱚᱫᱽ ᱢᱟᱦᱢᱩᱫᱩᱞ ᱦᱟᱥᱟᱱ ᱦᱚᱸ ᱱᱤᱛ ᱦᱟᱹᱵᱤᱡ ᱛᱮ ᱦᱤᱣᱢᱮᱱ ᱢᱤᱞᱠ ᱵᱮᱝᱠ ᱵᱚᱱᱫᱚ ᱨᱮᱭᱟᱜ ᱠᱟᱛᱷᱟ ᱟᱢᱞᱟ ᱠᱚᱭ ᱵᱟᱰᱟᱭ ᱚᱪᱚᱣᱟᱠᱟᱫ ᱠᱚᱣᱟ ᱟᱹᱱᱟᱱ ᱱᱚᱴᱤᱥᱮ ᱠᱩᱞ ᱟᱠᱟᱫᱟ, ᱮᱴᱟᱜ ᱮᱝᱜᱟᱛ ᱨᱮᱱ ᱜᱤᱫᱽᱨᱟᱹ ᱠᱚ ᱛᱚᱣᱟ ᱮᱢ ᱨᱮ ᱟᱹᱱ ᱟᱨ ᱫᱷᱚᱨᱚᱢ ᱨᱮᱭᱟᱜ ᱮᱴᱠᱮ ᱴᱚᱬᱮ ᱢᱮᱱᱟᱥᱜ-ᱟ ᱢᱮᱱ ᱛᱮᱭᱮ ᱥᱚᱫᱚᱨ ᱟᱠᱟᱫᱟ।

ᱱᱚᱛᱮ ᱛᱚᱣᱟ ᱵᱚᱭᱦᱟ ᱢᱤᱥᱨᱟ ᱛᱟᱞᱟ ᱨᱮ ᱵᱟᱯᱞᱟᱜ ᱨᱮᱱᱟᱜ ᱵᱚᱛᱚᱨ ᱵᱟᱝ ᱛᱟᱦᱮᱱᱟ ᱢᱮᱱᱛᱮ ᱞᱟᱹᱭ ᱟᱠᱟᱫᱟ ᱢᱤᱣᱢᱮᱱ ᱢᱤᱞᱠ ᱨᱮᱱ ᱰᱤᱨᱮᱠᱴᱚᱨ ᱰᱨᱹ ᱢᱚᱡᱤᱵᱚᱨ ᱨᱚᱦᱢᱟᱱ। ᱛᱚᱣᱟ ᱮᱢᱚᱜᱤᱡ-ᱦᱟᱛᱟᱣᱤᱡ ᱟᱜ ᱧᱩᱛᱩᱢ ᱩᱯᱨᱩᱢ ᱡᱚᱜᱟᱮ ᱫᱚᱦᱚ ᱛᱟᱦᱮᱱᱟ ᱢᱮᱱᱛᱮ ᱵᱟᱝᱞᱟ ᱴᱨᱤᱵᱤᱣᱩᱱ ᱥᱟᱢᱟᱝ ᱨᱮᱭᱮ ᱞᱟᱹᱭ ᱟᱠᱫᱟ ᱞᱟᱹᱭ ᱟᱠᱟᱫᱟ:

প্রত্যেকের জন্য আলাদা ডাটা, আলাদা আইডি কার্ড রাখা হবে। যিনি দান করবেন এবং যিনি গ্রহণ করবেন, তাদের দুজনের কাছেই পরিচয়পত্র থাকবে। এখানে প্রত্যেক মায়ের দুধ আলাদা কৌটায় রাখা হবে, যেসব শিশুকে আরেক মায়ের দুধ খাওয়ানো হবে, তাদের দুই পক্ষকেই আইডি কার্ড দেওয়া হবে। রেফারেন্স নম্বর-রেজিস্ট্রেশন নম্বর, খাতা ও ভলিউম, এন্ট্রি পৃষ্ঠার নম্বর, সবই তাদের দেওয়া হবে।

ᱡᱚᱛᱚ ᱠᱚ ᱞᱟᱹᱜᱤᱫ ᱵᱮᱜᱟᱨ ᱰᱟᱴᱟ, ᱵᱮᱜᱟᱨ ᱟᱭᱹᱰᱤᱹ ᱠᱟᱨᱰ ᱫᱚᱷᱚ ᱛᱟᱦᱮᱱᱟ। ᱚᱠᱚᱭ ᱮᱢᱚᱜ-ᱟ ᱟᱨ ᱚᱠᱚᱭ ᱦᱟᱛᱟᱣᱟ ᱵᱟᱱᱟ ᱦᱚᱲ ᱴᱷᱮᱱ ᱜᱮ ᱩᱯᱨᱩᱢ ᱥᱟᱠᱟᱢ ᱛᱟᱦᱮᱱᱟ। ᱡᱚᱛᱚ ᱮᱝᱜᱟᱛ ᱟᱜ ᱛᱚᱣᱟ ᱵᱮᱜᱟᱨ ᱵᱮᱜᱟᱨ ᱠᱚᱴᱟ ᱨᱮ ᱫᱚᱦᱚ ᱛᱟᱦᱮᱱᱟ, ᱚᱠᱚᱭ ᱵᱟᱞᱮ ᱜᱤᱫᱽᱨᱟᱹ ᱡᱩᱫᱤ ᱮᱴᱟᱜ ᱜᱚᱜᱚᱣᱟᱜ ᱛᱚᱣᱟ ᱮᱢ ᱦᱩᱭᱩᱜ-ᱟ, ᱩᱱᱠᱩᱤ ᱵᱟᱱᱟ ᱦᱚᱲ ᱟᱭᱹᱰᱤ ᱠᱟᱨᱰ ᱮᱢᱟ ᱠᱤᱱ ᱦᱩᱭᱩᱜ-ᱟ। ᱨᱮᱯᱷᱟᱨᱮᱱᱥ ᱮᱞ-ᱨᱮᱡᱤᱥᱴᱨᱮᱥᱚᱱ ᱮᱞ, ᱠᱷᱟᱛᱟ ᱟᱨ ᱵᱷᱚᱞᱤᱭᱚᱢ, ᱮᱱᱴᱨᱤ ᱥᱟᱠᱟᱱ ᱨᱮᱭᱟᱭ ᱮᱞ, ᱡᱚᱛᱚ ᱠᱚᱜᱮ ᱚᱱᱟ ᱠᱚ ᱮᱢ ᱚᱪᱚᱜ-ᱟ।

ᱦᱤᱣᱢᱮᱱ ᱢᱤᱞᱠ ᱵᱵᱮᱝᱠ ᱥᱟᱱᱟᱢ ᱥᱟᱫᱷᱟᱨᱚᱱ ᱵᱟᱞᱮ ᱜᱤᱫᱽᱨᱟᱹ ᱠᱚ ᱞᱟᱹᱜᱤᱫ ᱫᱚ ᱵᱟᱝ ᱠᱟᱱᱟ। ᱚᱠᱚᱭ ᱠᱚ ᱜᱤᱫᱽᱨᱟᱹᱣᱟᱟᱜ ᱡᱤᱭᱚᱱ ᱢᱩᱦᱤᱱ ᱨᱮ ᱛᱟᱦᱮᱱ, ᱩᱱᱠᱩ ᱵᱟᱧᱪᱟᱣ ᱠᱚ ᱞᱟᱹᱜᱤᱫ ᱜᱮ ᱱᱤᱭᱟᱹ ᱠᱟᱹᱢᱤ ᱦᱚᱨᱟ ᱫᱚ ᱥᱟᱟᱵ ᱟᱠᱟᱱᱟ। ᱵᱟᱯᱞᱟ ᱥᱟᱹᱜᱟᱹᱭ ᱛᱚᱯᱚᱞ ᱚᱠᱛᱮ ᱨᱮ ᱡᱟᱦᱟᱱ ᱮᱞᱟᱝ ᱚᱨᱥᱚᱝ ᱵᱟᱝ ᱯᱟᱲᱟᱣᱚᱜ।

ᱤᱥᱞᱟᱢ ᱫᱷᱚᱨᱚᱢ ᱨᱮᱱ ᱦᱚᱲ ᱠᱚᱣᱟᱜ ᱡᱤᱣᱤ ᱵᱟᱧᱪᱟᱣ ᱞᱟᱹᱜᱤᱫ ᱵᱟᱹᱲᱛᱤ ᱢᱚᱱᱮ ᱢᱩᱨᱩᱠ ᱟᱠᱟᱱᱟ। ᱚᱱᱟ ᱵᱮᱜᱚᱨ ᱡᱚᱛᱷᱟᱛ ᱫᱷᱚᱨᱚᱢ ᱠᱚᱨᱚᱢ ᱨᱮᱭᱟᱜ ᱟᱹᱱ ᱟᱹᱨᱤ ᱢᱟᱱᱟᱣ ᱵᱟᱛᱟᱣᱚᱜ-ᱟ ᱢᱮᱱᱛᱮ ᱠᱚ ᱞᱟᱹᱭ ᱡᱟᱹᱦᱤᱨ ᱟᱠᱟᱫᱟ, ᱵᱤᱨᱤᱛᱤᱭᱟᱹ ᱠᱚ।

ᱢᱩᱦᱤᱢ ᱚᱠᱛᱮ ᱨᱮ ᱠᱚᱲᱟᱢ ᱛᱚᱣᱟ ᱧᱟᱧᱟᱢ ᱫᱚ ᱦᱟᱨᱚᱱ ᱜᱮᱭᱟ

ᱵᱟᱝᱞᱟᱫᱮᱥ ᱨᱮ ᱵᱤᱱ ᱮᱝᱜᱟᱛᱟᱱ ᱵᱟᱞᱮ ᱜᱤᱫᱽᱨᱟᱹ ᱠᱚᱣᱟᱜ ᱡᱤᱣᱤ ᱵᱟᱧᱪᱟᱣ ᱞᱟᱹᱜᱤᱫ ᱠᱚᱲᱟᱢ ᱛᱚᱣᱟ ᱥᱮᱱᱫᱽᱨᱟ ᱧᱟᱧᱟᱢ ᱫᱚ ᱦᱟᱨᱚᱱ ᱜᱮᱭᱟ। ᱟᱨᱦᱚᱸ ᱠᱮᱴᱮᱡ ᱢᱚᱱᱟᱱ ᱦᱚᱲ ᱫᱚ ᱮᱴᱟᱜ ᱦᱚᱲ ᱨᱮᱱ ᱜᱤᱫᱽᱨᱟᱹ ᱞᱟᱹᱜᱤᱫ ᱛᱚᱣᱟ ᱮᱢᱚᱜ ᱵᱟᱠᱚ ᱢᱮᱱᱟ। ᱛᱩᱞᱤ ᱥᱚᱝᱜᱤᱛᱟ ᱟᱡ ᱠᱟᱹᱴᱤᱡ ᱛᱟᱦᱮᱱ ᱚᱠᱛᱮ ᱱᱚᱝᱠᱟᱱ ᱜᱷᱚᱴᱱᱟᱭ ᱧᱮᱞ ᱡᱚᱝᱟᱱ ᱛᱟᱦᱮᱸᱠᱟᱱᱟ। ᱟᱡᱟᱜ ᱟᱰᱮ ᱯᱟᱥᱮ ᱨᱮᱱ ᱟᱱᱴᱤ ᱚᱠᱛᱮ ᱠᱷᱚᱱ ᱞᱟᱦᱟ ᱨᱮ ᱡᱟᱣᱟ ᱜᱤᱫᱽᱨᱟᱹᱭ ᱡᱟᱱᱟᱢ ᱞᱮᱫ ᱠᱤᱱᱟᱹ। ᱩᱱ ᱚᱠᱛᱮ ᱨᱮ ᱠᱚᱲᱟᱢ ᱛᱚᱣᱟ ᱵᱟᱝ ᱥᱟᱨᱮᱲ ᱟᱠᱟᱱ ᱛᱟᱭ ᱛᱟᱦᱮᱸᱠᱟᱱᱟ ᱟᱨ ᱛᱚᱣᱟ ᱵᱟᱭ ᱧᱟᱢ ᱞᱮᱫ ᱛᱮ ᱢᱤᱫ ᱴᱮᱱ ᱜᱤᱫᱽᱨᱟᱹ ᱫᱚᱭ ᱵᱮᱱᱰᱟᱣ ᱮᱱᱟ। ᱞᱟᱹᱠᱛᱤ ᱛᱟᱦᱮᱸᱠᱟᱱᱟ ᱮᱴᱟᱜ ᱜᱚᱜᱚ ᱠᱚᱣᱟᱜ ᱜᱚᱲᱚ ᱨᱮᱭᱟᱜ। ᱚᱱᱟ ᱜᱷᱚᱴᱱᱟ ᱥᱚᱫᱚᱨ ᱠᱟᱛᱮ ᱛᱩᱞᱤ ᱥᱚᱝᱜᱤᱛᱟᱭ ᱚᱞ ᱥᱚᱫᱚᱨ ᱟᱠᱟᱫᱟ:

আমার মা পুরো হাসপাতালে ঘুরে ঘুরে অন্য মায়েদের সহায়তা চেয়ে বেরিয়েছেন, যদি একটুখানি মায়ের দুধ পান ছোট্ট বাচ্চাটার জন্য। কেউই খুব একটা রাজী ছিলেন না অন্যদের সন্তানকে একটুখানি বুকের দুধ দিতে!!

অবশেষে দুজন মাকে খুঁজে পাওয়া গিয়েছিলো যারা এক কোলে নিজের সন্তান আর আরেক কোলে ওই আন্টির সন্তানকে মাতৃস্নেহের ভাগ দিতে রাজী হয়েছিলেন। সারাজীবন এই দুজনের জন্য মনে মনে আনত শ্রদ্ধা পুষে এসেছি।

ᱤᱧ ᱜᱚᱜᱚ ᱜᱚᱴᱟ ᱦᱟᱥᱯᱟᱛᱟᱞ ᱫᱟᱬᱟ ᱫᱟᱬᱟ ᱛᱮ ᱮᱴᱟᱜ ᱜᱚᱜᱚ ᱠᱚᱣᱟᱜ ᱜᱚᱲᱚᱭ ᱠᱷᱚᱡᱽ ᱠᱟᱱ ᱛᱟᱦᱮᱸᱠᱟᱱᱟ, ᱯᱟᱥᱮᱡ ᱡᱟᱩᱰᱤᱡ ᱛᱚᱣᱟ ᱧᱟᱢ ᱩᱱᱤ ᱵᱟᱞᱮ ᱜᱤᱰᱽᱨᱟᱹ ᱞᱟᱹᱜᱤᱫ। ᱚᱠᱚᱭ ᱦᱚᱸ ᱛᱚᱣᱟ ᱮᱢᱚᱜ ᱵᱟᱠᱚ ᱨᱮᱵᱮᱱ ᱞᱮᱱᱟ ᱮᱴᱟᱜ ᱦᱚᱲ ᱞᱟᱹᱜᱤᱫ !!

ᱢᱩᱪᱟᱹᱫ ᱨᱮ ᱵᱟᱨᱭᱟ ᱜᱚᱜᱚᱭ ᱧᱟᱢ ᱞᱮᱫ ᱠᱤᱱᱟᱹ ᱚᱠᱚᱭ ᱫᱚ ᱢᱤᱫ ᱠᱚᱲᱟᱢ ᱨᱮ ᱟᱠᱤᱱ ᱨᱮᱱ ᱜᱤᱫᱽᱨᱟᱹ ᱟᱨ ᱢᱤᱫ ᱠᱚᱲᱟᱢ ᱨᱮ ᱫᱚ ᱟᱱᱴᱤ ᱨᱮᱱ ᱜᱤᱫᱽᱨᱟᱹ ᱛᱚᱣᱟ ᱧᱩᱧᱩᱣᱟᱠᱤᱱ ᱞᱟᱹᱜᱤᱫ-ᱠᱤᱱ ᱨᱮᱵᱮᱱ ᱞᱮᱱ। ᱜᱚᱴᱟ ᱡᱤᱭᱚᱱ ᱱᱩᱠᱤᱱ ᱵᱟᱨᱭᱟ ᱜᱚᱜᱚ ᱠᱤᱱ ᱢᱟᱱᱚᱛ ᱞᱟᱹᱜᱤᱫ ᱚᱱᱛᱚᱨ ᱨᱮ ᱢᱟᱱᱚᱛᱤᱧ ᱫᱚᱦᱚᱣᱟᱠᱟᱫᱟ।

᱑᱙᱖᱐-᱒᱐᱑᱐ ᱥᱮᱨᱢᱟ ᱦᱟᱹᱵᱤᱡ ᱵᱟᱝᱞᱟᱫᱮᱥ ᱨᱮ ᱵᱟᱞᱮ ᱜᱤᱫᱽᱨᱟᱹ ᱜᱚᱡᱚᱜ ᱡᱚᱠᱷᱟ। ᱣᱤᱠᱤᱢᱤᱰᱤᱭᱟ ᱠᱚᱝᱥ ᱠᱷᱚᱱ ᱛᱩᱢᱟᱟᱹᱞ ᱟᱠᱟᱱᱟ। ᱠᱨᱤᱭᱮᱴᱤᱵᱽ ᱠᱚᱢᱚᱱᱥ ᱔ᱹ᱐ ᱞᱟᱭᱥᱮᱱᱥ ᱛᱟᱹᱨᱤ ᱥᱚᱫᱚᱨ ᱟᱠᱟᱱᱟ।

ᱵᱟᱝᱞᱟᱫᱮᱥ ᱨᱮᱭᱟᱜ ᱢᱚᱱᱮ ᱡᱚᱝᱟᱜ ᱠᱟᱱᱟ ᱵᱟᱝᱢᱟ, ᱵᱟᱞᱮ ᱜᱤᱫᱽᱨᱟᱹ ᱜᱚᱡᱚᱜ ᱫᱚᱨ ᱠᱚᱣᱟ ᱚᱪᱚᱭ ᱟᱹᱰᱤ ᱵᱷᱟᱜᱮ ᱠᱚ ᱠᱩᱨᱩᱢᱩᱴᱩ ᱟᱠᱟᱫᱟ ।ᱮᱱᱨᱮ ᱦᱚᱸ ᱵᱟᱝᱞᱟᱫᱮᱥ ᱨᱮ ᱵᱟᱞᱮ ᱜᱤᱫᱽᱨᱟᱹ ᱜᱚᱡᱚᱜ ᱨᱮᱭᱟᱜ ᱫᱚᱨ ᱟᱹᱰᱤ ᱵᱟᱹᱲᱛᱤ ᱜᱮᱭᱟ। ᱡᱟᱣ ᱥᱮᱨᱢᱟ ᱡᱟᱱᱟᱢ ᱛᱟᱭᱚᱢ ᱖᱒ ᱦᱟᱡᱟᱨ ᱵᱟᱞᱮ ᱜᱤᱫᱽᱨᱟᱹ ᱠᱚ ᱜᱚᱡᱚᱜ ᱠᱟᱱᱟ। ᱱᱩᱠᱩ ᱜᱤᱫᱽᱨᱟᱹ ᱠᱚ ᱜᱚᱡᱚᱜ ᱠᱟᱱᱟ ᱢᱤᱫ ᱪᱟᱱᱫᱚ ᱟᱹᱣᱨᱤ ᱦᱩᱭᱩᱜ ᱨᱮᱜᱮ ᱟᱨ ᱟᱫᱚᱢ ᱜᱤᱫᱽᱨᱟᱹ ᱫᱚ ᱡᱟᱱᱟᱢ ᱦᱤᱞᱚᱜ ᱨᱮᱜᱮ ᱡᱚ ᱜᱚᱡᱜᱚᱜ ᱠᱟᱱᱟ। ᱵᱤᱱ ᱯᱩᱨᱟᱹᱣ ᱚᱵᱚᱥᱴᱟ ᱨᱮ ᱡᱟᱱᱟᱢᱚᱜ, ᱟᱡᱟᱨ ᱟᱨ ᱥᱟᱸᱦᱮᱸᱫ ᱦᱟᱨᱚᱱ ᱮᱢᱟᱱ ᱮᱴᱠᱮ ᱴᱚᱬᱮ ᱠᱷᱟᱹᱛᱤᱨ ᱛᱮ ᱟᱹᱰᱤ ᱟᱭᱢᱟ ᱵᱟᱞᱮ ᱜᱤᱫᱽᱨᱟᱹ ᱜᱮᱠᱚ ᱜᱚᱡᱚᱜ ᱠᱟᱱᱟ| ᱚᱱᱟ ᱵᱮᱜᱚᱨ ᱜᱤᱫᱽᱨᱟᱹ ᱡᱟᱱᱟᱢ ᱠᱚ ᱚᱠᱛᱮ ᱡᱟᱣ ᱥᱮᱨᱢᱟ ᱜᱮ ᱕ ᱦᱟᱡᱟᱨ ᱒᱐᱐ ᱥᱟᱭ ᱡᱚᱱᱟ ᱢᱟᱭᱡᱤᱣ ᱠᱚ ᱜᱚᱡᱚᱜ ᱠᱟᱱᱟ|

ᱡᱩᱫᱤ, ᱜᱤᱫᱽᱨᱟᱹ ᱡᱟᱱᱟᱢ ᱠᱟᱛᱮ ᱢᱤᱫ ᱴᱟᱲᱟᱝ ᱵᱷᱤᱛᱨᱤ ᱨᱮ ᱠᱚᱲᱟᱢ ᱛᱚᱣᱟ ᱧᱩ ᱞᱮᱠᱷᱟᱱ ᱜᱮ ᱱᱚᱣᱟ ᱜᱩᱡᱩᱜ ᱟᱹᱰᱤ ᱠᱚᱢᱚᱜ ᱨᱮᱱᱟᱜ ᱟᱸᱥ ᱢᱮᱱᱟᱜ-ᱟ ᱢᱮᱱᱛᱮ ᱜᱟᱹᱠᱷᱩᱲᱤᱭᱟᱹ ᱠᱚᱠᱚ ᱢᱮᱱ ᱟᱠᱟᱫᱟ ।

ᱜᱤᱫᱽᱨᱟᱹ ᱟᱨ ᱮᱝᱜᱟᱛ ᱱᱤᱯᱷᱩᱴ ᱤᱱᱥᱴᱤᱴᱤᱣᱩᱰ ᱨᱮᱭᱟᱜ ᱱᱚᱣᱟ ᱦᱤᱣᱢᱮᱱ ᱢᱤᱞᱠ ᱵᱮᱝᱠ ᱨᱮ ᱥᱟᱢᱟᱱ ᱜᱤᱫᱽᱨᱟᱹ ᱠᱚ ᱞᱟᱹᱜᱤᱫ ᱫᱚ ᱵᱟᱝ ᱧᱟᱢᱚᱜ-ᱟ, ᱚᱠᱚᱭ ᱠᱚ ᱵᱟᱞᱮ ᱜᱤᱫᱽᱟᱹ ᱦᱚᱲᱢᱚ ᱠᱟᱹᱦᱤᱞ ᱜᱮᱭᱟ ᱟᱨ ᱜᱚᱜᱚ ᱛᱚᱣᱟ ᱵᱟᱠᱚ ᱧᱟᱢ ᱞᱮᱠᱷᱟᱱ ᱠᱚ ᱜᱚᱡᱚᱜ-ᱟ ᱮᱠᱮᱱ ᱩᱱᱠᱩ ᱞᱟᱹᱜᱤᱫ ᱠᱟᱱᱟ|

ᱨᱮᱡᱤ ᱫᱤᱱᱟᱹᱢ ᱫᱭᱚ ᱥᱟᱱ ᱨᱮ ᱢᱤᱫ ᱥᱟᱥᱟᱯᱟᱲᱟᱣ ᱟᱠᱷᱲᱟ ᱨᱮ ᱛᱟᱵᱟᱥᱩᱱ ᱵᱟᱱᱩ ᱥᱚᱱᱟᱞᱤ ᱭᱮ ᱢᱮᱱ ᱟᱠᱟᱫᱟ, ᱚᱠᱚᱭ ᱠᱚ ᱜᱚᱜᱚ ᱪᱟᱹᱠᱨᱤ ᱚᱠᱛᱮ ᱨᱮ ᱟᱠᱚ ᱨᱮᱱ ᱜᱤᱫᱽᱨᱟᱹ ᱛᱚᱣᱟ ᱵᱟᱠᱚ ᱧᱩ ᱫᱟᱲᱮᱭᱟᱠᱚ ᱠᱟᱱᱟ, ᱩᱱᱠᱩ ᱜᱚᱲᱚᱣᱟ ᱠᱚ ᱞᱟᱹᱜ᱾ᱫ ᱦᱚᱸ ᱟᱜᱟᱢ ᱫᱤᱱ ᱨᱮ ᱢᱤᱫ ᱵᱮᱜᱟᱨ ᱞᱮᱠᱟ ᱛᱚᱣᱟ ᱵᱮᱝᱠ ᱵᱟᱱᱫᱷᱟᱣᱚᱜ-ᱟ

ᱤᱨᱟᱱ, ᱟᱨᱚᱵᱽ ᱟᱢᱤᱨᱟᱛ, ᱢᱟᱞᱮᱥᱤᱭᱟ ᱟᱨ ᱯᱟᱠᱤᱥᱛᱟᱱ ᱞᱮᱠᱟ ᱟᱭᱢᱟ ᱢᱩᱥᱞᱤᱢ ᱫᱤᱥᱚᱢ ᱨᱮ ᱦᱤᱣᱢᱮᱱ ᱢᱤᱞᱠ ᱵᱮᱝᱠ ᱟᱨ ᱵᱮᱜᱟᱨ ᱥᱟᱯᱚᱨᱴ ᱜᱽᱨᱩᱯ ᱵᱟᱱᱫᱷᱟᱣ ᱟᱠᱟᱱᱟ। ᱚᱱᱟ ᱠᱚ ᱫᱤᱥᱚᱢ ᱨᱮ ᱚᱠᱟ ᱞᱮᱠᱟ ᱱᱚᱣᱟ ᱵᱤᱨᱤᱛ ᱠᱚᱠᱚ ᱪᱟᱞᱟᱟᱣ ᱵᱟᱱᱟᱣ ᱮᱫᱟ- ᱚᱠᱟ ᱫᱚ ᱫᱷᱚᱨᱚᱢ ᱯᱟᱥᱴᱟ ᱠᱷᱚᱱ ᱧᱮᱞ ᱞᱮᱠᱷᱟᱱ ᱦᱚᱸ ᱟᱝᱜᱚᱪᱚᱜ ᱜᱮ, ᱚᱱᱟ ᱠᱚ ᱧᱮᱧᱮᱞ ᱞᱟᱹᱜᱤᱫ ᱟᱨᱫᱟᱥ ᱟᱠᱟᱫᱟᱠᱚ ᱚᱠᱟ ᱫᱚ ᱵᱟᱝᱞᱟᱫᱮᱥ ᱨᱮ ᱟᱝᱜᱚᱪ ᱫᱟᱲᱮᱭᱟ ᱜᱮ|

ᱜᱟᱞᱚᱪ ᱮᱛᱦᱚᱵ ᱢᱮ

ᱚᱱᱚᱞᱤᱭᱟ, ᱫᱟᱭᱟᱠᱟᱛᱮ ᱵᱚᱞᱚᱱ ᱢᱮ »

Guidelines

  • All comments are reviewed by a moderator. Do not submit your comment more than once or it may be identified as spam.
  • Please treat others with respect. Comments containing hate speech, obscenity, and personal attacks will not be approved.